LUKAS 16
16
Ɓǝ kikiŋ dǝɓ yeɓ ma bai goŋga
1Yesu faa nyi za syee mor ahe: Pa joŋ maki ah no ne dǝɓ yeɓɓe, za gin cen dǝɓ yeɓ ah wol ah mor a ɓeɓ lak ahe. 2Dǝɓlii yeɓ ɗii dǝɓ yeɓ ah faa nyi ko: Ɓǝ fẽe ye me laa tǝ ɓo sye ne? Mo kee zah fan mai me soɓ ɓo jol ɓo daŋ nyi me, amo laŋ mo ka joŋ yeɓ ɓe yao. 3So dǝɓ yeɓ tǝŋ faa pǝ zahzyil ahe: Dǝɓlii yeɓ ɓe ga nĩi me tǝ yeɓ ah ga lal o, ko me ga joŋ ɗǝne? Ame ka pǝswah ka pǝpǝǝ ya, so swãa syea fan laŋ a ren me. 4Ge lwaa ɓǝ foo ah pǝ zahzyil faa: Yawah, me tǝ fan mai me ga joŋ gur ɓe, mo nǝǝra me tǝ yeɓ ge lal ɓe, za ki ga nyiŋra me yaŋ ɓǝǝra.
5So ɗii za mai mo woora val fan dǝɓlii ah ɓo vaŋno vaŋno daŋ. Faa nyi dǝɓ ma gin kǝpel: Mo ɓaŋ val fan dǝɓlii ɓe ɓo kǝɗǝne? 6Zyii faa: Me ɓaŋ val tǝgul nǝm tǝbaakãm ɓo temere vaŋno. Dǝɓ yeɓ faa nyi ko: Mo kaa ge sǝŋ gwari mo ŋwǝǝ jemma dappe ne ko. 7So faa nyi dǝɓ maki ahe: Ma ɓo kǝɗǝne? Zyii faa: Me woo sak sor ɓo temere dappe. Dǝɓ yeɓ faa nyi ko: Mo ŋwǝǝ temere nai. 8Dǝɓlii dǝɓ yeɓ sãa dǝɓ yeɓ ah ma bai goŋga mai mor joŋ fan ɓo ne yella. Mor fan joŋ wee za sǝr mai moo joŋra wo ki ne yella kal mǝ za cokfãi ɓe.
9Yesu so faa: Me tǝ faa nyi we: We joŋ bai ne lak ma wo sǝr maino. Ne cok we ga woŋ ki ne lak ah ɓe, a ga nyiŋra we yaŋ ma ga lii. 10Dǝɓ mo joŋ fan sãh ne fan matǝ biŋ ah ɓe, a joŋ fan sãh ne fan malii ah ta. Dǝɓ mo ka joŋ fan sãh ne fan matǝ biŋ ya ɓe, ka ga joŋ fan masãh ne fan malii ya ta. 11We joŋ fan sãh ne lak ɓii ma wo sǝr mai ya ɓe, azu ye ga soɓ joŋ matǝ goŋga ah jol ɓii ne? 12So we ka gak joŋ pǝsãh ne fan za ki ya ɓe, azu ye ga nyi fan ma syak ɓii nyi we ne?
13Dǝɓ vaŋno ka gak syee mor goŋ gwa ya, a syiŋ maki ah vaŋno, a ga 'yah maki ahe, a ga mgbãa dǝɓ maki ah vaŋno, a ga syẽa maki ahe. We ka gak syee mor Masǝŋ tǝkine lak gwa daŋ ya.#Mt 6:24
Yesu faa ɓǝ camcam
(Mt 11:12-13; 5:31-32; Mk 10:11-12)
14Farisien laara ɓǝ mai Yesu mo faa daŋ so syakra ko, mor a 'yahra lakre. 15Yesu faa nyi ra: Awe ye za mai wee joŋ suu ɓii njaŋ pel zana, amma Masǝŋ tǝ zahzyil ɓii ɓe. Fan mai za moo kwan pǝyǝk nahnǝn ɓǝǝ Masǝŋ kwan mǝ ah pǝɓe'.
