Versículos Bíblicos Populares relacionados a LUKAS 6

Compartilhar

We nyi fan nyi za ki, Masǝŋ ga nyi fan nyi we ta, a ga nyi we ne muŋjwǝǝ baa cǝk ga gŋ ŋhaa ŋwah ga sǝŋ. Masǝŋ ga lii fan nyi we ne muŋjwǝǝ mai we lii fan nyi za ki ne ko ta.

Dǝɓ sãh a faa ɓǝ sãh mai mo baa ɓo pǝ zahzyil ah gin lalle, dǝɓ ɓe' laŋ a faa ɓǝɓe' mai mo baa ɓo pǝ zahzyil ah gin lal ta, mor zah dǝɓ ah a faa ɓǝ mai mo no pǝ zahzyil ah gin lalle.

Amma we 'yah za syiŋ ɓiiri, we joŋ ɓǝ sãh wo ɓǝǝra. So we nyi fan nyi za ɓe, we byak soo ah ka. Reba ɓii ga yea pǝ'manne, awe ye ga yea wee Masǝŋ Mayǝkki. Mor a joŋ gboŋgboŋ wo za ma bai joŋ osoko nyi ko tǝkine za maɓea daŋ.

We kwo syak tǝ za tǝgbana Pa ɓii moo kwan syak tǝ za ta.

We ŋgoŋ kiita tǝ za ki ka, Masǝŋ ka ga ŋgoŋ kiita tǝ ɓii ya ta. We gbǝ za ki ne kiita ka, Masǝŋ ka ga gbǝ we ne kiita ya ta. We rõm za ki, Masǝŋ ga rõm we ta.

Amma me tǝ faa nyi we za mai we tǝ laa ɓǝ faa ɓe: we 'yah za syiŋ ɓiiri, we joŋ ɓǝ'nyah wo za mai moo syiŋra we. We faa ɓǝ sãh tǝ za mai moo faara ɓǝɓe' tǝ ɓiiri, we juupel wo Masǝŋ mor za mai moo cuura syak nyi we.

We joŋ fan wo za ki tǝgbana mai wee 'yah ka za mo joŋra wo ɓii ta.

Dǝɓ mo i fǝn nyi mo ɓe, mo fer maki ah kan nyi ta. Dǝɓ mo wǝǝ mbǝro sol ɓo ɓe, mo soɓ ko wǝǝ ɗaŋsikki ta. Koo zune mo fii fan jol ɓo ɓe, mo nyi nyi ko. Koo zune mo ɓaŋ fan ɓo ɓe, mo so fii fan ah kao.

Kpuu masãh ka lee syẽm maɓe' ya, so kpuu maɓe' ah laŋ ka lee syẽm masãh ya ta.

Kpuu daŋ dǝɓ tan gin wo lee syẽm ah moo leeni, mor dǝɓ ka ŋhǝǝ lee wuu gin tǝ kpuu waa ya, dǝɓ ka ŋhǝǝ lee kpuu vin gin tǝ waafãi ya.