Bɔfoi 1
1
Mumɔ Krɔŋkrɔŋ lɛ he shiwoo
1 #
Luk 1.3
Teofilo, miklɛŋklɛŋ wolo lɛ mli lɛ, migba nii fɛɛ ni Yesu babɔ̃i feemɔ kɛ enitsɔ̃ɔmɔ 2kɛyashi gbi nɔ ni aŋɔ lɛ kɛtee ŋwɛi, be ni etsɔ̃ Mumɔ Krɔŋkrɔŋ lɛ nɔ ewo ebɔfoi ni ehala lɛ akitãi sɛɛ lɛ. 3Emanehulu lɛ sɛɛ lɛ, etsɔ̃ odaseyeli nibii pii anɔ ejie ehe kpo etsɔ̃ɔ bɔfoi nɛɛ akɛ ehiɛ kã, ni ehã amɛna lɛ gbii nyɔŋmai ejwɛ sɔŋŋ, ni ekɛ amɛ wie Nyɔŋmɔ maŋtsɛyeli lɛ he. 4#Yoh 15.26; Luk 24.49 Ni be ni ekɛ amɛnaa kpe shi lɛ, ewo amɛ akpɔ akɛ, “Nyɛkajea Yerusalɛm, shi moŋ nyɛmɛa Tsɛ lɛ shiwoo lɛ ni nyɛnu yɛ minaa lɛ; 5#Mat 3.11; Mar 1.8; Luk 3.16; Yoh 1.33 ejaakɛ Yohane lɛ, nu ekɛbaptisi, shi nyɛ lɛ eyeŋ gbii pii ko ni akɛ Mumɔ Krɔŋkrɔŋ aaabaptisi nyɛ.”
Yesu ŋwɛiyaa
6 #
Luk 24.21
No hewɔ lɛ, be ni amɛnaa bakpe shi lɛ amɛbi lɛ akɛ, “Nuŋtsɔ, ani nɛkɛ be nɛɛ mli obaatee maŋtsɛyeli lɛ shi oma shi ohã Israel lɛ?” 7Shi Yesu kɛɛ amɛ akɛ, “Jeee nyɛnɔ ji akɛ nyɛaale bei loo gbii lɛ ni Tsɛ lɛ eto yɛ lɛ diɛŋtsɛ ehewalɛ mli lɛ. 8#Mat 28.19 Shi moŋ kɛ Mumɔ Krɔŋkrɔŋ lɛ na ba nyɛnɔ lɛ, nyɛaana hewalɛ ni nyɛaatsɔ̃mɔ midasefoi yɛ Yerusalɛm kɛ Yudea kɛ Samaria fɛɛ, kɛyashi jeŋ koji ejwɛ lɛ.”
9 #
Mar 16.19; Luk 24.51 Be ni ewie nii nɛɛ lɛ, amɛmiikwɛ lɛ nɔŋŋ ni awo lɛ, ni atatu ko ŋɔ lɛ kɛje amɛhiɛ kɛtee. 10#Luk 24.4 Ni be ni eyaa ni amɛkwɛɔ ŋwɛi gãa lɛ, naa, hii enyɔ ni wo atadei yɛji damɔ amɛmasɛi, 11#Luk 21.27 ni amɛkɛɛ amɛ akɛ, “Nyɛ Galileabii, mɛɛba nyɛdamɔ shi nyɛkwɛɔ ŋwɛi nɛkɛ? Nɛkɛ Yesu nɛɛ ni aŋɔ lɛ kɛje nyɛŋɔɔ kɛtee ŋwɛi nɛɛ, ebaaba nakai nɔŋŋ, tamɔ bɔ ni nyɛna akɛ eyaa ŋwɛi nɛɛ.”
