Marko̱ 5
5
Kui xta̱ xi kjín nga̱ya asen xabaꞌe̱ xindajin tjinjín yajo̱ꞌe
(Mt 8.28-34; Lk 8.26-39)
1Jesuu̱ ku ja xi kjibakuyáre̱ jaꞌatiu ngunda chincha tsé Ngalilea̱ ku jichú ngu ngande xi tiña mare̱ jmá ꞌmí Jerasa̱. 2-6Kꞌi̱a̱ tjián ngu ngasuntsju, jmá kjitjián ngu xu̱ta̱ xi asen xabaꞌe̱ xindajin tjinjín yajo̱ꞌe. Ngují xi maꞌñure, tukjuátsa tsiꞌinre naꞌñu kicha̱. ¡Tukó ndiya kikietꞌaꞌñu kicha̱ taja tsjai! Ta̱nga kjendiꞌñu ku tsixuba kicha̱ ¡Ngují xi ma xi tsiꞌinre ngaꞌñu xi tjínre! Tꞌajñu ku ngixún fabixi ngasuntsju kju̱ na̱xi̱, kjindaya ku ndia̱jo tsiꞌónjunre̱ yajo̱ꞌe.
Kuima chu̱ba̱ kju̱a̱jén tsutsu je Jesuu̱, ku ngasuntsjú kuitjú kui xta̱, ku kjín kube nga ndiba Jesuu̱, tsanga ku tkuꞌe̱ iséntꞌare.
7-8Jesuu̱ kitsiꞌínre manda asen xabaꞌe̱ xindajin:
—¡Asen xabaꞌe̱ xindajin, titjui ngaya yajo̱ꞌe kui xta̱!
Jaskan asen xabaꞌe̱ xindajin skindia nga tsichjá:
—Mí xi kitsiꞌinre Jesuu̱, Kjindiꞌe Namiña Diuu̱ xi ꞌñu kꞌa. ¡Ngatu onjín nikjieyéna! ¡Ngixku̱n Namiña Diuu̱, minengi̱ra nga onjín nikjieyéna!
9Ku Jesuu̱ tsinengiya:
—Kúcha ꞌmíri.
Ku ku̱a̱cha kitsú:
—Án xi ꞌmína xu̱ta̱ jónꞌen xindajin, nga̱tꞌa ꞌñu kjínmajni asen xaba xi tiñajínjni yajo̱ꞌe kui xta̱. 10Ngu kju̱a̱ndá, minengi̱ra ngatu̱ tꞌaxinjín ningiyéjni.
11Ngu tjengi, tiña jmá tsuba̱, tsꞌatiu jó mi chi̱nga̱ xi inchakjien. 12Ku asen xabaꞌe̱ xindajin ꞌyetsꞌuáre̱ Jesuu̱:
—¡Titjuéjni ngande nga bitjasꞌenjni ngajín yajo̱ꞌe kui chi̱nga̱!
13Ku kitsjuáre̱ kju̱a̱ Jesuu̱, nga itjujín yajo̱ꞌe kui xta̱ ku chi̱nga̱ tsasꞌejínre. Ku tsangajenya ngieje kui chi̱nga̱, janda nga ixujín chincha tsé ku jesun.
14Xi inchakúnda chi̱nga̱ tsanga nga kijí na̱xi̱nanda, ku kitsuyáre̱ ngieje xu̱ta̱ najmi xi kube. Ku kijikase xu̱ta̱ najmi xi kuma. 15Nga jichú jmá kjitjián Jesuu̱, kube xta̱ xi asen xabaꞌe̱ xindajin tjijínmáre̱ yajo̱ꞌe, ku kitjiánte nga kuya, ndá tjínre ku yajá ñajñuꞌen. Janda xi nchafatsetkun xu̱ta̱ xi kꞌi̱a̱ tjima.
16Ngieje xu̱ta̱ xi kube nga Jesuu̱ kitsindaya kui xta̱ tekuini ura kitsuya ngiejere na̱xi̱nanda. 17Ta̱nga xu̱ta̱ kua kitsúre̱ Jesuu̱ nga xín ngande ngatjai.
