ထာဝရရှင်သန်ခြင်းလမ်းSample

အမှားအယွင်းမရှိသော သမ္မာကျမ်းစာထဲတွင် ဖော်ပြထားသော ထာဝရဘုရားဆိုသည်မှာ -

၁။ ဖန်ဆင်းသောဘုရား

က၊ ၁း၁။ အစအဦး၌ ဘုရားသခင်သည် ကောင်းကင်နှင့် မြေကြီးကို ဖန်ဆင်းတော်မူ၏။

၂။ နာမ်ဝိညာဉ်ဘုရား

ယော၊ ၄း၂၄။ ဘုရားသခင်သည် နာမ်ဝိညာဉ် ဖြစ်တော်မူ၏။ ဘုရားသခင်ကို ကိုးကွယ်သောသူတို့သည်၊ နာမ်ဝိညာဉ်နှင့်လည်းကောင်း၊ သစ္စာနှင့်လည်းကောင်း ကိုးကွယ်ရမည်ဟု မိန့်တော်မူ၏။

၃။ အရာခပ်သိမ်းကို သိလျက်၊ တစ်နေရာတည်း၊ တစ်ချိန်တည်းမှာ ရှိသောဘုရား (သဗ္ဗညုတ)

ဟေရှာ၊ ၆၆း၁-၂။ ထာဝရဘုရား မိန့်တော်မူသည်ကား၊ ကောင်းကင်ဘုံသည် ငါ့ပလ္လင် ဖြစ်၏။ မြေကြီးသည် ငါ့ခြေတင်ရာခုံ ဖြစ်၏။ အဘယ်သို့သောဗိမာန်ကို ငါ့အဖို့ တည်ဆောက်ကြမည်နည်း။ အဘယ်အရပ်သည် ငါကျိန်းဝပ်ရာအရပ် ဖြစ်မည်နည်း။ ဤအရာအလုံးစုံတို့သည် ငါ့ကိုယ်တိုင် ဖန်ဆင်းသောကြောင့် ဖြစ်ကြ၏။ စိတ်နှိမ့်ချခြင်း၊ နှလုံးကြေကွဲခြင်း၊ ငါ့စကားကြောင့် တုန်လှုပ်ခြင်းရှိသောသူကိုသာ ငါကြည့်ရှုမည်။

၄။ သန့်ရှင်းဖြောင့်မတ်၍ သစ္စာရှိလျက် တရားမျှတသောဘုရား

တရား၊ ၃၂း၄။ ဘုရားသခင်သည် မူလအမြစ် ဖြစ်၍၊ အမှုတော်သည် စုံလင်ပေ၏။ စီရင်တော်မူသမျှတို့သည် တရားနှင့်ညီလျက်၊ သစ္စာစောင့်သောဘုရား၊ အပြစ်ကင်းလွတ်၍ ဟုတ်မှန်ဖြောင့်မတ်သောဘုရား ဖြစ်တော်မူ၏။

၅။ အစဉ်ထာဝရတည်မြဲလျက် ချစ်ခြင်းမေတ္တာဖြစ်သောဘုရား

ဆာ၊ ၉ဝး၂။ တောင်များကို မဖော်၊ မြေကြီးနှင့် လောကဓာတ်ကို ဖန်ဆင်းတော်မမူမီ၊ ကိုယ်တော်သည် ရှေးကမ္ဘာအဆက်ဆက်မှစ၍၊ နောက်ကမ္ဘာအဆက်ဆက်တိုင်အောင် ဘုရားသခင် ဖြစ်တော်မူ၏။

၁ယော၊ ၄း၈။ ချစ်ခြင်းမရှိသောသူသည် ဘုရားသခင်ကို မသိ။ အကြောင်းမူကား၊ ဘုရားသခင်သည် ချစ်ခြင်းမေတ္တာ ဖြစ်တော်မူ၏။