Daa 1
1
Lua dũnia kɛa
1A sĩnizĩ Lua musu ń dũniao kɛ̀. 2Gu da pãɛ, a kɛkɛao, gusia mɛ́ da isiaa, ɔ̃ Lua Nisĩna lɛ́ yaakpa ípia. 3Ɔ̃ Lua mɛ̀: Gu pu!#2 Kln 4.6 Ɔ̃ gu pù. 4A è gupuapi maa, ɔ̃ à gupua kɛ̃̀aa ń gusiao. 5À tɔkpà gupuaɛ fãanɛ, gusia sɔ̃ gwãasĩna. Gu sì, gu dɔ̀, a gɔɔ sɛ̃ian we.
6Ɔ̃ Lua mɛ̀: Baluma àɔ ku íɔ zãnguo, kɛ́ à ípiɔ kɛ̃kɔ̃wa. 7Ɔ̃ à baluma kɛ̀ màa, à í pɔ ku baluma ziɛ kɛ̃̀kɔ̃wa ń í pɔ ku a musuo.#2 Piɛ 3.5 8Ɔ̃ à tɔkpà balumapiɛ musu. Gu sì, gu dɔ̀, a gɔɔ plaaden we.
9Ɔ̃ Lua mɛ̀: Í pɔ ku zĩlɛ kãaa gudoũ, gugii bɔ. Ɔ̃ à kɛ̀ màa. 10À tɔkpà gugiipiɛ tɔɔlɛ, ɔ̃ à tɔkpà í pɔ kã̀aaɛ isia. Ɔ̃ a è, à kɛ̀ maa. 11Ɔ̃ Lua mɛ̀: Láɔ bɔlɛ tɔɔlɛ ń sɛ̃̀ wɛdeɔ ń lí nɛdeɔ, baade ń a buio. Ɔ̃ à kɛ̀ màa, 12láɔ bɔ̀lɛ tɔɔlɛ ń sɛ̃̀ wɛdeɔ ń lí nɛdeɔ, baade ń a buio. Ɔ̃ Lua è, à kɛ̀ maa. 13Gu sì, gu dɔ̀, a gɔɔ aaɔ̃den we.
14Ɔ̃ Lua mɛ̀: Pɔgupunaɔ aaɔ ku musu, aaɔ fãanɛ kɛ̃kɔ̃wa ń gwão, aaɔ dikpɛɔ ń gɔɔɔ ń wɛ̃ɔ ɔlɔnɛ́. 15Aaɔ dɛ pɔgupunaɔ ũ musu, kɛ́ aaɔ dũnia pu. Ɔ̃ à kɛ̀ màa. 16À pɔgupuna zɔ̃ɔɔ kɛ̀ mɛn pla, a pɔ pɔ gbãa ìɔ kible fãanɛ, a pɔ pɔ busɛ ìɔ kible gwã. À saanaɔ kɛ̀ lɔ. 17À ń pɛpɛ̀ musu aaɔ dũnia pu, 18aaɔ kible fãanɛ ń gwãasĩnao, aaɔ gupua kɛ̃kɔ̃wa ń gusiao. Ɔ̃ a è, à kɛ̀ maa. 19Gu sì, gu dɔ̀, a gɔɔ siiɔ̃den we.
20Ɔ̃ Lua mɛ̀: Pɔ wɛ̃nideɔ í pa yɔ̃ɛyɔ̃ɛ, bãɔ ligua musu, aaɔ vua balumau. 21Ɔ̃ à pɔ wɛ̃nide pɔ ku íu yɔ̃ɛyɔ̃ɛɔ kɛ̀ ń kpɔ gbɛ̃̀nɛɔ pii baade ń a buio. À bãɔ kɛ̀ pii lɔ baade ń a buio. Ɔ̃ a è, à kɛ̀ maa. 22À baaadàńgu à mɛ̀, aaɔ nɛ'i, aaiɔ kɔ̃́, kpɔɔ i isia pa, bãɔ i kɔ̃ tɔɔlɛ. 23Gu sì, gu dɔ̀, a gɔɔ sɔoden we.
24Ɔ̃ Lua mɛ̀: Pɔ wɛ̃nideɔ aaɔ ku tɔɔlɛ, pɔtuoɔ ń pɔtaa'onkuawaɔ ń sɛ̃anɔbɔɔ baade ń a buio. Ɔ̃ à kɛ̀ màa. 25Lua sɛ̃anɔbɔɔ kɛ̀ baade ń a buio. À pɔtuoɔ kɛ̀ baade ń a buio. À pɔtaa'onkuawaɔ kɛ̀ baade ń a buio. Ɔ̃ a è, à kɛ̀ maa.
26Ɔ̃ Lua mɛ̀: Wà gbɛ̃nazĩnaɔ kɛ wá taa ũ, aaiɔ dɛwáwa,#1 Kln 11.7 aaiɔ iko vĩ kpɔɔwa ń bãɔ ń pɔtuoɔ ń sɛ̃anɔbɔɔ ń pɔtaa'onkuawaɔ pii. 27Ɔ̃ Lua gbɛ̃nazĩnaɔ kɛ̀ azĩa taa ũ. Aazĩa taa ɔ̃ à ń kɛ́ a ũ. À ń kɛ́ gɔ̃ɛ ń nɔɛoɛ.#Mat 19.4 28À baaadàńgu a ònɛ́: Àɔ nɛ'i, íɔ kɔ̃́, í dũnia pa, íɔ gbãablewà. Àɔ iko vĩ kpɔɔwa ń bãɔ ń pɔ wɛ̃nide pɔ ì taa'o tɔɔlɛwaɔ pii. 29Ɔ̃ Lua mɛ̀: Ma pɔ wɛnade pɔ ku tɔɔlɛwaɔ kpàwá á pɔblea ũ piiɛ ń lí nɛdeɔ pii. 30Ma blɛ pɔ ì bɔlɛ tɔɔlɛwa kpà pɔ wɛ̃nideɔwa pii an blɛ ũɛ, nɔbɔɔ ń bãɔ ń pɔtaa'onkuawaɔ pii. Ɔ̃ à kɛ̀ màa. 31Lua pɔ pɔ a kɛ̀ɔ è pii, à kɛ̀ maa wasawasa. Gu sì, gu dɔ̀, a gɔɔ sooloden we.
Atualmente Selecionado:
Daa 1: Boo2024
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Boko Bible © SIM International, 2024.