18Nga kuijín tsutsu je Jesuu̱, kui xta̱ xi je kundaya ꞌyetsꞌuáre̱ nga mejénre fuetjéngire̱. 19Ta̱nga ku̱i̱cha kitsúre̱ Jesuu̱:
—Tꞌutjíni niꞌyari ku tꞌenijmiri xu̱ta̱ niꞌyari kju̱ ngieje xu̱ta̱ xi ndá yaꞌári kúcha kisasejúnri Namiña Diuu̱, ku nga chan kitsiꞌínri xki̱.
20Ku kijí kui xta̱, ku ngieje ngande xi chja̱ Ndekapoli̱#5.20 Na̱xi̱nanda xi yaꞌa Ndekapoli̱, Rafana̱, Ngádara, Péya, Ngerasa̱, Filadelfia̱. Escitopo̱li̱, Ndamasko̱, Kanata̱, Ipo̱, Ndión. kitsuya kúcha isejún Jesuu̱. Tꞌere xu̱ta̱ ku tukuaxu mare̱ én xi tsuya.
Ngu tsakichi xi je kꞌienma kju̱ ngu chjun xi chiꞌin tjínre
(Mt 9.18-26; Lk 8.40-56)
21Ngaya tsutsu je jichú Jesuu̱ ngunda chincha, ku tsꞌua tꞌande kisꞌejña tꞌa tuxi kjín ma xu̱ta̱ xi kutkundáire.
22Kuima chu̱ba̱ jichú xta̱ xi ꞌmí Jairo̱, xi kju̱ kui sian xáꞌe ni̱ngu̱xi̱. Nga kube Jesuu̱ Jairo̱, kisasenten janda tꞌa nangi 23ku ꞌyetsꞌuáre̱:
— Tuxi je makꞌien tsakichiꞌna. ¡Ngu kju̱a̱ndá, ndibi niꞌyaꞌna ku tjane ndsaji tku̱, tuxi mandaya ku te̱ ngatjabixíni!
24Ku Jesuu̱ kiju̱ xu Jairo̱. Xu̱ta̱ kjín xi kutku̱ndaire Jesuu̱ kitjengire̱. 25Ngajín xu̱ta̱ tsuꞌba ngu chjun xi tejó nu chiꞌin tsuꞌbájo̱. Jinꞌñu xu tjítsikꞌien, 26ku chji̱ne̱tki xu kitsikjie ngieje tón xi kisꞌere̱, ta̱nga ngují xu xi kundayare̱. Tusá ꞌñu tsé kju̱a̱niꞌin jaꞌa, ku nchajun nchajun nga ꞌñu niꞌin kitsiꞌin.
27-28Kui chjun jexu kitꞌe nga̱tꞌaꞌe Jesuu̱, ku kitsikjoxu: «Tsatu kumáma kjíngajunꞌan najñuꞌen, bére yajo̱ꞌna nga mandayaꞌan.» Kui kju̱a̱, nga kube Jesuu̱ kui chjun, ku skexꞌajín ndiya ngajín xu̱ta̱, nga̱tjen ngatun jichutꞌare ku skingajun ñajñuꞌen. 29Tekuixu ura tsendare̱ jínꞌñu xi kjimáre̱ kui chjun, ku kubére yajo̱ꞌe nga kundaya.
30Tsejenxu kumáre Jesuu̱ nga ngaꞌñu itjujín yajo̱ꞌe. Ku jaskánxu tsasére̱ xu̱ta̱ ku tsinengiyaxu:
—ꞌYá xi skingajun najñuꞌna.
31Ku̱a̱xu tsure ja xi kjibakuyáre̱:
—¡Chase kúcha matkunéri xu̱ta̱! Kúcha mari nga chji̱nengiye ꞌyá xi skingajun najñuri.
32Ta̱nga Jesuu̱ base xi basexure xu̱ta̱ ꞌyá xi skingajun. 33Ku kui chjun, nga kubéxu nga kundaya, kijí ku isenxu tkuꞌe̱ ngakjáin Jesuu̱, ku kjifatsetkunxu nga kitsuya xi kju̱a̱xikjain.
34Ku̱i̱cha kitsúre̱ Jesuu̱:
—Jí kua tsakjínꞌna, je kundaye nga̱tꞌa kisꞌejínri Namiña Diuu̱. Ndá tꞌain.
