Pennsylvania Dutch Bible

<div class="version vid1455 iso6393pdc" data-vid="1455" data-iso6393="pdc">
   <div class="book bkJHN">
      <div class="chapter ch10" data-usfm="JHN.10">
         <div class="label">10</div><div class="cl"><span class="heading">Es 10. Gabiddel.</span></div><div class="s1"><span class="heading">Da Goot Shohf-Heedah</span></div><div class="p"><span class="content">  </span><span class="verse v1" data-usfm="JHN.10.1"><span class="label">1</span><span class="content">&#8220;Voahlich, voahlich, ich sawk eich, deah vo nett in da shohf-shtall nei gayt deich di deah, avvah graddeld nei deich en anrah vayk, sellah mann is en deeb un en rawvah.</span></span></div><div class="p"><span class="verse v1" data-usfm="JHN.10.1"><span class="content">  </span></span><span class="verse v2" data-usfm="JHN.10.2"><span class="label">2</span><span class="content">Avvah deah vo nei gayt deich di deah is da shohf-heedah.</span></span></div><div class="p"><span class="verse v2" data-usfm="JHN.10.2"><span class="content">  </span></span><span class="verse v3" data-usfm="JHN.10.3"><span class="label">3</span><span class="content">Zu eem macht da deah-heedah di deah uf, un da shohf-heedah rooft sei shohf raus bei iahra nohma. Si heahra sei shtimm un eah fiaht si naus.</span></span></div><div class="p"><span class="verse v3" data-usfm="JHN.10.3"><span class="content">  </span></span><span class="verse v4" data-usfm="JHN.10.4"><span class="label">4</span><span class="content">Vann eah moll awl sei aykni raus gebrocht hott, gayt eah fannich eena heah, un di shohf gayn eem nohch veil si sei shtimm kenna.</span></span></div><div class="p"><span class="verse v4" data-usfm="JHN.10.4"><span class="content">  </span></span><span class="verse v5" data-usfm="JHN.10.5"><span class="label">5</span><span class="content">Si doon nett en fremdah mann nohch kumma, avvah si shpringa vekk funn eem, veil si di fremda iahra shtimm nett kenna.&#8221;</span></span></div><div class="p"><span class="verse v5" data-usfm="JHN.10.5"><span class="content">  </span></span><span class="verse v6" data-usfm="JHN.10.6"><span class="label">6</span><span class="content">Jesus hott dess gleichnis gevva zu eena, avvah si henn nett fashtanna vass eah gmaynd hott dibei.</span></span></div><div class="p"><span class="verse v6" data-usfm="JHN.10.6"><span class="content">  </span></span><span class="verse v7" data-usfm="JHN.10.7"><span class="label">7</span><span class="content">So hott Jesus viddah ksawt zu eena, &#8220;Voahlich, voahlich, ich sawk eich, ich binn di deah fa di shohf.</span></span></div><div class="p"><span class="verse v7" data-usfm="JHN.10.7"><span class="content">  </span></span><span class="verse v8" data-usfm="JHN.10.8"><span class="label">8</span><span class="content">Awl dee vo fannich miah heah ganga sinn, voahra deeb un rawvah, avvah di shohf henn eena nett keicht.</span></span></div><div class="p"><span class="verse v8" data-usfm="JHN.10.8"><span class="content">  </span></span><span class="verse v9" data-usfm="JHN.10.9"><span class="label">9</span><span class="content">Ich binn di deah; veah-evvah es nei gayt deich mich vatt saylich. Eah gayt nei un raus un find vayt.</span></span></div><div class="p"><span class="verse v9" data-usfm="JHN.10.9"><span class="content">  </span></span><span class="verse v10" data-usfm="JHN.10.10"><span class="label">10</span><span class="content">Da deeb kumd yusht fa shtayla, doht macha un fadauva. Ich binn kumma es si layva havva kenna, un es si en foll layva havva kenna.</span></span></div><div class="p"><span class="verse v10" data-usfm="JHN.10.10"><span class="content">  </span></span><span class="verse v11" data-usfm="JHN.10.11"><span class="label">11</span><span class="content">Ich binn da goot shohf-heedah. Da goot shohf-heedah gebt sei layva fa di shohf.