Versete biblice populare din Jɔn 6

Împărtășește

Go Yecu ke yɔ̈ɔ̈k an, “Yɛn ee kuïn ë pïïr: raan bɔ̈ tëde yɛn, acïn cɔŋ bï ye bɛ nɔ̈k, ku raan gam ɛn, acïï bï bɛ yal anande.

Ee wëi kek ee käŋ tɔ pïïr, guöp acïn kën ee lëu: wël cä lɛ̈k week, kek aye wëi, ku yek pïïr.

Duökï ee luui në këcam ee riääk, yak luui në këcam ee tɔ̈u aɣet pïïr athɛɛr, pïïr bïï Wën ë Raan gäm week: yen acïï Nhialic Wääda gäär guöp rinke.”

Këde piɔ̈n ë Wäär kï, an, bï raan ëbɛ̈n raan tïŋ Wënde, ku gɛm, ka bï bɛ pïïr athɛɛr, ku abä jat nhial ëkööl rial wadäŋ.”

Go Yecu bɛ̈ɛ̈r an, “Luɔi de Nhialic kï an, gëm gam wek raan cï tooc.”

Kɔc kedhie kɔc cï Wäär gäm ɛn, abïk bɛ̈n tëde yɛn, ku raan bɔ̈ tëde yɛn acä bï cieec anandï.

Go Thimon Petero puk nɔm an, “Bɛ̈nydït, buk lɔ tëde ŋa? Yïn cath wekë wël ke pïïr athɛɛr.

Yɛn ee kuïn ë pïïr kuïn ë bɔ̈ piny paannhial: të ciɛmë raan ee kuïnë, ka bï pïïr athɛɛr: yeka, kuïn bä gam en ee rïïŋdï, rïïŋ bä gaam në këde pïïr bï kɔc pïïr kɔc ke piny nɔm.”

Acïn raan duëër bɛ̈n tëde yɛn, të kënë ye dhil tɔ bɔ̈ në Wääda raan ë toc ɛn, ku abä jat nhial ëkööl rial wadäŋ.

Kuïn ë Nhialic ee kë bɔ̈ piny paannhial, ku ye piny nɔm gäm pïïr.”

Yɛn ee kuïn ë pïïr.

Na wën, ke Yecu nöm kuïïn cï pam, ku të cï en thieithieei lueel, ke ke jɔ tɛ̈k kɔckɛn ë piööcë ku tɛ̈kkï kɔc wën cï nyuc piny. Ayï rec aya acï keek looi aya, agokï yök ëbɛ̈n në këdɛn ë kekpiɔ̈ɔ̈th. Na wën, acïk kuɛth kedhie, ke jɔ lɛ̈k kɔckɛn ë piööcë an, “Kuötkï dhuɔtdɛn cï döŋ ke cïn kë bï määr.”

Na wën, acïk abël gɛɛr të cït meel kadiäk, ku nɔn ee kek ŋuan, ke ke tïŋ Yecu acath ë wɛ̈ɛ̈ric ë pïïu nïïm, ke bɔ̈ të nu abël: agokï riɔ̈ɔ̈c. Ago lɛ̈k keek an, “Ee yɛn, duökï riɔ̈c.”