16Daga cok zah'nan ɓǝ lai Mosus tǝkine zah'nan profetoen daŋ ŋhaa ge dai zah'nan Yohana ma joŋ baptisma, Ɓǝ'nyah Goŋ Masǝŋ tǝ cuuni, koo zune daŋ tǝ kyeɓ ka dan gŋ ne swahe.#Mt 11:12-13 17Amma sǝŋ ne sǝr a gak vǝr gwari kal ɓǝ malaŋ ah mo pǝ ɓǝ lai Masǝŋ.#Mt 5:18
18Koo zune mo syel mawin ah mo so ɓaŋ maki ah kan ɓe, ka joŋ ɓǝǝ ɓo. So dǝɓ mo ɓaŋ mawin mai wor ah mo syel ki ɓo ne ki kan ɓe, ka joŋ ɓǝǝ ɓo ta.#Mt 5:32; 1 Kor 7:10-11
Pa joŋ ne Laazurus
19Pa joŋ maki ah no, a ɓaa mbǝro marwãh mai moo lee pǝgaɓɓe, a ren farel 'nyah zah'nan daŋ, a laa suu ah pǝ'nyahre. 20Pa syak ki no a ɗii ne Laazurus, suu ah daŋ cee nwãh ɓo, a gin swan zahfah yaŋ pa joŋne. 21A 'yah zye wol suu 'min ne farel mai moo 'mǝr zah taabǝl pa joŋ gin sǝŋ, so goo gin lǝǝ nwãh ahe.
22Pa syak ge wuu, angeloi ɓaŋra ko ge wo Abraham coksǝŋ ne ko. Pa joŋ laŋ ge wǝ ta, so ciira ko. 23Pa joŋ tǝŋ laa bone pǝ cok za wul mo gŋ, ɓaŋ nahnǝn kwo Abraham ge pǝɗǝk a ne Laazurus mai mo wol ahe. 24So ɓyaŋ ɓǝ faa: Daddǝ Abraham, mo kwo syak tǝ ɓe, mo pee Laazurus ka maa tǝwee jol ah ga pǝ bii ka ramko tǝrĩi nyi me ne sa, mor me tǝ laa bone pǝ wii mai pǝlli.
25Amma Abraham faa: We ɓe, mo ẽe ɗǝ, ne cok mo yea wo sǝr ne cee ɓo, mo lwaa zah fan ɓo daŋ, Laazurus laa mǝ ah bone pǝlli, amma tǝ wuura zahzyil nyi ko ne ɓǝ 'nyah zǝzǝ̃ǝko, so ma ɓo mo tǝ laa bone o. 26So faɗa, el maɗǝk tǝ ɓoroo no kǝsyil ɓuu ne we, pǝ cok mai mo gŋ dǝɓ mo tǝ 'yah ka ga wo ɓii ɓe, ka gak ya, so dǝɓ ka gak ur wo ɓii ka gin wo ɓuu laŋ ya ta. 27Pa joŋ faa: Me tǝ pǝǝ mo Daddǝ Abraham, mo pee Laazurus ge yaŋ pa ɓe. 28Me no ne wee ma ɓe dappe, mo hǝǝ ge faa nyi ra ka mo gera pǝ cok bone mai ka.
29Abraham zyii faa: Wee ma ɓo tǝ laara ɓǝ lai Mosus tǝkine ɓǝ faa profetoen daŋ, a gak lai ra, a laara ɓǝ faa ɓǝǝ ba. 30Pa joŋ zyii faa: Daddǝ Abraham, ɓǝ mai ka kii ya, amma dǝɓ ma ur pǝ wul mo ge wo ɓǝǝ ɓe, a ga toora bii. 31Amma Abraham zyii zah ah faa: Mo zyii laara ɓǝ faa Mosus tǝkine profetoen ya ɓe, koo dǝɓ ma ur pǝ wul mo ge wo ɓǝǝ laŋ, ka zyii toora bii ya.
Atualmente Selecionado:
LUKAS 16: MUAR
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Bible Moundang © Alliance Biblique du Tchad, 1996.