</span></span></div><div class="p"><span class="verse v11" data-usfm="JHN.10.11"><span class="content">  </span></span><span class="verse v12" data-usfm="JHN.10.12"><span class="label">12</span><span class="content">Deah vo yusht gedunga is, is nett da shohf-heedah vo di shohf aykend. So vann eah da volf saynd kumma, falost eah di shohf un shpringd fatt. No graebt da volf di shohf un dreibt si ausnannah.</span></span></div><div class="p"><span class="verse v12" data-usfm="JHN.10.12"><span class="content">  </span></span><span class="verse v13" data-usfm="JHN.10.13"><span class="label">13</span><span class="content">Da gnecht shpringd fatt veil eah yusht en gnecht is un gebt nix um di shohf.</span></span></div><div class="p"><span class="verse v13" data-usfm="JHN.10.13"><span class="content">  </span></span><span class="verse v14" data-usfm="JHN.10.14"><span class="label">14</span><span class="content">Ich binn da goot shohf-heedah. Ich kenn dee vo mei sinn, un si kenna mich,</span></span></div><div class="p"><span class="verse v14" data-usfm="JHN.10.14"><span class="content">  </span></span><span class="verse v15" data-usfm="JHN.10.15"><span class="label">15</span><span class="content">yusht vi da Faddah mich kend, un ich da Faddah kenn. Un ich gebb mei layva fa di shohf.</span></span></div><div class="p"><span class="verse v15" data-usfm="JHN.10.15"><span class="content">  </span></span><span class="verse v16" data-usfm="JHN.10.16"><span class="label">16</span><span class="content">Ich habb anri shohf es nett funn demm shohf-shtall sinn. Ich muss si aw bringa. Si zayla miah abheicha, un's zayld ay drubb sei un ay shohf-heedah.</span></span></div><div class="p"><span class="verse v16" data-usfm="JHN.10.16"><span class="content">  </span></span><span class="verse v17" data-usfm="JHN.10.17"><span class="label">17</span><span class="content">Fasell dutt da Faddah mich leeva; veil ich mei layva gebb so es ich's viddah nemma kann.</span></span></div><div class="p"><span class="verse v17" data-usfm="JHN.10.17"><span class="content">  </span></span><span class="verse v18" data-usfm="JHN.10.18"><span class="label">18</span><span class="content">Nimmand nemd mei layva funn miah, avvah ich gebb's funn miah selvaht. Ich habb macht fa's gevva, un ich habb macht fa's viddah nemma. Dess gebott havvich grikt funn meim Faddah.&#8221;</span></span></div><div class="p"><span class="verse v18" data-usfm="JHN.10.18"><span class="content">  </span></span><span class="verse v19" data-usfm="JHN.10.19"><span class="label">19</span><span class="content">Di Yudda voahra viddah unaynich ivvah dee vadda.</span></span></div><div class="p"><span class="verse v19" data-usfm="JHN.10.19"><span class="content">  </span></span><span class="verse v20" data-usfm="JHN.10.20"><span class="label">20</span><span class="content">Feel funna henn ksawt, &#8220;Eah hott en baysah geisht un is aus em kobb. Favass heichet diah een ab?&#8221;</span></span></div><div class="p"><span class="verse v20" data-usfm="JHN.10.20"><span class="content">  </span></span><span class="verse v21" data-usfm="JHN.10.21"><span class="label">21</span><span class="content">Anri henn ksawt, &#8220;Dess sinn nett di vadda funn ebbah es en baysah geisht hott. Kann en baysah geisht di awwa funn di blinda uf macha?&#8221;</span></span></div><div class="s1"><span class="heading">Di Unglawvichi Yudda</span></div><div class="p"><span class="verse v21" data-usfm="JHN.10.21"><span class="content">  </span></span><span class="verse v22" data-usfm="JHN.10.22"><span class="label">22</span><span class="content">Es voah deich di zeit fumm tempel-fesht an Jerusalem im vindah,</span></span></div><div class="p"><span class="verse v22" data-usfm="JHN.10.22"><span class="content">  </span></span><span class="verse v23" data-usfm="JHN.10.23"><span class="label">23</span><span class="content">un Jesus voah am lawfa uf em Solomon sei poahtsh im tempel.