Ahala Matia ni eye Yuda najiaŋ
12 #
Luk 24.50, 52-53 Kɛkɛ ni amɛku amɛsɛɛ kɛjɛ gɔŋ ni atsɛɔ lɛ Mugɔŋ lɛ ni kɛ Yerusalɛm jɛkɛmɔ aaafee hejɔɔmɔ gbi gbɛfãa lɛ, nɔ amɛba Yerusalɛm ekoŋŋ. 13#Mat 10.24; Mar 3.16-19; Luk 6.13-16 Ni be ni amɛshɛ jɛi lɛ, amɛtee ŋwɛitsu ko mli, he ni Petro kɛ Yakobo kɛ Yohane kɛ Andrea kɛ Filipo kɛ Toma kɛ Bartolomeo kɛ Mateo kɛ Alfeo bi Yakobo kɛ Simon, maŋ he hiɛdɔlɔ lɛ, kɛ Yakobo bi Yuda hiɔ lɛ. 14#Yoh 7.3; Bɔf 2.1 Mɛnɛɛmɛi fɛɛ kɛ yei lɛ kɛ Yesu nyɛ Maria kɛ enyɛmimɛi hii lɛ kɛ jwɛŋmɔ kome hiɛ sɔlemɔ mli waa.
15Nɛkɛ be nɛɛ mli lɛ Petro te shi edamɔ nyɛmimɛi lɛ ateŋ (mɛi fɛɛ ni ebabua amɛhe naa lɛ aaafee oha kɛ nyɔŋmai enyɔ) ni ekɛɛ, 16#Lal 41.9 “Anyɛmimɛi, esa akɛ nɔ ni aŋma ni Mumɔ Krɔŋkrɔŋ lɛ ekɛɛ eto yɛ David naa yɛ Yuda, mɔ ni nyiɛ mɛi ni bamɔ Yesu lɛ ahiɛ lɛ, he lɛ aba mli, 17ejaakɛ abu lɛ ashi wɔnɔ, ni eyɛ egbɛnaa yɛ nɛkɛ sɔ̃ɔmɔ nɛɛ mli.” 18#Mat 27.3-10 Shi nɛkɛ nuu nɛɛ ŋɔ enɔsha ni efee lɛ mli nyɔmɔwoo lɛ ehe abɔɔ, ni eyama eyi shi, ni emli gba enyɔ ni emlinii fɛɛ tue shwie shi. 19Ni mɛi fɛɛ ni yɔɔ Yerusalɛm lɛ na le enɛ, no hewɔ lɛ, atsɛɔ nakai abɔɔ lɛ yɛ amɛ diɛŋtsɛ amɛwiemɔ mli akɛ Akeldama, eshishi ji “Lá-Abɔɔ”. 20#Lal 69.25; 109.8 Ejaakɛ aŋma yɛ Lalai Awolo lɛ mli akɛ,
‘Eshihilɛhe lɛ atsɔ̃ amaŋfɔ̃
ni mɔ ko mɔ ko akahi mli,’ kɛ ekoŋŋ akɛ,
‘Enɔkwɛmɔ nitsumɔ lɛ hu mɔ kroko aŋɔ.’
21 #
Yoh 15.27
“No hewɔ lɛ, esa akɛ hii ni kɛ wɔ nyiɛ be mli fɛɛ ni Nuŋtsɔ Yesu yaa baa yɛ wɔteŋ, 22#Mat 3.16; Mar 1.9; 16.19; Luk 3.21; 24.51 kɛjɛ Yohane baptisimɔ lɛ nɔ kɛyashi gbi nɔ ni aŋɔ lɛ kɛje wɔŋɔɔ kɛtee ŋwɛi lɛ ateŋ mɔ kome atsɔ eshitee lɛ he odasefonyo afata wɔhe.” 23Ni amɛfamɔ mɛi enyɔ, Yosef ni atsɛɔ lɛ Barsaba ni awo lɛ Yusto hu lɛ, kɛ Matia, amɛdamɔ shi. 24Ni amɛsɔle amɛkɛɛ, “Bo, Nuŋtsɔ, ni ole gbɔmɛi fɛɛ atsuiiaŋ, tsɔ̃ɔmɔ mɛi enyɔ nɛɛ ateŋ mɔ ni ohala 25ni eŋɔ nɛkɛ sɔ̃ɔmɔ kɛ bɔfo nitsumɔ ni Yuda eje mli koni ekɔ lɛ diɛŋtsɛ egbɛ lɛ.” 26#Abɛi 16.33 Ni amɛfɔ̃ amɛnɔ oshiki, ni oshiki lɛ yagbee Matia nɔ, ni abu lɛ ashi bɔfoi nyɔŋma kɛ ekome lɛ anɔ.
Atualmente Selecionado:
Bɔfoi 1: NEGAB
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Bible in Ga Language © Bible Society of Ghana, 2020.
