Osey 4
4
LODote Islael luma danadoloyana gi
1 LODope gilala enamada:la da: Islaelana luma
gi ase LOD dile kamalinapa da: danada: gilala a:meta,
da: ma:ma wala edelewamena lumadima.
Ma:ma wala gibalama gi bini, gwama awe gi bini,
gwama God iwalelanapa lumagi bini.
2Iwamina gi menagite dololo, a:pite sewata gita: gwama luma dapola gita:,
ili gita: atodana dala ili gita: daladana ato ili gita:,
obaite babala waelabega ka:ka:minini,
a:pite dede samina gite gwala:ma: gwala:ma: elelo.
3Ma:ma gima wate sabelelo,
A:pite a:ma wala edelamadilina luma matate a:ima pelolamalelo.
Wa gobana waita: gwama sidile puwida:midilina puwida:ta:
a:pite wi gobana mewata: a kaokolili.
4Ameta ege eta lumagite etadima gi bamina gi atamalelo,
ege etate eta sosawenapage lalamalelo,
gi ase da:pe luma enobai a:na:pina
obaite guwali dalimunu gi babaminetana.
5Da: a:i gagaminetedelewa kadepata: isata:la,
a:pite Godope wala gilala lada:na dalate da:da niseseletedili.
Enobala na: a:pe agi lapolamalowa,
6na:pe luma itawa gi bini gile kaokoliyana.
Gi ase a: itawa gi a ilapala eyana,
na: iya:ta: a:e guwali ela gima a: ilapala elamalowa,
gi ase a: a:dowali Godope babala a baiga dapoyana.
Na: a:dowali sege iya:ta: baiga dapolamalowa.
7Guwali dalate waedelaliyala,
na: dima a:na:miniyana sosawe gite waediyana.
Obaite na:pe Lulila ameta sosawena ididali dima mai giwitada: edeliyana.
8Obaite na:dowali lumate sosawe gi wisama apiliyana nagala lopala naniyana,
a:pite obai lumate a:na:da:miniyana sosawe gima sa:keladiliyana.
9A:pite gi enoba a:na:pi dololo, luma guwali dala a:na:pi edeli.
Na: sosawe gi wisa obai saki dima dapulamalowa obaimunu a:na:mina gima
a:pite gwama obai dima wisa elamalowa obaimunu sosawe a:na:da:minamina gima.
10Obai nanetedelamadili ameta pa:pa awapa eda:tedelamadili,
obaite obaiya obaimunu obebe ewadelamadili ameta pa:pa waedelamadili,
gi ase obai LOD a elatiyana.
11Obebe ewada: gita:
pakalanapa waen sikata: gwama kanika:napa waen sikata:te obaimunu gi iwaleda: a wama aledamate weleyana.
12Na:dowali luma
Obaite ididali dima na:da:tedili
a:pite i palate obaimunu gilala wisa elotelelo.
Obaiya obai ewada: gi limote obai a wama alete ka:oyana,
obai obaimunu God pa:pa awele iwaleleli.
13Obaite saka sidile nagala lopala apiletediliyana.
A:pite obaite ilale oleletediliyana nagala lopala saka sidile ololiyana,
Oka ita: Popola ita: gwama Telebinitita: i a:iya:dela.
Gi ase amale a:wa saba sa:lepula bapi.
Enobala da:pe amina ameta obebe ewada: gima esa:dilila,
da:pe apili ameta dala bilibili gima esa:dili.
14Na: da:pe amina pa:pa dapolamalowa
obaite obebe ewada: gima eseda:madilina tepala,
gwama da:pe apili iya:ta: enoba a:na:pi,
obaite dala bilibili gima eseda:madilina tepala
gi ase dala obaiya dala bilibilina ato dima na:da:tedili
a:pite obaite ididali balelada:minetedilina genama gobana dala bilibilina atoda ewama: gi a:na:da:minetedili.
Gi iwaleda: binina lumate a:ima niseselete sosawe eda:madili.
15O Islael, a: dala bilibilinapa elelona tepala,
awapa Yuda pa:pa a: a:na:pi elamalelo.
Giligal wama pa:pa welamalelo,
Bet Aben baigama ege dilamalelo
a:pite ege elomina elelona LODope gagile gi kakalaminamalelo.
16Islael luma gwana kakaleda: beyagai
enoba gwana kalekalenapa bulumakao wai a:na:pi.
A:na:pile LOD pa: awapa obai sa:sa:lena tiladana sabama alete welamalale,
sip kokowabite sa:lenapa sabala edelina gi a:na:pi.
17Ipala:im a ididali gida menagi ewena,
oba elatela.
18Obaite nida: wi a binidiyana tepala,
obaite obebe ewada: gima tumidiyana,
obai apeyana dalate pisala a:na:da:mina gi awele iwalediliyana.
19Paiwa ganabite obai wama paiwada:minamalelo,
a:pite obaimunu sosawena nagala lopala apila gite obai dima pisala egete pa:lamalelo.
Atualmente Selecionado:
Osey 4: GBOTP
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Gogodala Bible Translation Project © Bible Society of Papua New Guinea, 2016.
