Versete biblice populare din JOHN 15

Partajează

Keimah hi misur ruang cu ka si, nannih a nge nan si. Keimah ah a um peng i kei zong a mah i ka um pengnâk cu tampi in theitlai a chuah tawn; keimah lo in zeihmanh nan tuah kho lo.

Keimah ah umpeng u, kei zong nanmah ah ka um peng lai. Nge cu a kungah â pehpeng lo ahcun, amah te in thei tlai a chuah khawh lo bantukin nannih zong keimah ah nan umpeng lo ahcun thei tlai nan chuah kho lai lo.

Nannih ka chungah nan umpeng i ka bia nan chungah a umpeng ahcun nan duhmi pauh ka hal u, nan ca tuah in a um lai.

Nannih nih nan ka thim lo, keimah nih kan thim hna, theiṭha chuah awk le a hmunmi theitlai chuah dingin kan ruahmi hna nan si, ka min in Pa sinah nan halmi pauh an pêk hna nâkhnga.

Minih a hawi caah a nunnâk a pêkmi nâkin a ngan deuhmi dawtnâk ahohmanh nih an ngei lo.

Keimah i â pehmi nge, thei a tlai lomi pauh a hlawnh tawn i thei a tlaimi nge pauh a tlai a tam chinchin nâkhnga a thenh tawn.

Hihi ka nawlpêk a si, keimah nih kan dawt hna bantukin nannih zong i daw u.

Tampi in theitlai nan chuah ah hin ka Pa cu thangṭhat in a um tawn. Cuticun aka zultu nan si lai.

Kei cu misur ruang taktak ka si, ka Pa cu dûm ngeitu a si.

Keimah i a um peng lomi cu nge bangin hlawnh a si i a uai i mei chungah hlawnh a si i a kâng tawn.

Kâ lawmhnâk nanmah i a umpeng nâkhnga le, nan i lawmhnâk a tlin khawh nâkhnga, hi bia hi nan sinah ka chimmi a si.

Nannih nih ka nawlpêkmi nan zulh ahcun ka dawtmi in na um peng lai. Kei zong ka Pa nawlpêk ka zulh i a dawtmi in ka um peng bantukin.

Nawl kan pêkmi hna hi pakhat le pakhat nan i dawt khawh nâkhnga caah a si.

Nannih vawlei mi hei si ulaw, vawlei nih cun amah ta a simi cu a dawt ko lai. Vawlei mi nan si lo. Vawlei in kan thimmi hna nan si ruangah vawlei nih an huat hna.