Matayo 5
5
KWOLEKERERA KWA MW’IBANGA — EBILI N’OMUGISA.
1Yezu ka yabwene embaga y’abantu, nanegera mw’ibanga, naikara. 2Abahemba be nibamwizaho, nayasamya akanwa ke, nabolekerera ati: 3Abahabi mu mwoyo#5, 3 “Abahabi mu mwoyo” nibo abantu abatamalire amani g’emyoyo zabo mu bintu by’ensi, nk’abahango abakukozy’ebintu byabo kuzima, nzira bwekuza hamo bununu, nk’abakweguminsiriza mu buhabi obwo bali nabwo. bali n’omugisa, kuba obukama bwo mw’igulu ni bwabo. 4Abafura bali n’omugisa, kuba nibo balily’ensi#5, 4 Ensonga: baligenda mw’igulu, obusi bw’abatakatifu.. 5Abakulira bali n’omugisa, kuba balihumuzibwa. 6Abali n’enzala n’iliho ly’obutakatifu bali n’omugisa, kuba baligusibwa#5, 6 “Kuba n’enzala n’iliho ly’obutakatifu” ni kwegonga obutakatifu, kuhicha kuzima ebilagiro bya Mungu no kunazibwa kubera Wenene, nk’okw’obona omuntu arumirw’enzala hamo yayisirw’iliho, okw’akola nayanguhiriza, nanwa kuhika aigute.. 7Abali n’ekisa bali n’omugisa, kuba na bonene balibetirw’ekisa. 8Abali n’omutima guyezire bali n’omugisa, kuba nibo balibona Mungu. 9Abakwenda omulebo bali n’omugisa, kuba balyetwa bana ba Mungu. 10Abakunaranazibwa obuhikire bali n’omugisa, kuba obukama bwo mw’igulu ni bwabo. 11Muligira omugisa, ka balibazumiriza nibabanaranaza, nibababehereza amabi gona kuber’ine. 12Musemererwe nimwesime, kuba empera yanu eliba mpango mw’igulu. Nikwo banalize batyo abalagi, imwe mutakabere.
ENTUMWA NI MWONU N’OMULIRO GW’ENSI.
13Imwe muli mwonu gw’ensi#5, 13 Omwonu omulimo gwagwo ni kuzibira ebilyo kuzunda no kubinuzya. Mbe n’Entumwa za Yezu zili n’omulimo gwo kwelegya abantu ha biheno no kubahabura mu muhanda muzima, bahiche kusemereza Mungu.. Mbe omwonu gukayongoroka, gukusuba kukorezibwa na kiha? Tigukusuba kugasa kintu, guli no kunagwa hanza no kulibatirwa abantu. 14Imwe muli lumuli lw’ensi. Echaro ekiyombekirwe ha luguru lw’ibanga tikikwesereka; 15kai hona tibayacha olumuli bakalufundikira mu lugega, nawe baluta ahayerere, niho lumulikire abali mu nzu bona. 16Mbe nikwo n’olumuli lwanu luli no kumulika lutyo mu bantu, niho babone ebikorwa bizima byanu, nibakuza Iso wanu ali mw’igulu.
YEZU AKEZA KWINGANISYA EBILAGIRO.
17Mutachwa muti: nkeza kwihaho ebilagiro hamo abalagi; tinezire kubihaho, nawe kubihicha#5, 17 Ebilagiro ni bisomboro n’emiku ezo Mungu yaliga ahere Musa. Abalagi ni bantu abo Mungu yatumire kwolekerera no kulaga kwiza kw’Omuchunguzi. Mbe Yezu akeza kuhicha kimo emilago z’abalagi n’ebilagiro bya Mungu.. 18Koto, kuba nkubagambira nti: kuhika igulu n’ensi bihweho, iota emo#5, 18 “Iota” ni nuguta nke kukira ezindi zona mw’isoma ly’ekigereki. Mbe Yezu akwenda kugamba ati: Muleke kugaya ekilagiro n’ekimo, naho kili kinoro. hamo enuguta emo teliburaho mu bilagiro, kuhika byona bihike. 19Mbe alihaho mu bilagiro binu, naho kili kinoro, akolekerera atyo abantu, aliyetwa munoro mu bukama bwo mw’igulu. 20Kuba nkubagambira nti: Obuhikire bwanu ka bulibura kukana kukir’obw’Abandiki n’Abafarizayo, timulitaha mu ngoma yo mw’igulu#5, 20 Abandiki baliga bali n’omulimo gwo kusombora ebilagiro. Bengi muli bonene baliga bali n’ekihande kimo n’Abafarizayo..
