VATUMWA 8
8
1Saolo yalora kekolwa navugilira ku liitwa lia Sitefano.
Avandu vasuuvira vadambizwa
Ku lidiku liene yilio lidambizwa linene liaduuka ku likanisa liali mu Jerusalemi. Avandu vasuuvira vosi nitali avatumwa venyine, vasalanywa mu zimbega ziosi zie Vuyuda na Samaria. 2Avandu valala avatia Nyasaye numwoyo gwosi, vazia kuyavira Sitefano, nivamusiomera vudinyu ni liverera linene.
3Navuzwa Saolo yageriza kudiviza Likanisa ligali. Yingira mu vuli inyumba, natuliza vandu avasuuviraa, avasaza na vakali, navahira muvuhambe.
Ivangeri yilwazwa mu Samaria
4Kigira yaga vandu avasuuviraa vasalanywa, nivavodong'ana havundu hoosi ni vilwaza likuva yili. 5Filipo naye yingira mu lidaala lia Samaria, ni yilwaazira avandu valio amakuva ga Kristo. 6Avandu vavunga viduma nivahuliriza amakuva ga Filipo nu mwoyo mulala, ni valora vilolekizu via yakola. 7Kigira mademoni gaali ni gagumira avandu vanyingi, gaturaa nigahanzuka nigalira; kandi avanyingi avaari nivafogoya, na avalema, vahonywa. 8Maku vwali uvuyanzi vonene mu lidaala yilio.
9Mundu mulala yaali mu lidaala yilio, uwalangwa Simoni. Yakola ivindu nuvusigitiri vwivwe ku maziambiri iviagenyia avandu va Samaria ligali. Yiganagana mwene ndi aveeye mundu munene. 10Avandu vosi, kutura ku mukekeeke kuduuka ku munene, vamuhuliriza ligali ni vavoola, “ Simoni uyu aveeye nizinguru zia Nyasaye ulangwa, ‘Zinguru Zinene.’ ” 11Vamuhuliriza ligali, kigira yavagenyia nu vusigitiri vwivwe ku ing'inga indambi. 12Navuzwa lwa vandu vasuuvira amilwazo ga Filipo agi Ivangeri yu Vwami vwa Nyasaye kandi gi lieta lia Yeso Kristo, vabatizwa avasaza na avakali. 13Kali Simoni mwene yasuuvira. Lwa yamala kubatizwa yamenya na Filipo, nagenya ku viokogenyia ni vilolekizu via Filipo yakola.
14Kunangwa lwa avatumwa vaali ni vaveeye Jerusalemi vanyoola amakuva ndi avandu va Samaria navo vavugiliyi likuva lia Nyasaye. Vavatumira Petero na Yohana. 15Lwa vaduuka yo, vasaalira vandu avasuuviraa yavo vaduuki konyoora Roho Mutakatifu, 16kigira Roho Mutakatifu yaali na akikiri kwika kuvo. Vaali ni vabatizwa vuzwa ku lieta liu Mwami Yeso. 17Kunangwa Petero na Yohana vaviika amakono gaavo ku vandu vasuuvira yavo, ma nivanyoora Roho Mutakatifu. 18Kunangwa Simoni yalora ndi ng'ani Roho Mutakatifu amali kuhaanwa ku vandu vasuuvira lwa vatumwa vaviika ku makono gaavo kuvo. Maku yahaana ku Petero na Yohana mabese navoora, 19“Inze kandi mumbe zinguru yizi, ku vosi wambika ku makono gange aduuki konyoora Roho Mutakatifu.”
20Navuzwa Petero yamutivulira, “Udivi harara na mabese googo kigira uganaganaa unyala kugura kihanwa cha Nyasaye na mabese! 21Ivi sioveeye ni lisanga liosi anoho mugavwa ku muyinzi yigu, kigira mwoyo gugwo si goveeye mulahi imbiri wa Nyasaye mba. 22Kigira yaga wiganiri uvudamanu vuvwo yivu, usaale Mwami, aduuki kukusamiiha mu liganagana kindu kuli yiki. 23Ngolola ni wizuyi embodoka ligali, kandi oveeye muvohe wu vwoni!” 24Simoni yativura navoora, “Mugoonyaa mwaza musaliri ku Mwami, kunangwa ivindu via muvooraa yivi vitangwira kali kilala mba.”