Osey 4
4
LODote Islael luma danadoloyana gi
1 LODope gilala enamada:la da: Islaelana luma
gi ase LOD dile kamalinapa da: danada: gilala a:meta,
da: ma:ma wala edelewamena lumadima.
Ma:ma wala gibalama gi bini, gwama awe gi bini,
gwama God iwalelanapa lumagi bini.
2Iwamina gi menagite dololo, a:pite sewata gita: gwama luma dapola gita:,
ili gita: atodana dala ili gita: daladana ato ili gita:,
obaite babala waelabega ka:ka:minini,
a:pite dede samina gite gwala:ma: gwala:ma: elelo.
3Ma:ma gima wate sabelelo,
A:pite a:ma wala edelamadilina luma matate a:ima pelolamalelo.
Wa gobana waita: gwama sidile puwida:midilina puwida:ta:
a:pite wi gobana mewata: a kaokolili.
4Ameta ege eta lumagite etadima gi bamina gi atamalelo,
ege etate eta sosawenapage lalamalelo,
gi ase da:pe luma enobai a:na:pina
obaite guwali dalimunu gi babaminetana.
5Da: a:i gagaminetedelewa kadepata: isata:la,
a:pite Godope wala gilala lada:na dalate da:da niseseletedili.
Enobala na: a:pe agi lapolamalowa,
6na:pe luma itawa gi bini gile kaokoliyana.
Gi ase a: itawa gi a ilapala eyana,
na: iya:ta: a:e guwali ela gima a: ilapala elamalowa,
gi ase a: a:dowali Godope babala a baiga dapoyana.
Na: a:dowali sege iya:ta: baiga dapolamalowa.
7Guwali dalate waedelaliyala,
na: dima a:na:miniyana sosawe gite waediyana.
Obaite na:pe Lulila ameta sosawena ididali dima mai giwitada: edeliyana.
8Obaite na:dowali lumate sosawe gi wisama apiliyana nagala lopala naniyana,
a:pite obai lumate a:na:da:miniyana sosawe gima sa:keladiliyana.
9A:pite gi enoba a:na:pi dololo, luma guwali dala a:na:pi edeli.
Na: sosawe gi wisa obai saki dima dapulamalowa obaimunu a:na:mina gima
a:pite gwama obai dima wisa elamalowa obaimunu sosawe a:na:da:minamina gima.
10Obai nanetedelamadili ameta pa:pa awapa eda:tedelamadili,
obaite obaiya obaimunu obebe ewadelamadili ameta pa:pa waedelamadili,
gi ase obai LOD a elatiyana.
11Obebe ewada: gita:
pakalanapa waen sikata: gwama kanika:napa waen sikata:te obaimunu gi iwaleda: a wama aledamate weleyana.
12Na:dowali luma
Obaite ididali dima na:da:tedili
a:pite i palate obaimunu gilala wisa elotelelo.
Obaiya obai ewada: gi limote obai a wama alete ka:oyana,
obai obaimunu God pa:pa awele iwaleleli.
13Obaite saka sidile nagala lopala apiletediliyana.
A:pite obaite ilale oleletediliyana nagala lopala saka sidile ololiyana,
Oka ita: Popola ita: gwama Telebinitita: i a:iya:dela.
Gi ase amale a:wa saba sa:lepula bapi.
Enobala da:pe amina ameta obebe ewada: gima esa:dilila,
da:pe apili ameta dala bilibili gima esa:dili.
14Na: da:pe amina pa:pa dapolamalowa
obaite obebe ewada: gima eseda:madilina tepala,
gwama da:pe apili iya:ta: enoba a:na:pi,
obaite dala bilibili gima eseda:madilina tepala
gi ase dala obaiya dala bilibilina ato dima na:da:tedili
a:pite obaite ididali balelada:minetedilina genama gobana dala bilibilina atoda ewama: gi a:na:da:minetedili.
Gi iwaleda: binina lumate a:ima niseselete sosawe eda:madili.
15O Islael, a: dala bilibilinapa elelona tepala,
awapa Yuda pa:pa a: a:na:pi elamalelo.
Giligal wama pa:pa welamalelo,
Bet Aben baigama ege dilamalelo
a:pite ege elomina elelona LODope gagile gi kakalaminamalelo.
16Islael luma gwana kakaleda: beyagai
enoba gwana kalekalenapa bulumakao wai a:na:pi.
A:na:pile LOD pa: awapa obai sa:sa:lena tiladana sabama alete welamalale,
sip kokowabite sa:lenapa sabala edelina gi a:na:pi.
17Ipala:im a ididali gida menagi ewena,
oba elatela.
18Obaite nida: wi a binidiyana tepala,
obaite obebe ewada: gima tumidiyana,
obai apeyana dalate pisala a:na:da:mina gi awele iwalediliyana.
19Paiwa ganabite obai wama paiwada:minamalelo,
a:pite obaimunu sosawena nagala lopala apila gite obai dima pisala egete pa:lamalelo.
Atualmente Selecionado:
:
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Gogodala Bible Translation Project © Bible Society of Papua New Guinea, 2016.