35Janda kjia fejíre en xi tjichja Jesuu̱ nga jichú xu̱ta̱ xi chja̱ niꞌyaꞌe Jairo̱, ku ku̱i̱xucha kitsú:
—¡Je kꞌien tsakjichiri! Mí xá nikꞌayaxájnu ngisa Jí kua Chji̱ne.
36Kitsiꞌinjín xki̱ najmi xi kiꞌmire Jesuu̱, ta̱nga ku̱i̱cha kitsúre̱ Jairo̱:
—Ngatu tkinjín, tu tisꞌejíntse.
37Ku tujma Pe kju̱ Santia ku Jua, xi tsꞌe̱ ma xikjin, kuyúre̱ nga kiju̱. 38Nga jichú niꞌyaꞌe Jairo̱, kubéxu nga kjínda ku kjíndaya xu̱ta̱ kju̱ ꞌñuxu sii inchatsiꞌin. 39Ku tsasꞌenxu niꞌya Jesuu̱ ku ku̱i̱cha kitsúre̱:
—Mí xá chikjíndájnu ku sii tjiñaꞌánjnu. Kꞌienjín tsakichi, kjifétse kua.
40Ku xu̱ta̱ tsijnúkie Jesuu̱. Ku kitsiꞌin manda nga itsjé ngieje xi tsuba̱ ngaya. Ku jaskan tsasꞌen jmá kjiꞌi tsakichi, tsasꞌeju̱n Namiꞌen kju̱ Naꞌen ku ján xu̱ta̱ xi kjibakuyáre̱ Jesuu̱. 41Skabé tsja tsakichi ku ku̱i̱cha kitsúre̱ nga én arameo̱ kitsichjen:
—¡Talitá, kum!
Ku̱i̱cha mejénre tsu: «Tsakichi, tisitjein.» 42Kui tsakichi, tejó nu tjínre, te̱ kui ura isitjen ku kuma kijí. Nga kube xu̱ta̱ tsakichi, tukua kumáre.
43Kitsiꞌin manda Jesuu̱ nga ngují xi ꞌmiyare xá xi kuma, ku kitsiꞌin manda nga nikjien tsakichi.
Atualmente Selecionado:
Marko̱ 5: MZI
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
México © Sociedad Bíblica de México, A.C. AÑO
Marko̱ 5
5
Kui xta̱ xi kjín nga̱ya asen xabaꞌe̱ xindajin tjinjín yajo̱ꞌe
(Mt 8.28-34; Lk 8.26-39)
1Jesuu̱ ku ja xi kjibakuyáre̱ jaꞌatiu ngunda chincha tsé Ngalilea̱ ku jichú ngu ngande xi tiña mare̱ jmá ꞌmí Jerasa̱. 2-6Kꞌi̱a̱ tjián ngu ngasuntsju, jmá kjitjián ngu xu̱ta̱ xi asen xabaꞌe̱ xindajin tjinjín yajo̱ꞌe. Ngují xi maꞌñure, tukjuátsa tsiꞌinre naꞌñu kicha̱. ¡Tukó ndiya kikietꞌaꞌñu kicha̱ taja tsjai! Ta̱nga kjendiꞌñu ku tsixuba kicha̱ ¡Ngují xi ma xi tsiꞌinre ngaꞌñu xi tjínre! Tꞌajñu ku ngixún fabixi ngasuntsju kju̱ na̱xi̱, kjindaya ku ndia̱jo tsiꞌónjunre̱ yajo̱ꞌe.
Kuima chu̱ba̱ kju̱a̱jén tsutsu je Jesuu̱, ku ngasuntsjú kuitjú kui xta̱, ku kjín kube nga ndiba Jesuu̱, tsanga ku tkuꞌe̱ iséntꞌare.
7-8Jesuu̱ kitsiꞌínre manda asen xabaꞌe̱ xindajin:
—¡Asen xabaꞌe̱ xindajin, titjui ngaya yajo̱ꞌe kui xta̱!
Jaskan asen xabaꞌe̱ xindajin skindia nga tsichjá:
—Mí xi kitsiꞌinre Jesuu̱, Kjindiꞌe Namiña Diuu̱ xi ꞌñu kꞌa. ¡Ngatu onjín nikjieyéna! ¡Ngixku̱n Namiña Diuu̱, minengi̱ra nga onjín nikjieyéna!
9Ku Jesuu̱ tsinengiya:
—Kúcha ꞌmíri.