</span></span></div><div class="p"><span class="verse v23" data-usfm="JHN.10.23"><span class="content">  </span></span><span class="verse v24" data-usfm="JHN.10.24"><span class="label">24</span><span class="content">No henn di Yudda sich fasammeld um een rumm, un henn ksawt zu eem, &#8220;Vi lang haldsht du uns im dunkla? Vann du Christus bisht, sawk uns grawt raus.&#8221;</span></span></div><div class="p"><span class="verse v24" data-usfm="JHN.10.24"><span class="content">  </span></span><span class="verse v25" data-usfm="JHN.10.25"><span class="label">25</span><span class="content">Jesus hott ksawt zu eena, &#8220;Ich habb eich's ksawt, un diah glawvet miah's nett. Di sacha es ich du in meim Faddah sei nohma gevva zeiya funn miah.</span></span></div><div class="p"><span class="verse v25" data-usfm="JHN.10.25"><span class="content">  </span></span><span class="verse v26" data-usfm="JHN.10.26"><span class="label">26</span><span class="content">Avvah diah glawvet nett veil diah nett funn meina shohf sind, vi ich eich ksawt habb.</span></span></div><div class="p"><span class="verse v26" data-usfm="JHN.10.26"><span class="content">  </span></span><span class="verse v27" data-usfm="JHN.10.27"><span class="label">27</span><span class="content">Mei shohf heahra mei shtimm, ich kenn si, un si kumma miah nohch.</span></span></div><div class="p"><span class="verse v27" data-usfm="JHN.10.27"><span class="content">  </span></span><span class="verse v28" data-usfm="JHN.10.28"><span class="label">28</span><span class="content">Ich gebb eena ayvich layva, un si zayla nee nett umkumma. Nimmand kann si aus mei hand reisa.</span></span></div><div class="p"><span class="verse v28" data-usfm="JHN.10.28"><span class="content">  </span></span><span class="verse v29" data-usfm="JHN.10.29"><span class="label">29</span><span class="content">Mei Faddah vo si gevva hott zu miah is graysah vi alles, un nimmand kann si aus em Faddah sei hand reisa.</span></span></div><div class="p"><span class="verse v29" data-usfm="JHN.10.29"><span class="content">  </span></span><span class="verse v30" data-usfm="JHN.10.30"><span class="label">30</span><span class="content">Ich un da Faddah sinn ayns.&#8221;</span></span></div><div class="p"><span class="verse v30" data-usfm="JHN.10.30"><span class="content">  </span></span><span class="verse v31" data-usfm="JHN.10.31"><span class="label">31</span><span class="content">Di Yudda henn no viddah shtay uf gnumma fa een shtaynicha.</span></span></div><div class="p"><span class="verse v31" data-usfm="JHN.10.31"><span class="content">  </span></span><span class="verse v32" data-usfm="JHN.10.32"><span class="label">32</span><span class="content">Jesus hott eena ksawt, &#8220;Ich habb eich feel goodi verka gvissa funn meim Faddah. Fa vels funn dee vellet diah mich shtaynicha?&#8221;</span></span></div><div class="p"><span class="verse v32" data-usfm="JHN.10.32"><span class="content">  </span></span><span class="verse v33" data-usfm="JHN.10.33"><span class="label">33</span><span class="content">Di Yudda henn ksawt, &#8220;Miah shtaynicha dich nett fa goodi verka avvah fa leshtahra, veil du, vo yusht en mann bisht, dich selvaht Gott machsht.&#8221;</span></span></div><div class="p"><span class="verse v33" data-usfm="JHN.10.33"><span class="content">  </span></span><span class="verse v34" data-usfm="JHN.10.34"><span class="label">34</span><span class="content">Jesus hott eena ksawt, &#8220;Is es nett kshrivva in eiyahm Ksetz, &#8216;Ich habb ksawt diah sind gettah&#8217;?