Versete biblice populare din JOHAN 15

Partajează

Ngeiyü pünyü büm, amphongü kaothü. Üpai ngei kü nyuhen, ngei büpa kü nyuhen, hatü büpai betjük longi jükhen; mehenangkü ngei mü yanei ammi meheyao nedükaokhen.

Ngei kü nyutuh, hatü ngei am kü nyuhen. Pü bümnyü kü nenyupheikü kao hük mekei etao betjük nejükaok; hapa keiha ngei kü nenyupheikü am nyingi betjük jüknüng neaok.

Amphong ngei kü nyujema hatü ngelei shahthü am kü nyujema, ammi mehe na ha yütuh hatü ha am kü shuohhen.

Ammi ngei neje, shejao ngei amphong jepeih. Am daiyei betjük jükhen, hatü den kü nyuhen betjük jükhen shingvaishi ngei amphong jepeih; shejüang ngelei men kü ammi mehe mehe Opa kü yühenshang büpai ha am kü shuohhen.

Küphü hük shingvaishi laophülei yangnyu lanei shuohpü mü nyeipü lebü bampü neshiü.

Ngei kü nyupü betjük nejükpü kaothü büpai langtüknyeih, hatü betjük jükpü kao shao nyeishi jükhen shingvaishi büpai hapa kao daütüknyeih.

Ngei am kü bampü keiha am hüki hük mü bamteituh; hapayü ngelei shahkungnyü.

Ammi betjük longi jükpai ngelei nanglomthü khih shei huhen; hapai Opa müknyinshekhanghühen.

Ngeiyü hingshangpü nyalingngupai, hatü Opayü pe dükbü.

Üam ngei kü nenyu, hathüyü kao hük kei yaktüknyeih hatü vandainyeih; hapa keipü kaothüyü thaiyei aw kü shükei jaktüknyeih.

Ngelei mongong am kü nyuhen hatü am mongongpü changhühen shingvaishi ngei hathü am kü epeih.

Ammi ngelei shahkungthü bangjema, ngei Opalei shahkungthü bangei büpa bampü kü nyupükei amphongao ngei bampü kü nyuhen.

Am hüki hük mü bamteihen shingvaishi ngei hathü shahkung shuohnyeih.

Amphong kahdoknyülei vailangmeyü kahdoknyüi laophülei lompü kei bamphahen. Mehenangkü amphongü kahdoknyülei nevai, shejao kahdoknyü kübü ngei amphong jelangpü nangkü kahdoknyüi am kü jiühitnyüke.