25Kunangwa lwa Petero na Yohana vamala kololekiza nu kwilwaza likuva liu Mwami, virana Jerusalemi. Lwa vaali ni viranga vagenda ni vilwaza Ivangeri ya Nyasaye ku tudaala tunyingi twa Samaria.
Filipo yabatiza Munene mulala wa Ezopia
26Engelosi wu mwami yavolera Filipo, “Wetegeke uzie mu lovega lwi isavaalu, uvitiri kunzira itulaa Jerusalemi nizia Gaza.” Inzira yene yeyo ivitiraa mu changalangwi. 27Kunangwa Filipo yatura natanga logendo. Ahene yaho yalora mundu mulala kutura Ezopia waali kiziri, musingiriri wi zinguru ku vutugi vwosi vwa Kandaki, Mwami wi kikali wa Ezopia. Mundu uyu yaali naaziyi Jerusalemi kusigamira Nyasaye. 28Lwa yaali niyiranaayengo, yaali niyikaye mu ligare nasomaa kitabu chu muporofeti Isaya. 29Roho Mutakatifu yavolera Filipo, “Yisundi ahimbi ku ligare ogende nalio.” 30Filipo yanyagula naduuka himbi ni ligare, naahulira mundu oyo nasomaa kitabu chu muporofeti Isaya. Filipo yamuteeva, “Uhuliraa aga osoma yaga?” 31Mundu oyo yamutivulira, “Nyara kuhulira ndi nindaveeye nu mundu wu kunzivaalira?” Kandi yavolera Filipo, “Niina wikala ninzi mu ligare.” 32Kunangwa zimbaso zia Mang'oda Matakatifu zia yaali nasomaa ziali yizi:
“Yaali kuli ligondi lihilwaa kwitwa
kuli Mwana wi Ligondi akiring'ani
Lwa kalagangwa uvwoya naye
kandi si yakunura munwa gwigwe kali hakuzu mba.
33Yalegwa nukunyagwa uvulungi.
Sihaveeye ho numulala unyala kovora amakuva gi visukululwi vivie mba.
Kigira livamwoyo lilie ku lirova liheri.”
34Kiziri oyo yavolera Filipo, “Mbolera, muporofeti uyu amolomaa ku vwaha? Avoora amakuva yaga ku mwene anoho ku wundi mundu?” 35Maku Filipo yatangila ku zimbaso zia Mang'oda Matakatifu yizio, namwilwaazira amakuva malahi ga Yeso. 36Lwa vaali ni vakizizagilira no logendo, vaduuka havundu ha amazi gaali. Kiziri oyo yavoola, “Henza amazi ngaga yaaha, ni kindu ki ikinzigalira mburi kubatizwa?”
[ 37Filipo yavoola, “Nu usuviraa nu mwoyo gugwo gwosi, unyala kubatizwa.”
Naye yativura, “Yee, suuviyi ndi Yeso Kristo nu Mwana wa Nyasaye.”]
38Kunangwa yalaga ligare lisingiri; navo vombi, Filipo ni kiziri viika mu mazi; Filipo yaamubatiza. 39Lwa vaatura mu mazi, Roho wu Mwami yavugula Filipo vwangu, kiziri oyo si yamulola kandi mba, navuzwa yaazizagilira nologendo lwilwe ni yizuuyi uvusangari. 40Filipo yizukanira vuzwa naveeye mu lidaala lia Azota; yaazizagilira kuvitira mu madaala goosi ni yilwaza Ivangeri mu madaala goosi kuduuka lwa yaduuka Kaisaria.
