Seera Uumamaa 13
13
Abrahaamiif Loox Gargar Butachuu Isaanii
1Akkasitti Abraam biyya Gibxii keessaa ba'e; inni, haadha manaa isaa, waan qabu hundumaas fudhatee biyya gara mirgaatti ol in ba'e; Looxis isaa wajjin ol in ba'e. 2Abraam nama badhaadhaa, horii qe'ee, meetii, warqees baay'ee qabu ture. 3Innis biyya gara mirgaatii ka'ee hamma Bet'elitti adeemee, Bet'elii fi Aayi gidduu lafa dura dunkaana isaa dhaabbatee ture tokko in ga'e. 4Kunis lafa inni dura iddoo aarsaa itti hojjetee ture; achittis maqaa Waaqayyoo in waammate*.#4 12:8
5Loox inni Abraamii wajjin adeemes immoo bushaayee, saawwanii fi dunkaana kan ofii isaatii qaba ture. 6Qabeenyi isaanii guddaa waan baay'ateef, wal bira buufachuu isaan dadhabsiise; kanaafis walii wajjin jiraachuudhaaf lafichi isaan ga'uu hin dandeenye; 7yeroo sanatti Kana'aanonnii fi Pheriizonni biyya sana in jiraatu turan; warra horii Abraam tiksanii fi, warra horii Loox tiksan gidduutti qocollootu ture.
8Abraam yommus Looxiin,<<Nuyi waliif obboloota, kanaaf si'ii fi ana gidduutti, warra horii kee tiksanii fi warra horii koo tiksan gidduuttis qocolloon hin ta'in! 9Kunoo, lafichi guutummaan isaa si dura jira mitii ree>> Anattii gargar baafadhu! Ati gara harka bitaa yoo fudhatte, ani gara harka mirgaa nan dhaqa; ati gara harka mirgaa yoo fudhatte immoo, ani gara harka bitaa nan dhaqa>> jedhe. 10Loox gara harka olii ilaalee, dachaan Yordaanos bishaan ba'eessa akka qabu, hamma mandara Zo'aarittis akka lafa dhaabaa Waaqayyoo, akka biyya Gibxiis akka ture in arge; kunis utuu Waaqayyo mandaroota Sodoomii fi Gomoraa hin balleessin ture*. 11Akkasitti Loox dachaa Yordaanos hunduma isaa ofii isaatiif fo'atee, godoo isaa buqqifatee gara ba'a-biiftuutti in adeeme; isaanis akkasitti wal irraa gargar ba'an. 12Abraam biyya Kana'aan keessa taa'e; Loox garuu mandaroota dachaa Yordaanos gidduu taa'e; dunkaana isaas hamma mandara Sodoomitti achi butee dhaabbate. 13Namoonni Sodoom immoo jal'oota, cubbuu baay'eedhaanis Waaqayyoon kan yakkan turan*.#10 2:8-10 13 18:20; 19:4-9
Waaqayyo Abrahaamiif Abdii Kennuu Isaa
14Loox erga isa irraa gargar ba'ee booddee Waaqayyo Abraamiin,<<Ol jedhi, lafa amma jirtu kanaa gara bitaa, gara mirgaa, gara ba'a-biiftuu, gara lixa-biiftuus ilaali! 15Biyya ati argitu kana hundumaa ani kennaa bara baraa godhee siif, sanyii keetiifis nan kenna*. 16Ani sanyii kee akka biyyoo lafaa nan godha; namni biyyoo lafaa lakkaa'uu yoo danda'e, sanyiin kees akkasuma lakkaa'amuu in danda'a*; 17ani isa waanan siif kennuuf, ka'i, dheerina biyyichaa fi bal'ina isaa keessa adeemi!>> jedhe. 18Abraamis dunkaana isaa buqqifatee, gara mukkeetii qilxuu Mamree warra mandara Kebroonitti dhi'oo bira dhufee taa'e; achittis Waaqayyoof iddoo aarsaa ijaare*.#15 12:7; Gal 3:16 16 12:2; 28:14; Lak 23:10; 1Mot 4:20 18 14:13,24
Atualmente Selecionado:
Seera Uumamaa 13: MacQul
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
(C) The Bible Society of Ethiopia, 1997; OROMO LATIN BIBLE BSE-UBS 26M 2006.