Mak 7
7
Maimaituwa Ena Waiḡake Iteitedi Edi Vaivai I Saḡa kamaḡe
1-4Palisi bi Diu iteitedi edi vaivai a voiyedi bi wailaudamedina sa kaikaiwata kauwedi. Mba vaivaidi niga mainana: Tedi mote sima kani te dolinemo nimedi sa gei koḡedi kaka sa kani. Ḡemoḡemotina kota mainana waikunekunemo bi a tava munaḡana ba mote sima kani te nimedi sa koḡa kauwedi kaka sa kani. Bi kota vaivai wapewapedi ḡesaudi iteitedi lisidiḡa a yovona vaitedi a kaikaiwatedi, mai bena ledu, gulewa bi aboma koḡedi. Niga mai sa voiyedi te bena Maimaituwa matanemo tedi kamaina. Kamaina bi palisi bi waiḡake tauwailovelovena tedi vaivai taukaiwatana Yelusalemḡa a tava Yesu lisinemo. Bi ḡome Yesu ena tauwaikaiwatana ḡesaudi a kitedi te mote nimedi a koḡedi bi a kanikani. 5Taunana aubaina tedi Yesu ai talayena gado, “Bai aubaina em tauwaikaiwatana mote nimedi sima koḡedi bi sa kanikani. Tama itaitamai edi vaivaimo ba lava nimedi sa gei koḡedi ka sa kanikani.” 6Bi tana edi giu i wai mune, “Temi lava matedimo kovoiyemi te bena giu kauwa bi ḡega te nopomi kavekavedi. Taugiuwatana Aisaiya i kulikulina niga mainana i giu watemi:
‘Niga lavedi mududiḡa sa giugiu te sa vivivilegu
bi nopodi lisigumo ba i nawa gulata.
7Tedi taudiḡa edi vaivai sa wai lovelovedi bi sa giugiu te bena Maimaituwa ena waiḡake.
Taunana aubaina sa laulaudune yababegu banidi geḡa.’”#Aisaiya 29:13
8Yesu i giuwedina gado, “Temi Maimaituwa ena waiḡake ko sakosako liye bi temi emi wailovelove ko kaikaiwatedi.” 9Bi kota i giuwedina gado, “Temi konai noḡota bena ko voivoiye kauwe, Maimaituwa ena waiḡake mulimimo kona sako liye bi iteitemi edi vaivai a wai lovelovemina ko kaikaiwata kauwe.” 10Mousis i giuwedina gado, ‘Tamam bi tinam kwa viviledi.’#Exodus 20:16 bi ‘aiyai tamana bi tinana i kuvalidi ba salai peki.’#Exodus 21:17 11Bi temi ko giugiuna bamoda lava lisinemo bai mwalina ya kenakena tamana bi tinana maso i vitedi, bi geḡa te i giuwedina gado, niga Maimaituwa aubaina e sako temi mote yea ma vitemi. 12Temi emi wailovelove oloto konai love wapa te tamana bi tinana mote ima sagusagudi. 13Niga mainana wailovelovedi kowai dama lava ḡesaudi lisidimo bi Maimaituwa giuna ko kaka neḡaneḡa. Bi mote niga kauwina taunaḡa, bi kota kauwa wapawapa vaitedi ko voivoiyedi.
