Mataafa Uumata 4
4
Qa'eli isho Apeeli
1Sekkammaayye Attaami ka iskatteetase' xaadi Hewaani olli muke. Isheetta ka inna hitte ka xaayte ka kiite, “Yaahiwwe ana qaarqaare anka inna hama' xaaye” ka “Qa'eli” Kiite ka maxxa ishi' koote.
2Kamma'ew, kussitta Apeeli kidammo xaayte. Ete kukuttadeneeyye, Apeeli kaharra siksanni, Qa'eli ka dula qotanni. 3Kuyyaata takkaayye, Qa'eli ka unta a ferade oppaayye kalisoota Waaqa' dehayshe. 4Apeeli ka laahaddaappaayye a paayyota' dalade qeede ka qale ka hallaaka isho so'a paxaara Yaahiwwe' kalshe. Isha ka qinda Apeeli isho a kalisootaadi opa xasoode. 5Ma xoori qinda Qa'eli isho a kalisootaadi opa in xasoonne. Semmalla Qa'eli oori harmo'e miirode ka fuulaadi poornayshe. 6Yaahiwwe ka Qa'eli' kide, “maana malla' miirootte ka fuulaayti poornasse? 7Kadi' paxaarumta koonitta kiiteeyye, ke qara teyyatammi in heenne? Ma xoori oton paxaarumta a' kooni a' kinniniiyyi, juppoota akka nyaapa mina'e xarraaytippa' rabbita. Isheetta ke qara pira heentaay, atti isheetta puta ke parpaaccisnni.”
8Qa'eli ka innasene xaaysho Apeeli' kide, “Xooye ka kappina oppopa anna.” Ete kappina oppa kayeneeyye, Qa'eli kussittase' xaadi qara'e xa'e ka ishshe. #Maati 23:35; Luqa 11:51; Yoha 1ta 3:12; 4:10; Ip 12:24
9Yaahiwwe ka Qa'eli kaassade ka kide, “Innaassin Apeeli ayshaayye ca?” Isha ka oorshe ka kide, “Anti an upo! Hela anan tooytampayta innaanno'e?”
10Yaahiwwe ka ishi' kide, “Atta innassin koote? Diika innassina a nama' mina'e piiteela qindiyyo opa ullupni. 11Amma piitase diika innassina a' tuqte ika'e afa pante qara'e, a jiijame' koddita. 12Kadi' punu piita qottaayye, umma unta ke in palasso. Akka nama pora kallaata in qapnin ka pora takka' tawni in kinnin mina' koddita.”
13Qa'eli ka Yaahiwwe' oorshe ka kide, “Juppootiyyo ana qaropeela kittaay, haadeta an ettansho. 14Amma oori tooy piisse qara i''ana daanteey, keturan sekaada. Qootan pora kallaata an qapnin ka pora takka an tawnin malla, nama ana akko piisa ana ishsha.”
15Yaahiwwe ka ishi' kide, “Inna! nama ke in qappado. Nama ke ishsho haalota harka tappan qara qeeda.” Akka nama Qa'eli mina de'o isha in ikannini'i, Yaahiwwe ka milikkita isha quda' kode. 16Sekkammaayye Qa'eli ka oori Yaahiwwe kapa alle' sekaade ka aane ka Edeniiyyi qinda piirtotatin piita Noodi kidammitto' kuti'e. Noodi kideeta piita rarraatota' kideeta.
Sanynyeeta Qa'eli
17Qa'eli iskatteetaadi olliiyyi muke ikka inna hitte ka inna diirta' xaayte ka “Heenookki” ishi' kiite. Qa'eli ka paleeta qupade ka Heenookki kide ka maxxa innaadi ishi' kode. 18Heenookki ka Iraadi xaaye, Iraadi ka Mehuya'eli xaaye, Mehuya'eli ka Matusha'eli xaaye, Matusha'eli ka Laamehi xaaye. 19Laamehi iskatta lakki heme. Maxxa iskatteeta kuttati Adda ka a shakkati Seela. 20Adda ka Yaapaali xaayte, Yaapaali, Aappa opa orra horeeta siksanno ka tukkanna kela kallaannoti. 21Maxxa innaassoti Yupaali kidammi. Yupaali'iw, aappa opa kirpampaya kehayta ka a luuttota dawannooti. 22Seela inna Tupalqaayni kidamma'e xaayte, isha ka silpalla ka qashawwa tummi. Maxxa alawta Tupalqaayni, Na'ima.
23Laamehi ka iskattaadi' kide,
“Adda ka Seela! Me ana dakkaysadaay. Ha nama ana maaje ka ana doten ishshe.
24Semmalla, oto a Qa'eli ishsho qara haalota harka tappa qeedammittooyye,
nama ana ishsho haalota harka kunda tappa tappa qara qeedama.” #Maati 18:22
Seeti ka Heenoosi
25Attaami ka iskatteetaadi olli muke, ikka inna diirta' xaayte. Ka kiite, “Pakka Apeeli, a Qa'eli ishshe oppa'e Yaahiwwe ana ipde” ka “Seeti” kiite ka maxxa ishi' koote. 26Seeti ka inna xaaye ka maxxaadi “Henoosi” kide. Maxxa Yaahiwwe ka awsetiiyyi desa halaama paayye.
