Matayu 7
7
Ŋei Natne Misuk Dere Wanok-ongei
1“Ŋine ŋei natne misuk dere wanok ongei, eso yale okangei, yemo Kaisaleŋo ŋine yaleka baŋ dere wanok ŋuniyake. 2Onoka wane, ŋine ŋei natne dere wanok-ongei, eya wane rokopka Kaisale eŋe ŋine dere wanok-ŋuniyake, so ŋine ŋei natne numa more ebongei, rokop weku eyaka Kaisaleŋo baŋ ŋine numa more ŋiboniyake. 3Pakimo ge onoka wane kimaŋonane deino gok pamaike, eyamo kamaine, ŋo geŋone deŋono eki sisine metmaike, eyamo mi kamaine me? 4Eki sisine geŋone deŋono metki, ge daleo kima ŋone iwa yale olasikene, ‘Kima, ge detnannom, na deŋono gok metmaike, eya kitowe saketkep?’ 5Ge isi ŋei! Eki sisine geŋone deŋono pamaike, eya alakane manom sakesiyake, paki mo ge deŋone maine pore kakene, eso ŋado kimaŋonane deino ŋine gok eya manom sakesiyake.
6“Kine kine kobekine eya kasi misuk ebongei, eŋe yemo weku zinge mo baŋ ŋidosikei, ŋine qoli zenam ŋine berek eŋane soteno misuk birakei, eŋe yemo weku zolipeneŋo baŋ qe barake qe peleke qelomgeu ket siukeyake, pakimo koso zinge ŋinŋine ŋaba-ŋunikei.”
Meŋenka More Kine Kine Maratkakene
7“Meŋen-kanom paki, ge baŋ makene, zuwaŋ mage ge wele baŋ marat-kakene, madetko yatonom, baŋ lalage giniyake. 8Mane eŋe meŋen kamaikeŋo baŋ mayake, so mane eŋe zuwaŋ maikeŋo wele baŋ marat kayake, ŋo mane eŋe madetko yatomaike, eŋe baŋ lalage maniyake. 9Ŋinano ŋine ma magakŋo gipole kasap wane olatki mo, eŋe wesi wanaune maniyake? 10Me ma ŋeiŋo gipole zawon wane olatki mo, eŋe koma qotkoine mane maniyake? Midakaka! 11Ŋine kepe ŋei borikine yalineŋo gipon borasokop ŋine ŋara aboŋ maine ebon okanmami. Magaŋine qeliwo gemaike, oŋo ŋine kine kine maine manerop baŋ meŋenka okanmami, rokopko eŋe eboniyake!
12“Iwaŋo yemo Mose wane ra rokop don eya wane kine so propet eŋane don qeturaŋmaike, ŋine ŋei ŋerep natne edo yeye kine kine okan-ŋungei wane wetke rau eŋe okan-ŋunmami, kop yaleka ŋei ŋerep natne eŋe ŋido okan-ongei wane wetke rau ŋine yalewaka okan-ongei.”
Madet Qeka Qekaine
13“Ŋine madet qeka qekaine eyaka waketkei, onoka wane sora gerep wane madet yemo suwaine, so eya wane numa yemo kakapa, yewao ŋei loutneŋo waket ari okanmami. 14Ŋo gege wane madet yemo qeka qekaine, so eya wane numa yemo nigagatne, so numa eya oken arikene yemo umatne so wikile teine, eso ŋei ewekine edoka eya maratka waket ari okanmami.”
Eki Mane So Eya wane Woune
15“Propet isisine eŋane diyam seleleine makei, eŋe ŋinano sariu onbi, solaeneŋo lama sola okaniyake, ŋo kotoeneŋo yemo kasi zubaine, eŋane koto yale payake. 16Ŋine kineene yemo baŋ wakongei, naso eyao detonikei. Eŋe mulap wakelerop yale, eyao wele nenine so simile mi qe okanmaimi. 17Eki maine eŋe wele maine qekimo, eki qotkoine eŋe wele qotkoine qeyake. 18Eki maine mane eŋe wele qotkoine mi qeyake, so eki qotkoine mane eŋe wele maine mi qeyake. 19Eki natne wele maine mi qekei, yemo kitatpi ketki gerepko qakeu ezoyake. 20Eso yalinao ŋine baŋ propet isisine eŋane tanik manik okangei, eyao ŋine kineene eya detongei so qelaŋangei.”