Atualmente Selecionado:
VATUMWA 8: LOGOOLI
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
©Bible Society of Kenya, 2019
VATUMWA 8
8
1Saolo yalora kekolwa navugilira ku liitwa lia Sitefano.
Avandu vasuuvira vadambizwa
Ku lidiku liene yilio lidambizwa linene liaduuka ku likanisa liali mu Jerusalemi. Avandu vasuuvira vosi nitali avatumwa venyine, vasalanywa mu zimbega ziosi zie Vuyuda na Samaria. 2Avandu valala avatia Nyasaye numwoyo gwosi, vazia kuyavira Sitefano, nivamusiomera vudinyu ni liverera linene.
3Navuzwa Saolo yageriza kudiviza Likanisa ligali. Yingira mu vuli inyumba, natuliza vandu avasuuviraa, avasaza na vakali, navahira muvuhambe.
Ivangeri yilwazwa mu Samaria
4Kigira yaga vandu avasuuviraa vasalanywa, nivavodong'ana havundu hoosi ni vilwaza likuva yili. 5Filipo naye yingira mu lidaala lia Samaria, ni yilwaazira avandu valio amakuva ga Kristo. 6Avandu vavunga viduma nivahuliriza amakuva ga Filipo nu mwoyo mulala, ni valora vilolekizu via yakola. 7Kigira mademoni gaali ni gagumira avandu vanyingi, gaturaa nigahanzuka nigalira; kandi avanyingi avaari nivafogoya, na avalema, vahonywa. 8Maku vwali uvuyanzi vonene mu lidaala yilio.
9Mundu mulala yaali mu lidaala yilio, uwalangwa Simoni. Yakola ivindu nuvusigitiri vwivwe ku maziambiri iviagenyia avandu va Samaria ligali. Yiganagana mwene ndi aveeye mundu munene. 10Avandu vosi, kutura ku mukekeeke kuduuka ku munene, vamuhuliriza ligali ni vavoola, “ Simoni uyu aveeye nizinguru zia Nyasaye ulangwa, ‘Zinguru Zinene.’ ” 11Vamuhuliriza ligali, kigira yavagenyia nu vusigitiri vwivwe ku ing'inga indambi. 12Navuzwa lwa vandu vasuuvira amilwazo ga Filipo agi Ivangeri yu Vwami vwa Nyasaye kandi gi lieta lia Yeso Kristo, vabatizwa avasaza na avakali. 13Kali Simoni mwene yasuuvira. Lwa yamala kubatizwa yamenya na Filipo, nagenya ku viokogenyia ni vilolekizu via Filipo yakola.
14Kunangwa lwa avatumwa vaali ni vaveeye Jerusalemi vanyoola amakuva ndi avandu va Samaria navo vavugiliyi likuva lia Nyasaye. Vavatumira Petero na Yohana. 15Lwa vaduuka yo, vasaalira vandu avasuuviraa yavo vaduuki konyoora Roho Mutakatifu, 16kigira Roho Mutakatifu yaali na akikiri kwika kuvo. Vaali ni vabatizwa vuzwa ku lieta liu Mwami Yeso. 17Kunangwa Petero na Yohana vaviika amakono gaavo ku vandu vasuuvira yavo, ma nivanyoora Roho Mutakatifu. 18Kunangwa Simoni yalora ndi ng'ani Roho Mutakatifu amali kuhaanwa ku vandu vasuuvira lwa vatumwa vaviika ku makono gaavo kuvo. Maku yahaana ku Petero na Yohana mabese navoora, 19“Inze kandi mumbe zinguru yizi, ku vosi wambika ku makono gange aduuki konyoora Roho Mutakatifu.”
20Navuzwa Petero yamutivulira, “Udivi harara na mabese googo kigira uganaganaa unyala kugura kihanwa cha Nyasaye na mabese! 21Ivi sioveeye ni lisanga liosi anoho mugavwa ku muyinzi yigu, kigira mwoyo gugwo si goveeye mulahi imbiri wa Nyasaye mba. 22Kigira yaga wiganiri uvudamanu vuvwo yivu, usaale Mwami, aduuki kukusamiiha mu liganagana kindu kuli yiki. 23Ngolola ni wizuyi embodoka ligali, kandi oveeye muvohe wu vwoni!” 24Simoni yativura navoora, “Mugoonyaa mwaza musaliri ku Mwami, kunangwa ivindu via muvooraa yivi vitangwira kali kilala mba.”
