Versete biblice populare din Amatie 2

Partajează

Tɩ ba kẽ yire la pʋam yẽ bia la, la a ma Amaari, ka dũma tẽŋa bia la nẽŋam nã'asɛ ẽ, dee lorge ba lɔgrɔ loose ban tarɩ sɛla la bɔ ẽ. Ba daan de la sãlma, la tɩdarɛ, la miiri n tarɩ yũuŋ-yẽlga.

Ba daan dɔgɛ Azezi la Bɛtelɛm n boe Zude so'olʋm, se'emwẽnnɛ tɩ A'erɔdɩ de naba la. Tɩ bãŋrɩba ze'ele dapɔa bɔba wa'am Zerizalɛm, wa soke yetɩ: «Bia la tɩ ba dɔgɛ la boe la bɛ, sɛka n wʋn dɛna Zifdõma naba la? Tõma yẽ la a wõrbiire dapɔa bɔba, bɛla ĩyã tɩ tõma wa'am tɩ tɩ nã'asɛ ẽ.»

La ban daan yẽ wõrbiire la, ba sũure ẽŋɛ yẽlʋm mɛ halɩ zozo'e.

Tɩ Nawẽnnɛ daan kã'an ba zãasŋɔ pʋam yetɩ, ba da le doose naba A'erɔdɩ zẽ'am, bɛla tɩ ba daan doose sore ayẽma lebe kule ba tẽŋa. Bãŋrɩba la n fõrgɛ la, tɩ Nawẽnnɛ malɛka puke a mẽŋa pa'alɛ Azozɛfʋ zãasŋɔ pʋam, yele ẽ yetɩ: «Isge tarɩ bia la, la a ma la zoe sẽŋɛ Ezipti ka bɔna bilam halɩ tɩ m le wa yele fʋ se'ere. Se'ere n soe la, naba A'erɔdɩ wʋn ɛɛra bia la mɛ tɩ a kʋ.»