Na Mi Det-ŋunmaile Ŋaŋae Ŋunmaile
21“Ŋei ŋerep loutneŋo ‘Waom, Waom,’ nora okanmami, eŋe koropŋo qeli gege togon kotino mi waket warekei. Magane qeliwo gemaike, eŋane aŋaine teweke more, urata ma okanmami, edoka weku waketkei. 22Kaiwe naso yewa bomile sariki, ŋei ŋerep loutneŋo baŋ iwa yale nolale rakei, ‘Waom, Waom! Geŋane eŋetko gora more, ŋene Kaisale wane don edangone, geŋane eŋet gora more, ŋene asu qotkoine loutne esop-onŋem saket ariwarekoi, so masi togogole loutne ma okangone!’ 23Yale raumo, na baŋ iwa yale edangale, ‘Na ŋine mi detŋunmaile, wiye biranane ari wareu, ŋine borikine mama!’ ”
Mat Mama Etke Mane Dereret Korop Ŋo Mane Dereretine Midaine
24“Eso ŋei mane eŋe naŋane don iwa dere tewekeyake, eŋe baŋ ŋei mane dereretinerop yale okaniyake. Ŋei dereretinerop mane oŋo matine wesi kutno maki metke. 25Paki koya suwaine qeki doku qakum suwaine wiyeke, so momo suwaine togogole puwane more, mat eya qe make, ŋo siluŋ mat eya mi makmaŋge, onoka wane mat eya wesi kutno make, eya wane togole metke.
26“Ŋo ŋei mane eŋe naŋane don iwa dere mi tewekeyake, eŋe ŋei mane qelaŋ yale okaniyake. Ŋei qelaŋ mane eŋe matine gumu gumu kutno make. 27Paki koya suwaine qeki, doku qakum suwaine wiyeki, momo suwaine puwane, mat eya togoleka qe makmaŋge. Makmaŋgi okmage ket rasu zaŋ zuŋ make!”
Ŋei Ŋerep Eŋe Yesu Kisi Maep Zonomirop Raki Detpi Paki Oŋaene Qaeke
28Yesu eŋe don iwa korop rawareki qoeki, ŋei ŋerep magu suwaine eŋe kisi maep rarainane detpi paki, oŋaene qaeki welelepkekoi. 29Eŋe ra rokop don kito ebo ebonkopene, eŋane dereret wane rokopko mi edange, eŋe kisi maep don zonominerop so ewe bibi-inerop edange.
Atualmente Selecionado:
Matayu 7: onsNT
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
© 2012, Wycliffe Bible Translators, Inc. All rights reserved.
Matayu 7
7
Ŋei Natne Misuk Dere Wanok-ongei
1“Ŋine ŋei natne misuk dere wanok ongei, eso yale okangei, yemo Kaisaleŋo ŋine yaleka baŋ dere wanok ŋuniyake. 2Onoka wane, ŋine ŋei natne dere wanok-ongei, eya wane rokopka Kaisale eŋe ŋine dere wanok-ŋuniyake, so ŋine ŋei natne numa more ebongei, rokop weku eyaka Kaisaleŋo baŋ ŋine numa more ŋiboniyake. 3Pakimo ge onoka wane kimaŋonane deino gok pamaike, eyamo kamaine, ŋo geŋone deŋono eki sisine metmaike, eyamo mi kamaine me? 4Eki sisine geŋone deŋono metki, ge daleo kima ŋone iwa yale olasikene, ‘Kima, ge detnannom, na deŋono gok metmaike, eya kitowe saketkep?’ 5Ge isi ŋei! Eki sisine geŋone deŋono pamaike, eya alakane manom sakesiyake, paki mo ge deŋone maine pore kakene, eso ŋado kimaŋonane deino ŋine gok eya manom sakesiyake.
6“Kine kine kobekine eya kasi misuk ebongei, eŋe yemo weku zinge mo baŋ ŋidosikei, ŋine qoli zenam ŋine berek eŋane soteno misuk birakei, eŋe yemo weku zolipeneŋo baŋ qe barake qe peleke qelomgeu ket siukeyake, pakimo koso zinge ŋinŋine ŋaba-ŋunikei.”
Meŋenka More Kine Kine Maratkakene
7“Meŋen-kanom paki, ge baŋ makene, zuwaŋ mage ge wele baŋ marat-kakene, madetko yatonom, baŋ lalage giniyake. 8Mane eŋe meŋen kamaikeŋo baŋ mayake, so mane eŋe zuwaŋ maikeŋo wele baŋ marat kayake, ŋo mane eŋe madetko yatomaike, eŋe baŋ lalage maniyake. 9Ŋinano ŋine ma magakŋo gipole kasap wane olatki mo, eŋe wesi wanaune maniyake? 10Me ma ŋeiŋo gipole zawon wane olatki mo, eŋe koma qotkoine mane maniyake? Midakaka! 11Ŋine kepe ŋei borikine yalineŋo gipon borasokop ŋine ŋara aboŋ maine ebon okanmami. Magaŋine qeliwo gemaike, oŋo ŋine kine kine maine manerop baŋ meŋenka okanmami, rokopko eŋe eboniyake!
