Versículos bíblicos populares de Mateo 2

Partilhar

Joca'li ỹinoxodóoue so' 'emec, qana'chi ỹilodalégue so' nootolec qataxa jaso' lat'e María. Ỹim, qana'chi ỹisóidiñi naua' liliictel, qana'chi ỹi'ỹoxodéetrac jeso'me. Ỹim, qana'chi ỹ'ouáchi'ñiita saua' lachoxónaxaqui', qana'chi qoỹachítec jaso' oro, qataxa so' nichínataxanaxat, qataxa jaso' licha' jan' 'epaq, lenaxat mirra.

So' Jesús lañoqo' di' noicolec Belén, 'me huáaue di' 'aléua Judea, huétooue josii'cho' so' nolo' joca'li so' net'a Herodes, qana'chi ỹilotalégue jeso' 'aléua. Qana'chi nivídet'a di' noic let'ádaic Jerusalén saua' siỹaxa'u, chiỹoqoda'ague da' néte' liiséguem. Jesaa'me ỹátenaxanaxaiqa da' ỹilódapega ga' náỹi jan' huaqchiñi. Qana'chi jesaa'me denataxaat'ape, 'enapega'to': —¿Jái'chogamaxa hua'ague ga' let'a na' judiopi 'me ỹímta da' niỹíñi? Qá'a dája' c'atena liiséguem 'me sep'áqat'ague, qo'mi seloqót'a jaso' l'anaxanaqte huaqchiñi. Tadeeto' ñanaguénaq da' si'ỹoxodénaq.

Qana'chi jesaa'me ỹátenaxanaxaiqa joca'li ỹitaxa ỹilód'a jaso' huaqchiñi, qana'chi ỹátaqta jalcote da' netónaxa'j.

Joca'li ỹim, qana'chi 'uo da' naqátaxa'j huáỹi so' lichoxonaxa'j da' sa huaỹóxode'uo di' néta'ña so' net'a Herodes. Qana'chi quetegue ga' naq'aic laqáỹa joca'li v'iỹílaxategue ga' l'acháqa't. Joca'li ma'le jéque' saua' ỹátenaxanaxaiqa, qana'chi jeso' lamaxasec ñi' qadesaliaxanec naloxóna so' José joca'li d'ochítac. Qana'chi 'uo da' lichoxonaxac qoỹinapego' 'eet'oi: —'Oñíseguem qomle, 'auacoosop di' nootolec, qataxa jañi' lat'e, qana'chi 'anélotaxañiỹiỹi di' Egipto. Qana'chi 'ouét'a qomle jidi'me, ỹátaqchiiño' 'chi 'am senapéga. Qá'a ñi' Herodes janac da' nimitáaque jena'me nootolec da' ỹalaat.