Versete biblice populare din Yohanes 2

Partajează

At Yesus ebe diduwagaluk elalin mende omanggi kagakidekma alebagik kagakike eti o Galilea o unggul Kana dogolik kagakike eti paga, at pogorarigogi mende inilurogo yanggul isasikemo it at agoromi ane waganggo laguka mende yomenogo Yesus ebe didiluk, inendainggen at oba panggot disuka.

Esigit diluk yogokikemo, at Yesus nen, men yogokike, “Nagoya o. An nen kagasusak oba awan korok asi wagidek werek nggorlek, kat nen an nenaluk yokneken,” yiluk yogokike.

Esigit diluk werekma, at Yesus nen it inanduwanengge yomenogo yogisasi dogolik, men yogisasike, “Iyak nggokndek dorom negen etoma paga i kenatni o,” yiluk yogisasikemo, ambem kerokigik kenakuka. Esigit diluk ambem kerokigik kenakukama, at Yesus nen it men yogisasike, “Yogo. Kenakep mende eti omanggi nggelelogo ap nggok pesta indewerek mende wogosi lani o,” yiluk yogisasikemo wogosi laguka.

Esigit diluk mberekukama, at Yesus nen, men yogisasike, “Dek o. Allah ago palek yi miyalini o. Arat miyalumo, an nen yabunggane ninggi kenagan oba arat paligin o,” yiluk yogisasike.

Esigit diluk kagakonem ilenggen iyasi lagikesik, kerle nggombi mende ndugi kagarogo nen sapi inom, domba inom, ndugi laʼbisok warogo Allah ago palekma nen mukogo wula ʼbiyigik, meja o mberlago paga uang onggoko laguka mende yomenogo abel dagak-mbagakogo laʼbiyigik, inauang yomenogo agat oba sirlik-mbirlikogo wusa ʼbigik, kagakike. Kagako dogolik, it ap sewe merpati yogik negen onggo waganggo laguka mende yomenogo mberisasi dogolik, men yogisasike, “Sewe yoma korlalok duki lani o. An nombae ago palekma yoma, yi mende ndi mende onggo mbaligogoma salek mbaligogi yi, esigit diluk kagasusak mondok dek o,” yiluk mberisasike.