Versículos Bíblicos Populares relacionados a Jan 11

Compartilhar

Den Jiizas se tu ar se, “Mi a di wan we mek piipl kom bak alaiv; a mi mek piipl liv. Enibadi we biliiv iina mi a-go liv, aal ef dem ded. An dem we alaiv an biliiv iina mi, dem naa go ded. Yu biliiv dis ya?”

Den Jiizas se, “Duohn mi tel yu se ef yu biliiv, yu wuda si ou Gad big an powaful?”

Jiizas baal.

Wen Jiizas ier bout it, im se, “Nobadi naa go ded siek-a da siknis ya. It gweehn kaaz piipl fi big op Gad. An dem a-go big op di Man we Gad Pik siek-a it tu.”

Afta Jiizas don se dat, im baal out loud loud se, “Lazaros, kum out!” Di ded man kom out wid im an an fut dem tai op wid piis piis a klaat. Piis a klaat did rap roun im fies. Den Jiizas se tu dem se, “Tek di griev kluoz aafa im an mek im gwaan.”

Wa Jiizas si toch im aat wan muo taim, an im go wich paat di griev did de. (Nou, di griev a did wan kiev wid wan stuon infronta it.)

Afta im se so, im tel dem se, “Wi fren Lazaros jrap asliip; bot mi a-go wiek im op.”