Bɔfoi 1
1
Mumɔ Krɔŋkrɔŋ lɛ he shiwoo
1 #
Luk 1.3
Teofilo, miklɛŋklɛŋ wolo lɛ mli lɛ, migba nii fɛɛ ni Yesu babɔ̃i feemɔ kɛ enitsɔ̃ɔmɔ 2kɛyashi gbi nɔ ni aŋɔ lɛ kɛtee ŋwɛi, be ni etsɔ̃ Mumɔ Krɔŋkrɔŋ lɛ nɔ ewo ebɔfoi ni ehala lɛ akitãi sɛɛ lɛ. 3Emanehulu lɛ sɛɛ lɛ, etsɔ̃ odaseyeli nibii pii anɔ ejie ehe kpo etsɔ̃ɔ bɔfoi nɛɛ akɛ ehiɛ kã, ni ehã amɛna lɛ gbii nyɔŋmai ejwɛ sɔŋŋ, ni ekɛ amɛ wie Nyɔŋmɔ maŋtsɛyeli lɛ he. 4#Yoh 15.26; Luk 24.49 Ni be ni ekɛ amɛnaa kpe shi lɛ, ewo amɛ akpɔ akɛ, “Nyɛkajea Yerusalɛm, shi moŋ nyɛmɛa Tsɛ lɛ shiwoo lɛ ni nyɛnu yɛ minaa lɛ; 5#Mat 3.11; Mar 1.8; Luk 3.16; Yoh 1.33 ejaakɛ Yohane lɛ, nu ekɛbaptisi, shi nyɛ lɛ eyeŋ gbii pii ko ni akɛ Mumɔ Krɔŋkrɔŋ aaabaptisi nyɛ.”
Yesu ŋwɛiyaa
6 #
Luk 24.21
No hewɔ lɛ, be ni amɛnaa bakpe shi lɛ amɛbi lɛ akɛ, “Nuŋtsɔ, ani nɛkɛ be nɛɛ mli obaatee maŋtsɛyeli lɛ shi oma shi ohã Israel lɛ?” 7Shi Yesu kɛɛ amɛ akɛ, “Jeee nyɛnɔ ji akɛ nyɛaale bei loo gbii lɛ ni Tsɛ lɛ eto yɛ lɛ diɛŋtsɛ ehewalɛ mli lɛ. 8#Mat 28.19 Shi moŋ kɛ Mumɔ Krɔŋkrɔŋ lɛ na ba nyɛnɔ lɛ, nyɛaana hewalɛ ni nyɛaatsɔ̃mɔ midasefoi yɛ Yerusalɛm kɛ Yudea kɛ Samaria fɛɛ, kɛyashi jeŋ koji ejwɛ lɛ.”
9 #
Mar 16.19; Luk 24.51 Be ni ewie nii nɛɛ lɛ, amɛmiikwɛ lɛ nɔŋŋ ni awo lɛ, ni atatu ko ŋɔ lɛ kɛje amɛhiɛ kɛtee. 10#Luk 24.4 Ni be ni eyaa ni amɛkwɛɔ ŋwɛi gãa lɛ, naa, hii enyɔ ni wo atadei yɛji damɔ amɛmasɛi, 11#Luk 21.27 ni amɛkɛɛ amɛ akɛ, “Nyɛ Galileabii, mɛɛba nyɛdamɔ shi nyɛkwɛɔ ŋwɛi nɛkɛ? Nɛkɛ Yesu nɛɛ ni aŋɔ lɛ kɛje nyɛŋɔɔ kɛtee ŋwɛi nɛɛ, ebaaba nakai nɔŋŋ, tamɔ bɔ ni nyɛna akɛ eyaa ŋwɛi nɛɛ.”
