Yohane 21:15-17

Be ni amɛye nii lɛ tã lɛ, Yesu bi Simon Petro akɛ, “Simon, Yona bi, oosumɔ mi fe mɛnɛɛmɛi lo?” Ekɛɛ lɛ akɛ, “Hɛɛ, Nuŋtsɔ, ole akɛ miisumɔ bo.” Yesu kɛɛ lɛ akɛ, “Lɛɛ mitoobii lɛ!” Esaa ebi lɛ nɔ ni ji shi enyɔ akɛ, “Simon, Yona bi, oosumɔ mi lo?” Ekɛɛ lɛ akɛ, “Hɛɛ, Nuŋtsɔ, ole akɛ miisumɔ bo.” Yesu kɛɛ lɛ akɛ, “Kwɛmɔ mitoi lɛ!” Ebi lɛ nɔ ni ji shii etɛ̃ akɛ, “Simon, Yona bi, oosumɔ mi lo?” Edɔ Petro akɛ ebi lɛ nɔ ni ji shii etɛ̃ akɛ, “Oosumɔ mi lo?” lɛ; ni ekɛɛ lɛ akɛ, “Nuŋtsɔ, ole nii fiaa, ole akɛ miisumɔ bo.” Yesu kɛɛ lɛ akɛ, “Lɛɛ mitoi lɛ!