EKILAGIRO CHA KATANU N’ECHO MUKAGA N’ECHO MWENDA. — KULAHIRA.
21Mukahulira okwo ab’era bagambirwe bati: Otaitaga; akwita ahikire kulamurwa. 22Nawe ine nkubagambira nti: Buli muntu wena akunigahalira owezabo, ahikire kulamurwa; kai akugambira owezabo ati: So! ahikire kusagarwa ha bakuru#5, 22 Nibw’obukobe bw’abakuru b’abasaserdoti n’Abandiki n’abagurusi.; kandi akugira ati: Musazi! ahikire kunagwa mu muliro#5, 22 Kugambira omuntu oti: Musazi! ni kizumi kihango.. 23Mbe okahereza omuherezo gwawe ha lutare, okezukiraho okw’owezanu ali n’ebiniga hal’iwe, 24sigaho omuherezo gwawe ha lutare, otandike kuza kugorozanya n’owezanu, niho oize ohereze omuherezo gwawe. 25Gorozanya bwangu n’omuhate wawe, k’okuba oli nage mu muhanda, omuhate ogwo atakusagara ha mulamuzi, kai omulamuzi akakuha abazuma, okasagarwa mw’ibohero. 26Koto nkukugambira nti: Tolirugamo otakalire kachapa ko kumaliza.
27Mukahulira okwo chagambirwe ab’era kiti: Otasihanaga. 28Nawe ine nkubagambira nti: Buli muntu akulora omukazi namuligira, yahenire nage mu mutima gwe. 29Eliso lyawe ly’obulyo likakuhenesya, olinonkoremo, olinage hara; ni kuzima oburweho ekihinzu kimo ch’engingo zawe, kukira engingo zawe zona kunagwa mu muliro ogutahwaho. 30Omukono gwawe gw’obulyo gukakwohereza kuhena, ogutemeho, ogunage hara; ni kuzima oburweho ekinzu kimo ch’engingo zawe, kukira engingo zawe zona kunagwa mu muliro ogutahwaho#5, 30 Hanu Yezu akutumanyisya kwiruka kimo ebikutuhenesya. Hakili kunaranara mu nsi kukira kubona obusasi bw’omuliro gwa bucha bucha.. 31Kandi kikagambwa kiti: Buli muntu akwanga omukazi we, amuhe olwandiko lw’obutagani. 32Nawe ine nkubagambira nti: Buli muntu wena akwanga omukazi we, etali nzuno y’obusihani, akumwendereza obukwate; kai akuswera changwa wena ali n’entambala y’obukwate#5, 32 Omukama wetu akulagira koto kuhich’ekilagiro cha kara ch’obuswezi: nikwo kuswera omukazi omo no kuswerwa omuseza omo, nzira kutagana kuhika kufwa..
33Kai hona mukahulira okwo ab’era bagambirwe bati: Otalahiraga eby’endimi; kandi ohikizega Omukama eby’obuka olahire. 34Nawe ine nkubagambira nti: Mutalahiraga n’akati, naho kuli ha bw’igulu, kuba niyo engoma ya Mungu; 35naho kuli ha bw’ensi, kuba nibw’obuhumuzo bw’amaguru ge; naho kuli ha bwa Yeruzalemu, obwo kili kikale ch’Omukama mukuru. 36Kai hona otalahiraga ha bw’omutwe gwawe, obw’otakuhicha kugira akasoke kamo hamo kakayera hamo kakeragura. 37Mbe ebigambo byanu bibe: yee, yee, pai, pai; nawe ebikukiraho hali ebyo bikuruga ha bubi.