</span></span></div><div class="p"><span class="verse v34" data-usfm="JHN.10.34"><span class="content">  </span></span><span class="verse v35" data-usfm="JHN.10.35"><span class="label">35</span><span class="content">Vann eah dee leit gettah kaysa hott vo's Vatt Gottes ditzu kumma is&#8212;un di Shrift kann nett gebrocha vadda&#8212;</span></span></div><div class="p"><span class="verse v35" data-usfm="JHN.10.35"><span class="content">  </span></span><span class="verse v36" data-usfm="JHN.10.36"><span class="label">36</span><span class="content">doond diah sawwa veyyich demm vo da Faddah raus kshteld hott un in di veld kshikt hott, &#8216;Du bisht am leshtahra,&#8217; veil ich ksawt habb, &#8216;Ich binn Gottes Sohn&#8217;?</span></span></div><div class="p"><span class="verse v36" data-usfm="JHN.10.36"><span class="content">  </span></span><span class="verse v37" data-usfm="JHN.10.37"><span class="label">37</span><span class="content">Vann ich nett am di verka du binn funn meim Faddah dann glawvet miah nett.</span></span></div><div class="p"><span class="verse v37" data-usfm="JHN.10.37"><span class="content">  </span></span><span class="verse v38" data-usfm="JHN.10.38"><span class="label">38</span><span class="content">Avvah vann ich si du, even vann diah miah nett glawvet, glawvet di verka, so es diah visset un fashtaynd es da Faddah in miah is, un ich im Faddah.&#8221;</span></span></div><div class="p"><span class="verse v38" data-usfm="JHN.10.38"><span class="content">  </span></span><span class="verse v39" data-usfm="JHN.10.39"><span class="label">39</span><span class="content">No henn si viddah vella een fesht nemma, avvah eah is vekk kshlibt aus iahra hend.</span></span></div><div class="p"><span class="verse v39" data-usfm="JHN.10.39"><span class="content">  </span></span><span class="verse v40" data-usfm="JHN.10.40"><span class="label">40</span><span class="content">No is Jesus viddah zrikk nivvah ivvah da Jordan Revvah ganga an da blatz vo da Johannes seahsht gedawft hott, un datt is eah geblivva.</span></span></div><div class="p"><span class="verse v40" data-usfm="JHN.10.40"><span class="content">  </span></span><span class="verse v41" data-usfm="JHN.10.41"><span class="label">41</span><span class="content">Un feel sinn zu eem kumma un si henn ksawt, &#8220;Da Johannes hott kenn zaycha gedu, avvah alles es eah ksawt hott veyyich demm mann voah di voahret.&#8221;</span></span></div><div class="p"><span class="verse v41" data-usfm="JHN.10.41"><span class="content">  </span></span><span class="verse v42" data-usfm="JHN.10.42"><span class="label">42</span><span class="content">Un feel henn an een geglawbt datt an sellem blatz.</span></span></div>
      </div>
   </div>
</div>

“Voahlich, voahlich, ich sawk eich, deah vo nett in da shohf-shtall nei gayt deich di deah, avvah graddeld nei deich en anrah vayk, sellah mann is en deeb un en rawvah.
Avvah deah vo nei gayt deich di deah is da shohf-heedah.
Zu eem macht da deah-heedah di deah uf, un da shohf-heedah rooft sei shohf raus bei iahra nohma. Si heahra sei shtimm un eah fiaht si naus.
Vann eah moll awl sei aykni raus gebrocht hott, gayt eah fannich eena heah, un di shohf gayn eem nohch veil si sei shtimm kenna.
Si doon nett en fremdah mann nohch kumma, avvah si shpringa vekk funn eem, veil si di fremda iahra shtimm nett kenna.”
Jesus hott dess gleichnis gevva zu eena, avvah si henn nett fashtanna vass eah gmaynd hott dibei.
So hott Jesus viddah ksawt zu eena, “Voahlich, voahlich, ich sawk eich, ich binn di deah fa di shohf.
Awl dee vo fannich miah heah ganga sinn, voahra deeb un rawvah, avvah di shohf henn eena nett keicht.
Ich binn di deah; veah-evvah es nei gayt deich mich vatt saylich. Eah gayt nei un raus un find vayt.
Da deeb kumd yusht fa shtayla, doht macha un fadauva. Ich binn kumma es si layva havva kenna, un es si en foll layva havva kenna.
Ich binn da goot shohf-heedah. Da goot shohf-heedah gebt sei layva fa di shohf.