Lava Nuwapouna
(Metiu 15:10-20)
14Yesu lava kumna i yogedi a tava munaḡa lisinemo bi i giuwedi, “Matabumi koi beyavaiya lisigumo bi giu banidi kosibedi. 15-16Mwali bai lava gayanemo ya wai daululuna, mote i ma ka milamila, bi bai gayanemo ya potipotiyovona taunana ya kaka milamila, aiyai bi wai beyam te kwa beyavaiya.” 17Sauginemo tana lava kumna i gosedi bi i nawa vanuwemo, bi ena tauwaikaiwatana ai talaye te lautaulala banina bai. 18-19Bi i giuwedina gado, “Temi yaḡolo ko wai nuwanaina, mote ko sibe? Temi kona sibe e geḡa te kani bai lava i kanina, ba ya yovona bwaganemo te ya potiyovo munaḡa, bi mote kaka nopona i mai mila.” Yesu niga mainana i giuna, ba i ka maḡati te kani matabudi ba visuvisudi Maimaituwa matanemo. 20Bi kota i giu, “Mwali bai lava noponemo ya potipotiyovona mba taunana yawai mila. 21Lava nuwapounemo noḡota gebogebodi mai elawa, waipasa yabayababa, danene, wai peki, bi waimata wapa. 22Kanitoku, laukivi gebogebo, wai kaikaiyovu, unula, kuvali, nuwasaḡasaḡa, bi kauwa yabayababa. 23Niga kauwidi matabudi lava nopodimo sa tubutubuḡana, taudidi lava sa kaka milamila.”
Wali dobu waivina Yesu i wai sumaḡe
(Metiu 15:21-28)
24Yesu mba malagaina i gose bi inawa Taiya malagainemo Ponesia noponemo. Bi vanuwemo i miya moimoisili, mote i ḡoye te lava sa sibe. Bi mote ḡemoḡemotina te maso i kandavona. 25-26Sailia noponemo dobu Ponesia waivinina bi natuna aluwa gebogebona i sunesuneḡina, i vaiye te Yesu ḡome. Kamaina bi i tava Yesu lisinemo, bi kaḡe pakanemo tuwapekana i wai tupagwaliye. Bi i wai baḡa vavasaḡe te aluwa gebogebona natuna i sunesuneḡina maso i kwavi. 27Waivinina, mote Diu, Yesu i giuwena gado, “Mote ivisu te libilibi kediya ya vai bi ya pwalaḡe daḡasi matedimo, libilibi sa gei kani te sa launonoḡa.”#7:27 Niga ḡome libilibi ba “Diu” lavedi bi daḡadaḡasi ba mote Diu, bi “eteni” lavedi. 28Waivini Yesu ena giu i wai munena gado, “Bada bai kuna giuwena ba giu kauwa, geḡa te daḡadaḡasi kani puselidi tetekemo a lavulavusana sa kanikanidi.” 29Bi Yesu waivini i giuwe, “Mai kuna giu aubaina, kwa nawa, bi natum aluwa gebogebona i gose.” 30Kamaina bi i munaḡa vanuwemo natuna i kita i kenakena bi aluwa gebogebona i gose kamaḡe.
Yesu oloto papapina i wai yawasani
31Yesu Taiya modomodona i gose bi Sidon noponaḡa i nawa Galili malagai dididigina Dikapolisi palatinaḡa.#7:31 Dekapolis ba malagai 10. 32Bi ḡome lava edi tau papapina ai doli tavaite Yesu lisinemo bi ai baḡa vavasaḡe te nimana maso papapa dabanemo i sako. 33Yesu oloto i wai doli bi lava a gosedi bi a nawa tabudimo, Yesu nimana i tuḡudi bi oloto beyana i sikwedi, bi nimagalana i gelolo bi oloto menana i taukoni. 34Kota Yesu i wai kita saḡa galewemo bi yawasina i bunanai kamaḡe bi oloto i giuwena gado, “Ephphatha, banina ba kunuwa kamaḡa.” 35Maḡemota oloto beyana bi menana a nuwakamaḡa, bi i wai beyavaiya bi i gagali ota. 36Yesu i waiḡakedi te mote aiyai ḡesauna sima giuwe, bi geḡa te kauwina a giugiu nawe. 37Sauginemo lava kauwina giuna a vaivaiye te a tagugu bi a sove. Bi a giu te bai matabuna i kauwena ba visuvisunaḡa, papapa i wai beyavaiya bi i giu.
Atualmente Selecionado:
Mak 7: kqf
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
© 2009, Wycliffe Bible Translators, Inc. All rights reserved.
