Versete biblice populare din MATHI 5

Partajează

Mata mii rekki meila khat pchuk thida tomkol ti ngi thii nime, pdainu mrina khat leenni kthiira; ungu inn thungki mkheng ka awnra. Naanki kṭha nong rek mmaanni deida ungu parwaan tha ka am naan Apah hin mdo punlor nra, naanki mar awng ava mii rek maiṭhuwmmi kdung ngi lengso.

“Naan ava dultipaam ki mar awng in pti. Lown khat leenni khuwpii khat ka am ava kurdowl pchaang nime.

“Plung kpinchel rek ava msuwnkṭha, mleija mmaanni Isowr kdei chlamra.

“Rinkindit tummi poitham ningkraal kparteel rek ava msuwnkṭha, mleija mmaan ava kpapa chlamra.

Pdainu Neiva ahin thaanni kthea, aksnuwm kma rek wonsat alo in ungu kja kakham akpii rek tummi aṭhil pik chaan

“Pthla ktong tha sra rek ava msuwnkṭha, mleija parwaan Kruwngpaam ava mmaan tum.

“Kdaai kpii rek ava msuwn kṭha, mleija mmaan ava Isowr naole kdira.

“Kurnung karbaang da kṭap rek ava msuwnkṭha, mleija mmaanna lungam kpii chlamra.

“Rinkindit tummi kja kakham kparteel rek ava msuwn kṭha, mleija parwaan Kruwngpaam ava mmaan tum.

“Plung knei rek ava msuwnkṭha, mleija mmaanni plungnee kpha chlamra.

“Nei ktummi naan ava mii rekki ning er aplo inda,kja kakham piida kṭha kma mkheng plei neida mdo the psuk naan ava asuwnkṭha. Plung kngammi ekanpa chaan, mleija naanki mnah ava parwaan tha klinra; mleija mii rek ava ngi naan adu inni khulpu rek ava mdo pjat mdo pkham in.

“Plung kdowng rek ava msuwnkṭha, mleija mmaanni dultipaam kpha chlamra.

“Naan ava dultipaam ki pti in pti; pdainu pti ngi ma al mmaan chaakku, tak heppi ka al nowl rang da? Ava var pthiida mii rekki mdo ther kma donle do khat lee sii me.

Ava ngi mlei kurthuwk da, parwaan ki Apah inni mkinreel mkurthut lulu ngi naan rukka kinreel akurthut maan rome.

Naanni ko ol tekki ado the raan ava ‘Oji,’ mdit mata ‘Eme;’ hava hai hinni kthuwk pau ava kṭhakma jesang.

“ ‘Mik tummi mik khat ungu haa tummi haa khat,’ dida mdo the ava naanni ado aryaak dok in. Pdainu Neiva ahin thaanni kthea, kṭhakma khat ava phuw lou maan; pdainu ku mii khatti achang inki abiing thaanni atitpeen inta, khat ktongki ruk mhin adoi pik in.

Naan achang inki mik ki pnu akaptla raan mkurthutta,akhor pthiin ra avar pthiin; naan adaksaa in mkheng sim thu mtlaak rang kchang nga, naan athung kiin khat kmaang kcha ava ngi kursuk sii ra. Ungta naan achang inki khutti pnu akaptla raan mkurthutta, areen buk inra avar pthiin; naan adaksaa in mkheng sim thu atlaak raan kchang nga, khut khat kmaang kcha ava ngi kursuk sii ra.