KULEKA KUMAR’ENZIGU. — KWENDA ABAHATE.
38Mukahulira okwo bagambire bati: Eliso n’eliso, elino n’elino. 39Nawe ine nkubagambira nti: Otahagalikana n’omubi; nawe omuntu akakutera itama lyawe ly’obulyo, mutegere n’elindi. 40Kai omuntu akayenda kukusagara mu ntongana, akwake enkanzu yawe, nomuhe n’omugutu. 41Omuntu akakusiniriza kulibata nage ntambi kihumbi, iwe noyongereho ebihumbi bindi bibili. 42Ayakusabaga, wamuha; akwenda kuly’amasiri, waleka kumuteg’omugongo#5, 42 Mu ngani ezo Yezu akwenda kutwolekerera kuleka kwehora. Abahemba ba kimo ba Kristu bayendana nibasasirana nibakizanya entambala zabo..
43Mukahulira nibagira bati: Noyende owezanu, ohate omuhate wawe. 44Nawe ine nkubagambira nti: Nimwende abahate banu, mukolere kuzima ababahasire, musabire abakubanaranaza n’abakubabehereza, 45niho mube bana ba So wanu ali mw’igulu, akusohoreza izoba lye abazima n’ababi, nagwisiza enzula abarongire n’abatarongire. 46Kai mukayenda abakubayenda, mulibona muhero ki? Si n’abasoroza bona#5, 46 Abayahudi bagayaga abasoroza, nibabachubira muno: babalenganisyaga n’abasuma n’abesi b’abantu batyo. tibagira batyo? 47Mukabwacha abanu bonka, echo mwakizaho ni kiha? Si n’abasenzi bona tibagira batyo? 48Mbe imwe mube bahikire nk’okwo Iso wanu wo mw’igulu ahikire.
Atualmente Selecionado:
Matayo 5: KED1946
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
First published in 1946 by the White Fathers. Published online with the permission of the White Fathers.
Matayo 5
5
KWOLEKERERA KWA MW’IBANGA — EBILI N’OMUGISA.
1Yezu ka yabwene embaga y’abantu, nanegera mw’ibanga, naikara. 2Abahemba be nibamwizaho, nayasamya akanwa ke, nabolekerera ati: 3Abahabi mu mwoyo#5, 3 “Abahabi mu mwoyo” nibo abantu abatamalire amani g’emyoyo zabo mu bintu by’ensi, nk’abahango abakukozy’ebintu byabo kuzima, nzira bwekuza hamo bununu, nk’abakweguminsiriza mu buhabi obwo bali nabwo. bali n’omugisa, kuba obukama bwo mw’igulu ni bwabo. 4Abafura bali n’omugisa, kuba nibo balily’ensi#5, 4 Ensonga: baligenda mw’igulu, obusi bw’abatakatifu.. 5Abakulira bali n’omugisa, kuba balihumuzibwa. 6Abali n’enzala n’iliho ly’obutakatifu bali n’omugisa, kuba baligusibwa#5, 6 “Kuba n’enzala n’iliho ly’obutakatifu” ni kwegonga obutakatifu, kuhicha kuzima ebilagiro bya Mungu no kunazibwa kubera Wenene, nk’okw’obona omuntu arumirw’enzala hamo yayisirw’iliho, okw’akola nayanguhiriza, nanwa kuhika aigute.. 7Abali n’ekisa bali n’omugisa, kuba na bonene balibetirw’ekisa. 8Abali n’omutima guyezire bali n’omugisa, kuba nibo balibona Mungu. 9Abakwenda omulebo bali n’omugisa, kuba balyetwa bana ba Mungu. 10Abakunaranazibwa obuhikire bali n’omugisa, kuba obukama bwo mw’igulu ni bwabo. 11Muligira omugisa, ka balibazumiriza nibabanaranaza, nibababehereza amabi gona kuber’ine. 12Musemererwe nimwesime, kuba empera yanu eliba mpango mw’igulu. Nikwo banalize batyo abalagi, imwe mutakabere.