Ku ku̱a̱cha kitsú:
—Án xi ꞌmína xu̱ta̱ jónꞌen xindajin, nga̱tꞌa ꞌñu kjínmajni asen xaba xi tiñajínjni yajo̱ꞌe kui xta̱. 10Ngu kju̱a̱ndá, minengi̱ra ngatu̱ tꞌaxinjín ningiyéjni.
11Ngu tjengi, tiña jmá tsuba̱, tsꞌatiu jó mi chi̱nga̱ xi inchakjien. 12Ku asen xabaꞌe̱ xindajin ꞌyetsꞌuáre̱ Jesuu̱:
—¡Titjuéjni ngande nga bitjasꞌenjni ngajín yajo̱ꞌe kui chi̱nga̱!
13Ku kitsjuáre̱ kju̱a̱ Jesuu̱, nga itjujín yajo̱ꞌe kui xta̱ ku chi̱nga̱ tsasꞌejínre. Ku tsangajenya ngieje kui chi̱nga̱, janda nga ixujín chincha tsé ku jesun.
14Xi inchakúnda chi̱nga̱ tsanga nga kijí na̱xi̱nanda, ku kitsuyáre̱ ngieje xu̱ta̱ najmi xi kube. Ku kijikase xu̱ta̱ najmi xi kuma. 15Nga jichú jmá kjitjián Jesuu̱, kube xta̱ xi asen xabaꞌe̱ xindajin tjijínmáre̱ yajo̱ꞌe, ku kitjiánte nga kuya, ndá tjínre ku yajá ñajñuꞌen. Janda xi nchafatsetkun xu̱ta̱ xi kꞌi̱a̱ tjima.
16Ngieje xu̱ta̱ xi kube nga Jesuu̱ kitsindaya kui xta̱ tekuini ura kitsuya ngiejere na̱xi̱nanda. 17Ta̱nga xu̱ta̱ kua kitsúre̱ Jesuu̱ nga xín ngande ngatjai.
18Nga kuijín tsutsu je Jesuu̱, kui xta̱ xi je kundaya ꞌyetsꞌuáre̱ nga mejénre fuetjéngire̱. 19Ta̱nga ku̱i̱cha kitsúre̱ Jesuu̱:
—Tꞌutjíni niꞌyari ku tꞌenijmiri xu̱ta̱ niꞌyari kju̱ ngieje xu̱ta̱ xi ndá yaꞌári kúcha kisasejúnri Namiña Diuu̱, ku nga chan kitsiꞌínri xki̱.
20Ku kijí kui xta̱, ku ngieje ngande xi chja̱ Ndekapoli̱#5.20 Na̱xi̱nanda xi yaꞌa Ndekapoli̱, Rafana̱, Ngádara, Péya, Ngerasa̱, Filadelfia̱. Escitopo̱li̱, Ndamasko̱, Kanata̱, Ipo̱, Ndión. kitsuya kúcha isejún Jesuu̱. Tꞌere xu̱ta̱ ku tukuaxu mare̱ én xi tsuya.
Ngu tsakichi xi je kꞌienma kju̱ ngu chjun xi chiꞌin tjínre
(Mt 9.18-26; Lk 8.40-56)
21Ngaya tsutsu je jichú Jesuu̱ ngunda chincha, ku tsꞌua tꞌande kisꞌejña tꞌa tuxi kjín ma xu̱ta̱ xi kutkundáire.
22Kuima chu̱ba̱ jichú xta̱ xi ꞌmí Jairo̱, xi kju̱ kui sian xáꞌe ni̱ngu̱xi̱. Nga kube Jesuu̱ Jairo̱, kisasenten janda tꞌa nangi 23ku ꞌyetsꞌuáre̱:
— Tuxi je makꞌien tsakichiꞌna. ¡Ngu kju̱a̱ndá, ndibi niꞌyaꞌna ku tjane ndsaji tku̱, tuxi mandaya ku te̱ ngatjabixíni!