Ahala Matia ni eye Yuda najiaŋ
12 #
Luk 24.50, 52-53 Kɛkɛ ni amɛku amɛsɛɛ kɛjɛ gɔŋ ni atsɛɔ lɛ Mugɔŋ lɛ ni kɛ Yerusalɛm jɛkɛmɔ aaafee hejɔɔmɔ gbi gbɛfãa lɛ, nɔ amɛba Yerusalɛm ekoŋŋ. 13#Mat 10.24; Mar 3.16-19; Luk 6.13-16 Ni be ni amɛshɛ jɛi lɛ, amɛtee ŋwɛitsu ko mli, he ni Petro kɛ Yakobo kɛ Yohane kɛ Andrea kɛ Filipo kɛ Toma kɛ Bartolomeo kɛ Mateo kɛ Alfeo bi Yakobo kɛ Simon, maŋ he hiɛdɔlɔ lɛ, kɛ Yakobo bi Yuda hiɔ lɛ. 14#Yoh 7.3; Bɔf 2.1 Mɛnɛɛmɛi fɛɛ kɛ yei lɛ kɛ Yesu nyɛ Maria kɛ enyɛmimɛi hii lɛ kɛ jwɛŋmɔ kome hiɛ sɔlemɔ mli waa.
15Nɛkɛ be nɛɛ mli lɛ Petro te shi edamɔ nyɛmimɛi lɛ ateŋ (mɛi fɛɛ ni ebabua amɛhe naa lɛ aaafee oha kɛ nyɔŋmai enyɔ) ni ekɛɛ, 16#Lal 41.9 “Anyɛmimɛi, esa akɛ nɔ ni aŋma ni Mumɔ Krɔŋkrɔŋ lɛ ekɛɛ eto yɛ David naa yɛ Yuda, mɔ ni nyiɛ mɛi ni bamɔ Yesu lɛ ahiɛ lɛ, he lɛ aba mli, 17ejaakɛ abu lɛ ashi wɔnɔ, ni eyɛ egbɛnaa yɛ nɛkɛ sɔ̃ɔmɔ nɛɛ mli.” 18#Mat 27.3-10 Shi nɛkɛ nuu nɛɛ ŋɔ enɔsha ni efee lɛ mli nyɔmɔwoo lɛ ehe abɔɔ, ni eyama eyi shi, ni emli gba enyɔ ni emlinii fɛɛ tue shwie shi. 19Ni mɛi fɛɛ ni yɔɔ Yerusalɛm lɛ na le enɛ, no hewɔ lɛ, atsɛɔ nakai abɔɔ lɛ yɛ amɛ diɛŋtsɛ amɛwiemɔ mli akɛ Akeldama, eshishi ji “Lá-Abɔɔ”. 20#Lal 69.25; 109.8 Ejaakɛ aŋma yɛ Lalai Awolo lɛ mli akɛ,
‘Eshihilɛhe lɛ atsɔ̃ amaŋfɔ̃
ni mɔ ko mɔ ko akahi mli,’ kɛ ekoŋŋ akɛ,
‘Enɔkwɛmɔ nitsumɔ lɛ hu mɔ kroko aŋɔ.’
21 #
Yoh 15.27
“No hewɔ lɛ, esa akɛ hii ni kɛ wɔ nyiɛ be mli fɛɛ ni Nuŋtsɔ Yesu yaa baa yɛ wɔteŋ, 22#Mat 3.16; Mar 1.9; 16.19; Luk 3.21; 24.51 kɛjɛ Yohane baptisimɔ lɛ nɔ kɛyashi gbi nɔ ni aŋɔ lɛ kɛje wɔŋɔɔ kɛtee ŋwɛi lɛ ateŋ mɔ kome atsɔ eshitee lɛ he odasefonyo afata wɔhe.” 23Ni amɛfamɔ mɛi enyɔ, Yosef ni atsɛɔ lɛ Barsaba ni awo lɛ Yusto hu lɛ, kɛ Matia, amɛdamɔ shi. 24Ni amɛsɔle amɛkɛɛ, “Bo, Nuŋtsɔ, ni ole gbɔmɛi fɛɛ atsuiiaŋ, tsɔ̃ɔmɔ mɛi enyɔ nɛɛ ateŋ mɔ ni ohala 25ni eŋɔ nɛkɛ sɔ̃ɔmɔ kɛ bɔfo nitsumɔ ni Yuda eje mli koni ekɔ lɛ diɛŋtsɛ egbɛ lɛ.” 26#Abɛi 16.33 Ni amɛfɔ̃ amɛnɔ oshiki, ni oshiki lɛ yagbee Matia nɔ, ni abu lɛ ashi bɔfoi nyɔŋma kɛ ekome lɛ anɔ.
Atualmente Selecionado:
:
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Bible in Ga Language © Bible Society of Ghana, 2020.