Versete biblice populare din Matius 11

Partajează

Ki zep etan asa gubiridaka, “Men nara sang-sangsa ahaksa tahalhasa nihin dohon-hon yawal makan eisbinni, emki Abon onak golhatazan. Aban esa nihinni insa eirera. Em dekam esa jahalhana eisbiri.

Abon onak ang gwe-gwe– ekakim ano gwënsa tame gul. Sap Ëe an sae-saena hen kwasang-kwasangna, hen Ëe molyë nihin dohon-honnak emsa kara tak. Aban de ënkam, zen dekam esa nihin jahalhakam gwë gwera.

Sap aban de ënkam, Ëe asa nihin dohon-honnak emsa mas gwe-gweblal. Hëndep em molye tangan sabak gwe-gweka, hwëna em dekam esa jahalhana eisbiri.”

Ki zep hwëna in zenë zë lowe heꞌak asa gubiridaka, “Tïngare okamasa de bi gwibin hip de sosonna mes kïtak Bian abe hap golblaka. Zini toton bëjen Tane zem Asa tame tan. Zen diki ëre mo Bian en Asa tame ta gweꞌara. Hen ano Biansa nara dep?– tame tan naye. Zen diki A-enë tame ta gweꞌan. Hen zini men zëbe mae habë dekam de ano Biansa tame tan hap dena gol gwizimꞌin, zen zen en angkam tame da gweꞌan.”

Yesus ki zep ding gulzimki, “Sap esa etan Yohanis osan dep lwan dahal. Mensa ki ena hla kul hen ësane gwer, desa anakan lonblak, ‘Zi nwe dïmïnnï man ëkara gwe-gweꞌak. Lek-lek wenya hen man sek gwe-gweꞌak. Sop sang-sang karek nabare wenya man hen ëdawem gwe-gweꞌak. I mat wenya hen man ësane gwe-gweꞌak. Tok-tokna hen man ëngaya gwe-gweꞌak. Hen Alap onakore ol dawemkam man tahalha wenyaka tawa ta gwibiꞌira.’

Em dwan i nibanke. Em ësal gwen!