Deah vo yusht gedunga is, is nett da shohf-heedah vo di shohf aykend. So vann eah da volf saynd kumma, falost eah di shohf un shpringd fatt. No graebt da volf di shohf un dreibt si ausnannah.
Da gnecht shpringd fatt veil eah yusht en gnecht is un gebt nix um di shohf.
Ich binn da goot shohf-heedah. Ich kenn dee vo mei sinn, un si kenna mich,
yusht vi da Faddah mich kend, un ich da Faddah kenn. Un ich gebb mei layva fa di shohf.
Ich habb anri shohf es nett funn demm shohf-shtall sinn. Ich muss si aw bringa. Si zayla miah abheicha, un's zayld ay drubb sei un ay shohf-heedah.
Fasell dutt da Faddah mich leeva; veil ich mei layva gebb so es ich's viddah nemma kann.
Nimmand nemd mei layva funn miah, avvah ich gebb's funn miah selvaht. Ich habb macht fa's gevva, un ich habb macht fa's viddah nemma. Dess gebott havvich grikt funn meim Faddah.”
Di Yudda voahra viddah unaynich ivvah dee vadda.
Feel funna henn ksawt, “Eah hott en baysah geisht un is aus em kobb. Favass heichet diah een ab?”
Anri henn ksawt, “Dess sinn nett di vadda funn ebbah es en baysah geisht hott. Kann en baysah geisht di awwa funn di blinda uf macha?”

Es voah deich di zeit fumm tempel-fesht an Jerusalem im vindah,
un Jesus voah am lawfa uf em Solomon sei poahtsh im tempel.
No henn di Yudda sich fasammeld um een rumm, un henn ksawt zu eem, “Vi lang haldsht du uns im dunkla? Vann du Christus bisht, sawk uns grawt raus.”
Jesus hott ksawt zu eena, “Ich habb eich's ksawt, un diah glawvet miah's nett. Di sacha es ich du in meim Faddah sei nohma gevva zeiya funn miah.
Avvah diah glawvet nett veil diah nett funn meina shohf sind, vi ich eich ksawt habb.
Mei shohf heahra mei shtimm, ich kenn si, un si kumma miah nohch.
Ich gebb eena ayvich layva, un si zayla nee nett umkumma. Nimmand kann si aus mei hand reisa.
Mei Faddah vo si gevva hott zu miah is graysah vi alles, un nimmand kann si aus em Faddah sei hand reisa.
Ich un da Faddah sinn ayns.”
Di Yudda henn no viddah shtay uf gnumma fa een shtaynicha.
Jesus hott eena ksawt, “Ich habb eich feel goodi verka gvissa funn meim Faddah. Fa vels funn dee vellet diah mich shtaynicha?”
Di Yudda henn ksawt, “Miah shtaynicha dich nett fa goodi verka avvah fa leshtahra, veil du, vo yusht en mann bisht, dich selvaht Gott machsht.”
Jesus hott eena ksawt, “Is es nett kshrivva in eiyahm Ksetz, ‘Ich habb ksawt diah sind gettah’?
Vann eah dee leit gettah kaysa hott vo's Vatt Gottes ditzu kumma is—un di Shrift kann nett gebrocha vadda—
doond diah sawwa veyyich demm vo da Faddah raus kshteld hott un in di veld kshikt hott, ‘Du bisht am leshtahra,’ veil ich ksawt habb, ‘Ich binn Gottes Sohn’?
Vann ich nett am di verka du binn funn meim Faddah dann glawvet miah nett.
Avvah vann ich si du, even vann diah miah nett glawvet, glawvet di verka, so es diah visset un fashtaynd es da Faddah in miah is, un ich im Faddah.”
No henn si viddah vella een fesht nemma, avvah eah is vekk kshlibt aus iahra hend.
No is Jesus viddah zrikk nivvah ivvah da Jordan Revvah ganga an da blatz vo da Johannes seahsht gedawft hott, un datt is eah geblivva.
Un feel sinn zu eem kumma un si henn ksawt, “Da Johannes hott kenn zaycha gedu, avvah alles es eah ksawt hott veyyich demm mann voah di voahret.”
Un feel henn an een geglawbt datt an sellem blatz.

Ascultă Johannes 10