LUKAS 16
16
Ɓǝ kikiŋ dǝɓ yeɓ ma bai goŋga
1Yesu faa nyi za syee mor ahe: Pa joŋ maki ah no ne dǝɓ yeɓɓe, za gin cen dǝɓ yeɓ ah wol ah mor a ɓeɓ lak ahe. 2Dǝɓlii yeɓ ɗii dǝɓ yeɓ ah faa nyi ko: Ɓǝ fẽe ye me laa tǝ ɓo sye ne? Mo kee zah fan mai me soɓ ɓo jol ɓo daŋ nyi me, amo laŋ mo ka joŋ yeɓ ɓe yao. 3So dǝɓ yeɓ tǝŋ faa pǝ zahzyil ahe: Dǝɓlii yeɓ ɓe ga nĩi me tǝ yeɓ ah ga lal o, ko me ga joŋ ɗǝne? Ame ka pǝswah ka pǝpǝǝ ya, so swãa syea fan laŋ a ren me. 4Ge lwaa ɓǝ foo ah pǝ zahzyil faa: Yawah, me tǝ fan mai me ga joŋ gur ɓe, mo nǝǝra me tǝ yeɓ ge lal ɓe, za ki ga nyiŋra me yaŋ ɓǝǝra.
5So ɗii za mai mo woora val fan dǝɓlii ah ɓo vaŋno vaŋno daŋ. Faa nyi dǝɓ ma gin kǝpel: Mo ɓaŋ val fan dǝɓlii ɓe ɓo kǝɗǝne? 6Zyii faa: Me ɓaŋ val tǝgul nǝm tǝbaakãm ɓo temere vaŋno. Dǝɓ yeɓ faa nyi ko: Mo kaa ge sǝŋ gwari mo ŋwǝǝ jemma dappe ne ko. 7So faa nyi dǝɓ maki ahe: Ma ɓo kǝɗǝne? Zyii faa: Me woo sak sor ɓo temere dappe. Dǝɓ yeɓ faa nyi ko: Mo ŋwǝǝ temere nai. 8Dǝɓlii dǝɓ yeɓ sãa dǝɓ yeɓ ah ma bai goŋga mai mor joŋ fan ɓo ne yella. Mor fan joŋ wee za sǝr mai moo joŋra wo ki ne yella kal mǝ za cokfãi ɓe.
9Yesu so faa: Me tǝ faa nyi we: We joŋ bai ne lak ma wo sǝr maino. Ne cok we ga woŋ ki ne lak ah ɓe, a ga nyiŋra we yaŋ ma ga lii. 10Dǝɓ mo joŋ fan sãh ne fan matǝ biŋ ah ɓe, a joŋ fan sãh ne fan malii ah ta. Dǝɓ mo ka joŋ fan sãh ne fan matǝ biŋ ya ɓe, ka ga joŋ fan masãh ne fan malii ya ta. 11We joŋ fan sãh ne lak ɓii ma wo sǝr mai ya ɓe, azu ye ga soɓ joŋ matǝ goŋga ah jol ɓii ne? 12So we ka gak joŋ pǝsãh ne fan za ki ya ɓe, azu ye ga nyi fan ma syak ɓii nyi we ne?
13Dǝɓ vaŋno ka gak syee mor goŋ gwa ya, a syiŋ maki ah vaŋno, a ga 'yah maki ahe, a ga mgbãa dǝɓ maki ah vaŋno, a ga syẽa maki ahe. We ka gak syee mor Masǝŋ tǝkine lak gwa daŋ ya.#Mt 6:24
Yesu faa ɓǝ camcam
(Mt 11:12-13; 5:31-32; Mk 10:11-12)
14Farisien laara ɓǝ mai Yesu mo faa daŋ so syakra ko, mor a 'yahra lakre. 15Yesu faa nyi ra: Awe ye za mai wee joŋ suu ɓii njaŋ pel zana, amma Masǝŋ tǝ zahzyil ɓii ɓe. Fan mai za moo kwan pǝyǝk nahnǝn ɓǝǝ Masǝŋ kwan mǝ ah pǝɓe'.