Atualmente Selecionado:
Mataafa Uumata 4: MaQu
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Mataafa Uumata 4
4
Qa'eli isho Apeeli
1Sekkammaayye Attaami ka iskatteetase' xaadi Hewaani olli muke. Isheetta ka inna hitte ka xaayte ka kiite, “Yaahiwwe ana qaarqaare anka inna hama' xaaye” ka “Qa'eli” Kiite ka maxxa ishi' koote.
2Kamma'ew, kussitta Apeeli kidammo xaayte. Ete kukuttadeneeyye, Apeeli kaharra siksanni, Qa'eli ka dula qotanni. 3Kuyyaata takkaayye, Qa'eli ka unta a ferade oppaayye kalisoota Waaqa' dehayshe. 4Apeeli ka laahaddaappaayye a paayyota' dalade qeede ka qale ka hallaaka isho so'a paxaara Yaahiwwe' kalshe. Isha ka qinda Apeeli isho a kalisootaadi opa xasoode. 5Ma xoori qinda Qa'eli isho a kalisootaadi opa in xasoonne. Semmalla Qa'eli oori harmo'e miirode ka fuulaadi poornayshe. 6Yaahiwwe ka Qa'eli' kide, “maana malla' miirootte ka fuulaayti poornasse? 7Kadi' paxaarumta koonitta kiiteeyye, ke qara teyyatammi in heenne? Ma xoori oton paxaarumta a' kooni a' kinniniiyyi, juppoota akka nyaapa mina'e xarraaytippa' rabbita. Isheetta ke qara pira heentaay, atti isheetta puta ke parpaaccisnni.”
8Qa'eli ka innasene xaaysho Apeeli' kide, “Xooye ka kappina oppopa anna.” Ete kappina oppa kayeneeyye, Qa'eli kussittase' xaadi qara'e xa'e ka ishshe. #Maati 23:35; Luqa 11:51; Yoha 1ta 3:12; 4:10; Ip 12:24
9Yaahiwwe ka Qa'eli kaassade ka kide, “Innaassin Apeeli ayshaayye ca?” Isha ka oorshe ka kide, “Anti an upo! Hela anan tooytampayta innaanno'e?”
10Yaahiwwe ka ishi' kide, “Atta innassin koote? Diika innassina a nama' mina'e piiteela qindiyyo opa ullupni. 11Amma piitase diika innassina a' tuqte ika'e afa pante qara'e, a jiijame' koddita. 12Kadi' punu piita qottaayye, umma unta ke in palasso. Akka nama pora kallaata in qapnin ka pora takka' tawni in kinnin mina' koddita.”
13Qa'eli ka Yaahiwwe' oorshe ka kide, “Juppootiyyo ana qaropeela kittaay, haadeta an ettansho. 14Amma oori tooy piisse qara i''ana daanteey, keturan sekaada. Qootan pora kallaata an qapnin ka pora takka an tawnin malla, nama ana akko piisa ana ishsha.”
15Yaahiwwe ka ishi' kide, “Inna! nama ke in qappado. Nama ke ishsho haalota harka tappan qara qeeda.” Akka nama Qa'eli mina de'o isha in ikannini'i, Yaahiwwe ka milikkita isha quda' kode. 16Sekkammaayye Qa'eli ka oori Yaahiwwe kapa alle' sekaade ka aane ka Edeniiyyi qinda piirtotatin piita Noodi kidammitto' kuti'e. Noodi kideeta piita rarraatota' kideeta.
Sanynyeeta Qa'eli
17Qa'eli iskatteetaadi olliiyyi muke ikka inna hitte ka inna diirta' xaayte ka “Heenookki” ishi' kiite. Qa'eli ka paleeta qupade ka Heenookki kide ka maxxa innaadi ishi' kode. 18Heenookki ka Iraadi xaaye, Iraadi ka Mehuya'eli xaaye, Mehuya'eli ka Matusha'eli xaaye, Matusha'eli ka Laamehi xaaye. 19Laamehi iskatta lakki heme. Maxxa iskatteeta kuttati Adda ka a shakkati Seela. 20Adda ka Yaapaali xaayte, Yaapaali, Aappa opa orra horeeta siksanno ka tukkanna kela kallaannoti. 21Maxxa innaassoti Yupaali kidammi. Yupaali'iw, aappa opa kirpampaya kehayta ka a luuttota dawannooti. 22Seela inna Tupalqaayni kidamma'e xaayte, isha ka silpalla ka qashawwa tummi. Maxxa alawta Tupalqaayni, Na'ima.
23Laamehi ka iskattaadi' kide,
“Adda ka Seela! Me ana dakkaysadaay. Ha nama ana maaje ka ana doten ishshe.
24Semmalla, oto a Qa'eli ishsho qara haalota harka tappa qeedammittooyye,
nama ana ishsho haalota harka kunda tappa tappa qara qeedama.” #Maati 18:22
Seeti ka Heenoosi
25Attaami ka iskatteetaadi olli muke, ikka inna diirta' xaayte. Ka kiite, “Pakka Apeeli, a Qa'eli ishshe oppa'e Yaahiwwe ana ipde” ka “Seeti” kiite ka maxxa ishi' koote. 26Seeti ka inna xaaye ka maxxaadi “Henoosi” kide. Maxxa Yaahiwwe ka awsetiiyyi desa halaama paayye.
Atualmente Selecionado:
:
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login