Versículos Bíblicos Populares relacionados a Jan 13

Compartilhar

“Mi a tel unu fi du sopm nyuu — lov unu wan aneda. Sed wie mi lov unu, a so unu fi lov unu wan aneda. Wen unu lov unu wan aneda, a so piipl gweehn nuo se unu a fi mi falara.”

Nou, ef mi, we a unu Laad an unu Tiicha, wash unu fut, unu mos wash unu wan aneda fut tu. Mi a set egzampl fi unu fala. Wa mi du fu'unu, unu fi du fu'unu wan aneda.

So Jiizas se tu im se, “Yu no get wa mi a du rait ya nou, bot yu wi andastan afta dem sitn ya apm.”

Mi a tel unu fi chuu chuu, no sorvant no biga dan im maasta, an no mesinja no biga dan di sumadi we sen im.

Ef unu andastan an du dem sopm ya wa mi a se, Gad a-go bles unu.

so im get op fram roun di tiebl, tek aaf im ruob an rap wan towil roun im wies. Afta im du dat de, im chuo waata iina wan biesn an staat fi wash im falara dem fut. Im den jrai dem aaf wid di towil we im did rap roun im wies.