12“Iwaŋo yemo Mose wane ra rokop don eya wane kine so propet eŋane don qeturaŋmaike, ŋine ŋei ŋerep natne edo yeye kine kine okan-ŋungei wane wetke rau eŋe okan-ŋunmami, kop yaleka ŋei ŋerep natne eŋe ŋido okan-ongei wane wetke rau ŋine yalewaka okan-ongei.”
Madet Qeka Qekaine
13“Ŋine madet qeka qekaine eyaka waketkei, onoka wane sora gerep wane madet yemo suwaine, so eya wane numa yemo kakapa, yewao ŋei loutneŋo waket ari okanmami. 14Ŋo gege wane madet yemo qeka qekaine, so eya wane numa yemo nigagatne, so numa eya oken arikene yemo umatne so wikile teine, eso ŋei ewekine edoka eya maratka waket ari okanmami.”
Eki Mane So Eya wane Woune
15“Propet isisine eŋane diyam seleleine makei, eŋe ŋinano sariu onbi, solaeneŋo lama sola okaniyake, ŋo kotoeneŋo yemo kasi zubaine, eŋane koto yale payake. 16Ŋine kineene yemo baŋ wakongei, naso eyao detonikei. Eŋe mulap wakelerop yale, eyao wele nenine so simile mi qe okanmaimi. 17Eki maine eŋe wele maine qekimo, eki qotkoine eŋe wele qotkoine qeyake. 18Eki maine mane eŋe wele qotkoine mi qeyake, so eki qotkoine mane eŋe wele maine mi qeyake. 19Eki natne wele maine mi qekei, yemo kitatpi ketki gerepko qakeu ezoyake. 20Eso yalinao ŋine baŋ propet isisine eŋane tanik manik okangei, eyao ŋine kineene eya detongei so qelaŋangei.”
Na Mi Det-ŋunmaile Ŋaŋae Ŋunmaile
21“Ŋei ŋerep loutneŋo ‘Waom, Waom,’ nora okanmami, eŋe koropŋo qeli gege togon kotino mi waket warekei. Magane qeliwo gemaike, eŋane aŋaine teweke more, urata ma okanmami, edoka weku waketkei. 22Kaiwe naso yewa bomile sariki, ŋei ŋerep loutneŋo baŋ iwa yale nolale rakei, ‘Waom, Waom! Geŋane eŋetko gora more, ŋene Kaisale wane don edangone, geŋane eŋet gora more, ŋene asu qotkoine loutne esop-onŋem saket ariwarekoi, so masi togogole loutne ma okangone!’ 23Yale raumo, na baŋ iwa yale edangale, ‘Na ŋine mi detŋunmaile, wiye biranane ari wareu, ŋine borikine mama!’ ”
Mat Mama Etke Mane Dereret Korop Ŋo Mane Dereretine Midaine
24“Eso ŋei mane eŋe naŋane don iwa dere tewekeyake, eŋe baŋ ŋei mane dereretinerop yale okaniyake. Ŋei dereretinerop mane oŋo matine wesi kutno maki metke. 25Paki koya suwaine qeki doku qakum suwaine wiyeke, so momo suwaine togogole puwane more, mat eya qe make, ŋo siluŋ mat eya mi makmaŋge, onoka wane mat eya wesi kutno make, eya wane togole metke.
26“Ŋo ŋei mane eŋe naŋane don iwa dere mi tewekeyake, eŋe ŋei mane qelaŋ yale okaniyake. Ŋei qelaŋ mane eŋe matine gumu gumu kutno make. 27Paki koya suwaine qeki, doku qakum suwaine wiyeki, momo suwaine puwane, mat eya togoleka qe makmaŋge. Makmaŋgi okmage ket rasu zaŋ zuŋ make!”
Ŋei Ŋerep Eŋe Yesu Kisi Maep Zonomirop Raki Detpi Paki Oŋaene Qaeke
28Yesu eŋe don iwa korop rawareki qoeki, ŋei ŋerep magu suwaine eŋe kisi maep rarainane detpi paki, oŋaene qaeki welelepkekoi. 29Eŋe ra rokop don kito ebo ebonkopene, eŋane dereret wane rokopko mi edange, eŋe kisi maep don zonominerop so ewe bibi-inerop edange.
Atualmente Selecionado:
:
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
© 2012, Wycliffe Bible Translators, Inc. All rights reserved.