24Ku Jesuu̱ kiju̱ xu Jairo̱. Xu̱ta̱ kjín xi kutku̱ndaire Jesuu̱ kitjengire̱. 25Ngajín xu̱ta̱ tsuꞌba ngu chjun xi tejó nu chiꞌin tsuꞌbájo̱. Jinꞌñu xu tjítsikꞌien, 26ku chji̱ne̱tki xu kitsikjie ngieje tón xi kisꞌere̱, ta̱nga ngují xu xi kundayare̱. Tusá ꞌñu tsé kju̱a̱niꞌin jaꞌa, ku nchajun nchajun nga ꞌñu niꞌin kitsiꞌin.
27-28Kui chjun jexu kitꞌe nga̱tꞌaꞌe Jesuu̱, ku kitsikjoxu: «Tsatu kumáma kjíngajunꞌan najñuꞌen, bére yajo̱ꞌna nga mandayaꞌan.» Kui kju̱a̱, nga kube Jesuu̱ kui chjun, ku skexꞌajín ndiya ngajín xu̱ta̱, nga̱tjen ngatun jichutꞌare ku skingajun ñajñuꞌen. 29Tekuixu ura tsendare̱ jínꞌñu xi kjimáre̱ kui chjun, ku kubére yajo̱ꞌe nga kundaya.
30Tsejenxu kumáre Jesuu̱ nga ngaꞌñu itjujín yajo̱ꞌe. Ku jaskánxu tsasére̱ xu̱ta̱ ku tsinengiyaxu:
—ꞌYá xi skingajun najñuꞌna.
31Ku̱a̱xu tsure ja xi kjibakuyáre̱:
—¡Chase kúcha matkunéri xu̱ta̱! Kúcha mari nga chji̱nengiye ꞌyá xi skingajun najñuri.
32Ta̱nga Jesuu̱ base xi basexure xu̱ta̱ ꞌyá xi skingajun. 33Ku kui chjun, nga kubéxu nga kundaya, kijí ku isenxu tkuꞌe̱ ngakjáin Jesuu̱, ku kjifatsetkunxu nga kitsuya xi kju̱a̱xikjain.
34Ku̱i̱cha kitsúre̱ Jesuu̱:
—Jí kua tsakjínꞌna, je kundaye nga̱tꞌa kisꞌejínri Namiña Diuu̱. Ndá tꞌain.
35Janda kjia fejíre en xi tjichja Jesuu̱ nga jichú xu̱ta̱ xi chja̱ niꞌyaꞌe Jairo̱, ku ku̱i̱xucha kitsú:
—¡Je kꞌien tsakjichiri! Mí xá nikꞌayaxájnu ngisa Jí kua Chji̱ne.
36Kitsiꞌinjín xki̱ najmi xi kiꞌmire Jesuu̱, ta̱nga ku̱i̱cha kitsúre̱ Jairo̱:
—Ngatu tkinjín, tu tisꞌejíntse.
37Ku tujma Pe kju̱ Santia ku Jua, xi tsꞌe̱ ma xikjin, kuyúre̱ nga kiju̱. 38Nga jichú niꞌyaꞌe Jairo̱, kubéxu nga kjínda ku kjíndaya xu̱ta̱ kju̱ ꞌñuxu sii inchatsiꞌin. 39Ku tsasꞌenxu niꞌya Jesuu̱ ku ku̱i̱cha kitsúre̱:
—Mí xá chikjíndájnu ku sii tjiñaꞌánjnu. Kꞌienjín tsakichi, kjifétse kua.
40Ku xu̱ta̱ tsijnúkie Jesuu̱. Ku kitsiꞌin manda nga itsjé ngieje xi tsuba̱ ngaya. Ku jaskan tsasꞌen jmá kjiꞌi tsakichi, tsasꞌeju̱n Namiꞌen kju̱ Naꞌen ku ján xu̱ta̱ xi kjibakuyáre̱ Jesuu̱. 41Skabé tsja tsakichi ku ku̱i̱cha kitsúre̱ nga én arameo̱ kitsichjen:
—¡Talitá, kum!
Ku̱i̱cha mejénre tsu: «Tsakichi, tisitjein.» 42Kui tsakichi, tejó nu tjínre, te̱ kui ura isitjen ku kuma kijí. Nga kube xu̱ta̱ tsakichi, tukua kumáre.
43Kitsiꞌin manda Jesuu̱ nga ngují xi ꞌmiyare xá xi kuma, ku kitsiꞌin manda nga nikjien tsakichi.
Atualmente Selecionado:
:
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
México © Sociedad Bíblica de México, A.C. AÑO