Mak 7
7
Maimaituwa Ena Waiḡake Iteitedi Edi Vaivai I Saḡa kamaḡe
1-4Palisi bi Diu iteitedi edi vaivai a voiyedi bi wailaudamedina sa kaikaiwata kauwedi. Mba vaivaidi niga mainana: Tedi mote sima kani te dolinemo nimedi sa gei koḡedi kaka sa kani. Ḡemoḡemotina kota mainana waikunekunemo bi a tava munaḡana ba mote sima kani te nimedi sa koḡa kauwedi kaka sa kani. Bi kota vaivai wapewapedi ḡesaudi iteitedi lisidiḡa a yovona vaitedi a kaikaiwatedi, mai bena ledu, gulewa bi aboma koḡedi. Niga mai sa voiyedi te bena Maimaituwa matanemo tedi kamaina. Kamaina bi palisi bi waiḡake tauwailovelovena tedi vaivai taukaiwatana Yelusalemḡa a tava Yesu lisinemo. Bi ḡome Yesu ena tauwaikaiwatana ḡesaudi a kitedi te mote nimedi a koḡedi bi a kanikani. 5Taunana aubaina tedi Yesu ai talayena gado, “Bai aubaina em tauwaikaiwatana mote nimedi sima koḡedi bi sa kanikani. Tama itaitamai edi vaivaimo ba lava nimedi sa gei koḡedi ka sa kanikani.” 6Bi tana edi giu i wai mune, “Temi lava matedimo kovoiyemi te bena giu kauwa bi ḡega te nopomi kavekavedi. Taugiuwatana Aisaiya i kulikulina niga mainana i giu watemi:
‘Niga lavedi mududiḡa sa giugiu te sa vivivilegu
bi nopodi lisigumo ba i nawa gulata.
7Tedi taudiḡa edi vaivai sa wai lovelovedi bi sa giugiu te bena Maimaituwa ena waiḡake.
Taunana aubaina sa laulaudune yababegu banidi geḡa.’”#Aisaiya 29:13
8Yesu i giuwedina gado, “Temi Maimaituwa ena waiḡake ko sakosako liye bi temi emi wailovelove ko kaikaiwatedi.” 9Bi kota i giuwedina gado, “Temi konai noḡota bena ko voivoiye kauwe, Maimaituwa ena waiḡake mulimimo kona sako liye bi iteitemi edi vaivai a wai lovelovemina ko kaikaiwata kauwe.” 10Mousis i giuwedina gado, ‘Tamam bi tinam kwa viviledi.’#Exodus 20:16 bi ‘aiyai tamana bi tinana i kuvalidi ba salai peki.’#Exodus 21:17 11Bi temi ko giugiuna bamoda lava lisinemo bai mwalina ya kenakena tamana bi tinana maso i vitedi, bi geḡa te i giuwedina gado, niga Maimaituwa aubaina e sako temi mote yea ma vitemi. 12Temi emi wailovelove oloto konai love wapa te tamana bi tinana mote ima sagusagudi. 13Niga mainana wailovelovedi kowai dama lava ḡesaudi lisidimo bi Maimaituwa giuna ko kaka neḡaneḡa. Bi mote niga kauwina taunaḡa, bi kota kauwa wapawapa vaitedi ko voivoiyedi.