ENTUMWA NI MWONU N’OMULIRO GW’ENSI.
13Imwe muli mwonu gw’ensi#5, 13 Omwonu omulimo gwagwo ni kuzibira ebilyo kuzunda no kubinuzya. Mbe n’Entumwa za Yezu zili n’omulimo gwo kwelegya abantu ha biheno no kubahabura mu muhanda muzima, bahiche kusemereza Mungu.. Mbe omwonu gukayongoroka, gukusuba kukorezibwa na kiha? Tigukusuba kugasa kintu, guli no kunagwa hanza no kulibatirwa abantu. 14Imwe muli lumuli lw’ensi. Echaro ekiyombekirwe ha luguru lw’ibanga tikikwesereka; 15kai hona tibayacha olumuli bakalufundikira mu lugega, nawe baluta ahayerere, niho lumulikire abali mu nzu bona. 16Mbe nikwo n’olumuli lwanu luli no kumulika lutyo mu bantu, niho babone ebikorwa bizima byanu, nibakuza Iso wanu ali mw’igulu.
YEZU AKEZA KWINGANISYA EBILAGIRO.
17Mutachwa muti: nkeza kwihaho ebilagiro hamo abalagi; tinezire kubihaho, nawe kubihicha#5, 17 Ebilagiro ni bisomboro n’emiku ezo Mungu yaliga ahere Musa. Abalagi ni bantu abo Mungu yatumire kwolekerera no kulaga kwiza kw’Omuchunguzi. Mbe Yezu akeza kuhicha kimo emilago z’abalagi n’ebilagiro bya Mungu.. 18Koto, kuba nkubagambira nti: kuhika igulu n’ensi bihweho, iota emo#5, 18 “Iota” ni nuguta nke kukira ezindi zona mw’isoma ly’ekigereki. Mbe Yezu akwenda kugamba ati: Muleke kugaya ekilagiro n’ekimo, naho kili kinoro. hamo enuguta emo teliburaho mu bilagiro, kuhika byona bihike. 19Mbe alihaho mu bilagiro binu, naho kili kinoro, akolekerera atyo abantu, aliyetwa munoro mu bukama bwo mw’igulu. 20Kuba nkubagambira nti: Obuhikire bwanu ka bulibura kukana kukir’obw’Abandiki n’Abafarizayo, timulitaha mu ngoma yo mw’igulu#5, 20 Abandiki baliga bali n’omulimo gwo kusombora ebilagiro. Bengi muli bonene baliga bali n’ekihande kimo n’Abafarizayo..
EKILAGIRO CHA KATANU N’ECHO MUKAGA N’ECHO MWENDA. — KULAHIRA.
21Mukahulira okwo ab’era bagambirwe bati: Otaitaga; akwita ahikire kulamurwa. 22Nawe ine nkubagambira nti: Buli muntu wena akunigahalira owezabo, ahikire kulamurwa; kai akugambira owezabo ati: So! ahikire kusagarwa ha bakuru#5, 22 Nibw’obukobe bw’abakuru b’abasaserdoti n’Abandiki n’abagurusi.; kandi akugira ati: Musazi! ahikire kunagwa mu muliro#5, 22 Kugambira omuntu oti: Musazi! ni kizumi kihango.. 23Mbe okahereza omuherezo gwawe ha lutare, okezukiraho okw’owezanu ali n’ebiniga hal’iwe, 24sigaho omuherezo gwawe ha lutare, otandike kuza kugorozanya n’owezanu, niho oize ohereze omuherezo gwawe. 25Gorozanya bwangu n’omuhate wawe, k’okuba oli nage mu muhanda, omuhate ogwo atakusagara ha mulamuzi, kai omulamuzi akakuha abazuma, okasagarwa mw’ibohero. 26Koto nkukugambira nti: Tolirugamo otakalire kachapa ko kumaliza.