25Kunangwa lwa Petero na Yohana vamala kololekiza nu kwilwaza likuva liu Mwami, virana Jerusalemi. Lwa vaali ni viranga vagenda ni vilwaza Ivangeri ya Nyasaye ku tudaala tunyingi twa Samaria.
Filipo yabatiza Munene mulala wa Ezopia
26Engelosi wu mwami yavolera Filipo, “Wetegeke uzie mu lovega lwi isavaalu, uvitiri kunzira itulaa Jerusalemi nizia Gaza.” Inzira yene yeyo ivitiraa mu changalangwi. 27Kunangwa Filipo yatura natanga logendo. Ahene yaho yalora mundu mulala kutura Ezopia waali kiziri, musingiriri wi zinguru ku vutugi vwosi vwa Kandaki, Mwami wi kikali wa Ezopia. Mundu uyu yaali naaziyi Jerusalemi kusigamira Nyasaye. 28Lwa yaali niyiranaayengo, yaali niyikaye mu ligare nasomaa kitabu chu muporofeti Isaya. 29Roho Mutakatifu yavolera Filipo, “Yisundi ahimbi ku ligare ogende nalio.” 30Filipo yanyagula naduuka himbi ni ligare, naahulira mundu oyo nasomaa kitabu chu muporofeti Isaya. Filipo yamuteeva, “Uhuliraa aga osoma yaga?” 31Mundu oyo yamutivulira, “Nyara kuhulira ndi nindaveeye nu mundu wu kunzivaalira?” Kandi yavolera Filipo, “Niina wikala ninzi mu ligare.” 32Kunangwa zimbaso zia Mang'oda Matakatifu zia yaali nasomaa ziali yizi:
“Yaali kuli ligondi lihilwaa kwitwa
kuli Mwana wi Ligondi akiring'ani
Lwa kalagangwa uvwoya naye
kandi si yakunura munwa gwigwe kali hakuzu mba.
33Yalegwa nukunyagwa uvulungi.
Sihaveeye ho numulala unyala kovora amakuva gi visukululwi vivie mba.
Kigira livamwoyo lilie ku lirova liheri.”
34Kiziri oyo yavolera Filipo, “Mbolera, muporofeti uyu amolomaa ku vwaha? Avoora amakuva yaga ku mwene anoho ku wundi mundu?” 35Maku Filipo yatangila ku zimbaso zia Mang'oda Matakatifu yizio, namwilwaazira amakuva malahi ga Yeso. 36Lwa vaali ni vakizizagilira no logendo, vaduuka havundu ha amazi gaali. Kiziri oyo yavoola, “Henza amazi ngaga yaaha, ni kindu ki ikinzigalira mburi kubatizwa?”
[ 37Filipo yavoola, “Nu usuviraa nu mwoyo gugwo gwosi, unyala kubatizwa.”
Naye yativura, “Yee, suuviyi ndi Yeso Kristo nu Mwana wa Nyasaye.”]
38Kunangwa yalaga ligare lisingiri; navo vombi, Filipo ni kiziri viika mu mazi; Filipo yaamubatiza. 39Lwa vaatura mu mazi, Roho wu Mwami yavugula Filipo vwangu, kiziri oyo si yamulola kandi mba, navuzwa yaazizagilira nologendo lwilwe ni yizuuyi uvusangari. 40Filipo yizukanira vuzwa naveeye mu lidaala lia Azota; yaazizagilira kuvitira mu madaala goosi ni yilwaza Ivangeri mu madaala goosi kuduuka lwa yaduuka Kaisaria.
Atualmente Selecionado:
:
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
©Bible Society of Kenya, 2019