Lava Nuwapouna
(Metiu 15:10-20)
14Yesu lava kumna i yogedi a tava munaḡa lisinemo bi i giuwedi, “Matabumi koi beyavaiya lisigumo bi giu banidi kosibedi. 15-16Mwali bai lava gayanemo ya wai daululuna, mote i ma ka milamila, bi bai gayanemo ya potipotiyovona taunana ya kaka milamila, aiyai bi wai beyam te kwa beyavaiya.” 17Sauginemo tana lava kumna i gosedi bi i nawa vanuwemo, bi ena tauwaikaiwatana ai talaye te lautaulala banina bai. 18-19Bi i giuwedina gado, “Temi yaḡolo ko wai nuwanaina, mote ko sibe? Temi kona sibe e geḡa te kani bai lava i kanina, ba ya yovona bwaganemo te ya potiyovo munaḡa, bi mote kaka nopona i mai mila.” Yesu niga mainana i giuna, ba i ka maḡati te kani matabudi ba visuvisudi Maimaituwa matanemo. 20Bi kota i giu, “Mwali bai lava noponemo ya potipotiyovona mba taunana yawai mila. 21Lava nuwapounemo noḡota gebogebodi mai elawa, waipasa yabayababa, danene, wai peki, bi waimata wapa. 22Kanitoku, laukivi gebogebo, wai kaikaiyovu, unula, kuvali, nuwasaḡasaḡa, bi kauwa yabayababa. 23Niga kauwidi matabudi lava nopodimo sa tubutubuḡana, taudidi lava sa kaka milamila.”
Wali dobu waivina Yesu i wai sumaḡe
(Metiu 15:21-28)
24Yesu mba malagaina i gose bi inawa Taiya malagainemo Ponesia noponemo. Bi vanuwemo i miya moimoisili, mote i ḡoye te lava sa sibe. Bi mote ḡemoḡemotina te maso i kandavona. 25-26Sailia noponemo dobu Ponesia waivinina bi natuna aluwa gebogebona i sunesuneḡina, i vaiye te Yesu ḡome. Kamaina bi i tava Yesu lisinemo, bi kaḡe pakanemo tuwapekana i wai tupagwaliye. Bi i wai baḡa vavasaḡe te aluwa gebogebona natuna i sunesuneḡina maso i kwavi. 27Waivinina, mote Diu, Yesu i giuwena gado, “Mote ivisu te libilibi kediya ya vai bi ya pwalaḡe daḡasi matedimo, libilibi sa gei kani te sa launonoḡa.”#7:27 Niga ḡome libilibi ba “Diu” lavedi bi daḡadaḡasi ba mote Diu, bi “eteni” lavedi. 28Waivini Yesu ena giu i wai munena gado, “Bada bai kuna giuwena ba giu kauwa, geḡa te daḡadaḡasi kani puselidi tetekemo a lavulavusana sa kanikanidi.” 29Bi Yesu waivini i giuwe, “Mai kuna giu aubaina, kwa nawa, bi natum aluwa gebogebona i gose.” 30Kamaina bi i munaḡa vanuwemo natuna i kita i kenakena bi aluwa gebogebona i gose kamaḡe.
Yesu oloto papapina i wai yawasani
31Yesu Taiya modomodona i gose bi Sidon noponaḡa i nawa Galili malagai dididigina Dikapolisi palatinaḡa.#7:31 Dekapolis ba malagai 10. 32Bi ḡome lava edi tau papapina ai doli tavaite Yesu lisinemo bi ai baḡa vavasaḡe te nimana maso papapa dabanemo i sako. 33Yesu oloto i wai doli bi lava a gosedi bi a nawa tabudimo, Yesu nimana i tuḡudi bi oloto beyana i sikwedi, bi nimagalana i gelolo bi oloto menana i taukoni. 34Kota Yesu i wai kita saḡa galewemo bi yawasina i bunanai kamaḡe bi oloto i giuwena gado, “Ephphatha, banina ba kunuwa kamaḡa.” 35Maḡemota oloto beyana bi menana a nuwakamaḡa, bi i wai beyavaiya bi i gagali ota. 36Yesu i waiḡakedi te mote aiyai ḡesauna sima giuwe, bi geḡa te kauwina a giugiu nawe. 37Sauginemo lava kauwina giuna a vaivaiye te a tagugu bi a sove. Bi a giu te bai matabuna i kauwena ba visuvisunaḡa, papapa i wai beyavaiya bi i giu.
Atualmente Selecionado:
:
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
© 2009, Wycliffe Bible Translators, Inc. All rights reserved.