16Daga cok zah'nan ɓǝ lai Mosus tǝkine zah'nan profetoen daŋ ŋhaa ge dai zah'nan Yohana ma joŋ baptisma, Ɓǝ'nyah Goŋ Masǝŋ tǝ cuuni, koo zune daŋ tǝ kyeɓ ka dan gŋ ne swahe.#Mt 11:12-13 17Amma sǝŋ ne sǝr a gak vǝr gwari kal ɓǝ malaŋ ah mo pǝ ɓǝ lai Masǝŋ.#Mt 5:18
18Koo zune mo syel mawin ah mo so ɓaŋ maki ah kan ɓe, ka joŋ ɓǝǝ ɓo. So dǝɓ mo ɓaŋ mawin mai wor ah mo syel ki ɓo ne ki kan ɓe, ka joŋ ɓǝǝ ɓo ta.#Mt 5:32; 1 Kor 7:10-11
Pa joŋ ne Laazurus
19Pa joŋ maki ah no, a ɓaa mbǝro marwãh mai moo lee pǝgaɓɓe, a ren farel 'nyah zah'nan daŋ, a laa suu ah pǝ'nyahre. 20Pa syak ki no a ɗii ne Laazurus, suu ah daŋ cee nwãh ɓo, a gin swan zahfah yaŋ pa joŋne. 21A 'yah zye wol suu 'min ne farel mai moo 'mǝr zah taabǝl pa joŋ gin sǝŋ, so goo gin lǝǝ nwãh ahe.
22Pa syak ge wuu, angeloi ɓaŋra ko ge wo Abraham coksǝŋ ne ko. Pa joŋ laŋ ge wǝ ta, so ciira ko. 23Pa joŋ tǝŋ laa bone pǝ cok za wul mo gŋ, ɓaŋ nahnǝn kwo Abraham ge pǝɗǝk a ne Laazurus mai mo wol ahe. 24So ɓyaŋ ɓǝ faa: Daddǝ Abraham, mo kwo syak tǝ ɓe, mo pee Laazurus ka maa tǝwee jol ah ga pǝ bii ka ramko tǝrĩi nyi me ne sa, mor me tǝ laa bone pǝ wii mai pǝlli.
25Amma Abraham faa: We ɓe, mo ẽe ɗǝ, ne cok mo yea wo sǝr ne cee ɓo, mo lwaa zah fan ɓo daŋ, Laazurus laa mǝ ah bone pǝlli, amma tǝ wuura zahzyil nyi ko ne ɓǝ 'nyah zǝzǝ̃ǝko, so ma ɓo mo tǝ laa bone o. 26So faɗa, el maɗǝk tǝ ɓoroo no kǝsyil ɓuu ne we, pǝ cok mai mo gŋ dǝɓ mo tǝ 'yah ka ga wo ɓii ɓe, ka gak ya, so dǝɓ ka gak ur wo ɓii ka gin wo ɓuu laŋ ya ta. 27Pa joŋ faa: Me tǝ pǝǝ mo Daddǝ Abraham, mo pee Laazurus ge yaŋ pa ɓe. 28Me no ne wee ma ɓe dappe, mo hǝǝ ge faa nyi ra ka mo gera pǝ cok bone mai ka.
29Abraham zyii faa: Wee ma ɓo tǝ laara ɓǝ lai Mosus tǝkine ɓǝ faa profetoen daŋ, a gak lai ra, a laara ɓǝ faa ɓǝǝ ba. 30Pa joŋ zyii faa: Daddǝ Abraham, ɓǝ mai ka kii ya, amma dǝɓ ma ur pǝ wul mo ge wo ɓǝǝ ɓe, a ga toora bii. 31Amma Abraham zyii zah ah faa: Mo zyii laara ɓǝ faa Mosus tǝkine profetoen ya ɓe, koo dǝɓ ma ur pǝ wul mo ge wo ɓǝǝ laŋ, ka zyii toora bii ya.
Atualmente Selecionado:
:
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Bible Moundang © Alliance Biblique du Tchad, 1996.