27Mukahulira okwo chagambirwe ab’era kiti: Otasihanaga. 28Nawe ine nkubagambira nti: Buli muntu akulora omukazi namuligira, yahenire nage mu mutima gwe. 29Eliso lyawe ly’obulyo likakuhenesya, olinonkoremo, olinage hara; ni kuzima oburweho ekihinzu kimo ch’engingo zawe, kukira engingo zawe zona kunagwa mu muliro ogutahwaho. 30Omukono gwawe gw’obulyo gukakwohereza kuhena, ogutemeho, ogunage hara; ni kuzima oburweho ekinzu kimo ch’engingo zawe, kukira engingo zawe zona kunagwa mu muliro ogutahwaho#5, 30 Hanu Yezu akutumanyisya kwiruka kimo ebikutuhenesya. Hakili kunaranara mu nsi kukira kubona obusasi bw’omuliro gwa bucha bucha.. 31Kandi kikagambwa kiti: Buli muntu akwanga omukazi we, amuhe olwandiko lw’obutagani. 32Nawe ine nkubagambira nti: Buli muntu wena akwanga omukazi we, etali nzuno y’obusihani, akumwendereza obukwate; kai akuswera changwa wena ali n’entambala y’obukwate#5, 32 Omukama wetu akulagira koto kuhich’ekilagiro cha kara ch’obuswezi: nikwo kuswera omukazi omo no kuswerwa omuseza omo, nzira kutagana kuhika kufwa..
33Kai hona mukahulira okwo ab’era bagambirwe bati: Otalahiraga eby’endimi; kandi ohikizega Omukama eby’obuka olahire. 34Nawe ine nkubagambira nti: Mutalahiraga n’akati, naho kuli ha bw’igulu, kuba niyo engoma ya Mungu; 35naho kuli ha bw’ensi, kuba nibw’obuhumuzo bw’amaguru ge; naho kuli ha bwa Yeruzalemu, obwo kili kikale ch’Omukama mukuru. 36Kai hona otalahiraga ha bw’omutwe gwawe, obw’otakuhicha kugira akasoke kamo hamo kakayera hamo kakeragura. 37Mbe ebigambo byanu bibe: yee, yee, pai, pai; nawe ebikukiraho hali ebyo bikuruga ha bubi.
KULEKA KUMAR’ENZIGU. — KWENDA ABAHATE.
38Mukahulira okwo bagambire bati: Eliso n’eliso, elino n’elino. 39Nawe ine nkubagambira nti: Otahagalikana n’omubi; nawe omuntu akakutera itama lyawe ly’obulyo, mutegere n’elindi. 40Kai omuntu akayenda kukusagara mu ntongana, akwake enkanzu yawe, nomuhe n’omugutu. 41Omuntu akakusiniriza kulibata nage ntambi kihumbi, iwe noyongereho ebihumbi bindi bibili. 42Ayakusabaga, wamuha; akwenda kuly’amasiri, waleka kumuteg’omugongo#5, 42 Mu ngani ezo Yezu akwenda kutwolekerera kuleka kwehora. Abahemba ba kimo ba Kristu bayendana nibasasirana nibakizanya entambala zabo..
43Mukahulira nibagira bati: Noyende owezanu, ohate omuhate wawe. 44Nawe ine nkubagambira nti: Nimwende abahate banu, mukolere kuzima ababahasire, musabire abakubanaranaza n’abakubabehereza, 45niho mube bana ba So wanu ali mw’igulu, akusohoreza izoba lye abazima n’ababi, nagwisiza enzula abarongire n’abatarongire. 46Kai mukayenda abakubayenda, mulibona muhero ki? Si n’abasoroza bona#5, 46 Abayahudi bagayaga abasoroza, nibabachubira muno: babalenganisyaga n’abasuma n’abesi b’abantu batyo. tibagira batyo? 47Mukabwacha abanu bonka, echo mwakizaho ni kiha? Si n’abasenzi bona tibagira batyo? 48Mbe imwe mube bahikire nk’okwo Iso wanu wo mw’igulu ahikire.
Atualmente Selecionado:
:
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
First published in 1946 by the White Fathers. Published online with the permission of the White Fathers.