Versículos Bíblicos Populares relacionados a Jan 15

Compartilhar

“Mi a di chrii; unu a di lim dem. Evri lim we a paat a mi — an we mi a paat a — dem bier nof fruut. Unu kyaahn du wan ting widout mi.

Tan wid mi, an mi wi tan wid unu. Wan branch kyaahn bier fruut pan it uon; it afi tan pan di chrii. A siem wie unu naa go kyan bier fruut ef unu no tan wid mi.

Ef unu tan pan mi an ef wa mi se tan iina unu, aks fi eniting unu waahn, an unu wi get it.

“A no unu pik mi, a mi pik unu an put unu wan said fi bier nof fruut — di kain-a fruut we a-go laas fi eva. Wen dat apm, mi Faada gweehn gu'unu eniting unu aks im fa kaa unu a mi falara.

Di bes wie sumadi kyan shuo se dem lov dem fren a fi gi op dem laif fi dem.

Im brok aaf aafa mi aal a di lim dem we no bier fruut. An im chrim op di lim dem we bier fruut so dat dem kyan bier muo.

“Dis ya a wa mi waahn unu fi du: lov unu wan aneda siem laka ou mi lov unu.

Wen unu bier nof fruut an shuo se unu a fi mi falara, da wie de mi Faada get nof rispek.

“Mi a wan chrii, di riil chrii we gud fruut gruo pan, an mi Faada a di gyaadna we luk aafa di chrii.

Ef sumadi no tan pan mi, dem komiin laka di lim dem we get fling we an den jrai op. Piipl pik op dem lim de, fling dem iina faiya an bon dem op.

Mi a tel unu aal a dem sitn ya, so unu wi glad iina unu aat siem laka ou mi glad iina fi mi.

Ef unu du wa mi tel unu fi du den unu naa go ton we fram di lov mi av fi unu, siem laka ou mi du wa mi Faada tel mi fi du an no ton we fram di lov we im av fi mi.

A da sopm ya mi a tel unu fi du: lov unu wan aneda.

Ef unu did komiin laka di piipl dem iina di worl, dem wuda lov unu laka ou dem lov dem uona piipl. Bot unu no komiin laka di piipl iina di worl, kaa mi pik unu out fram mongks dem. A it mek dem iet unu.