Versete biblice populare din Eoin 14

Partajează

Fágaim síothchám agaibh, bheirim mo shíothcham díbh: ní mar bheir an saoghal a bheirim-se díbh. Ná bíodh buaidhreamh ar bhur gcroidhe, agus ná bíodh eagla ann.

Deir Íosa leis: Is mise an tslighe, an fhírinne, agus an bheatha. Ní thig aoinneach chuig an Athair, acht tríom-sa.

Ná bíodh buaidhreamh ar bur gcroidhe. Creideann sibh i nDia; creidigidh ionnam-sa fosta.

Acht an Cómhfhurtuightheoir, an Spiorad Naomh, a chuirfeas an t-Athair uaidh i m’ainm-se, bhéarfaidh sé teagasc na n-uile neithe díbh, agus cuirfidh sé i gcuimhne díbh gach uile nídh dá mbéidh ráidhte agam-sa libh.

An té a bhfuil m’aitheanta aige, agus a choimhéadas iad, is é sin an té a mbíonn grádh aige damh. Agus an té a mbíonn grádh aige damh, béidh grádh ag m’Athair dó-san, agus béidh grádh agam-sa dó: agus foillseochaidh mé mé féin dó.

Agus guidhfidh mise an t-Athair, agus bhéarfaidh sé cómhfhurtuightheoir eile díbh le fanacht agaibh go deo, Spiorad na fírinne, nach féidir do’n tsaoghal a ghlacadh, mar nach bhfeiceann sé é, agus nach n-aithneann sé e; acht aithneochaidh sibh-se é: óir fanfaidh sé agaibh, agus béidh sé ionnaibh.

Agus cibé ar bith nídh a iarrfas sibh ar an Athair i m’ainm-se, dhéanfaidh mise sin: chun go bhfaghaidh an t-Athair glóir san Mhac. Má iarrann sibh aon nídh orm-sa i m’ainm féin, dhéanfaidh mé sin.

Má tá grádh agaibh damh, coimhéadaigidh m’aitheanta.

Is iomdha árus i dtigh m’Athar; dá mba nach mbéadh, d’innseochainn díbh: óir tá mé ag dul chun áit a chur fá réir díbh.

Agus má théighim, agus áit a chur fá réir díbh, tá mé ag teacht arís, agus glacfaidh mé chugam féin sibh, chun go raibh sibh-se mar a mbím-se.

Deir Tomás leis: A Thighearna, ní fhuil a fhios againn cá bhfuil tú ag dul: agus cad é mar is féidir dúinn eolas na slighe a bheith againn?