Versete biblice populare din IOANE, 1

Împărtășește

A o i latou uma e na talia o ia, ma faatuatua i lona suafa, na ia avatu i ai o lea manuia, ia avea i latou ma fanau a le Atua.

Sa i le amataga, le Lokou, sa i le Atua le Lokou, o le Atua foi le Lokou.

Ua pupula mai foi le malamalama i le pouliuli, a e lei talia e le pouliuli.

Ua liu tino tagata le Lokou, sa mau foi o ia ma i tatou, (na matou matamata i lona mamalu; o le mamalu lava lea o le Alo e toatasi o le Tamā,) ua tumu o ia i le alofa tunoa ma le faamaoni.

Na ia faia mea uma lava; e leai foi se mea e tasi na faia e lei faia e ia. Sa ia te ia le ola; o le ola foi o le malamalama lea o tagata.

O le taeao ua vaai atu ai Ioane ia Iesu o maliu mai ia te ia ona fai ane lea, Faauta i le Tamai mamoe a le Atua, na te aveesea le agasala a le lalolagi.

Sa i le lalolagi o ia, na ia faia foi le lalolagi; a e lei iloa lava ia e le lalolagi. Ua maliu mai o ia i lona lava nuu, a e lei talia o ia e ona lava tagata.

O le malamalama moni lea, na te faamalamalamaina tagata uma lava i lona maliu mai i le lalolagi.

Auā na tuuina mai e Mose le tulafono, a o le alofa tunoa ma le mea moni, mai ia Iesu Keriso ia.