Versete biblice populare din YOHANES 6

Partajează

aren he, mel yagaisasikhe: ”Sumburu inelugerinafirek mene andi re, an nebe aro. Ap sa nen an noba wagik, endawinggen noba eberogoat himbiret figik, igin halok he, sumburu nele agik, i nele agik, ikhi logogin mondok lego.

Allah Areagun nenat afuni inelugerinaferego. Afuni kweangma mene inomameba ekhe hilingisu elo'lego. Menere, wene an nen yagahisikhi lagi andi, Allah Areagun nenat ikherek mene andi nen he, inelugerinaferek wene yagahisikhi lagi andi o.

Sumburu fili asimbik lek asigin mene faget yabu hilingiti logou fugo. Athe, sumburu mondok logogin mene ninggi logolik, ineluk mondok logogun mene andi, an nenat wokhisikhi logouwageluk neisena nen nayonggo fuluk laknobagai wagaikhemo, abat ta'lasi wagagi andi faget yabu hilingiti logoni,” iluk yagaisasikhe.

neisena endawimo anggikherego. A'nogo anggikhi logolik, afuni nen Allah amlogo nebe yi ineilenggen niigik, inendawinggen noba eberogoat himbiret figik ugu halok, inebe lombok ineluk mondok logouwageluk, o wurep oba an nen inelugerinabuageluk endawimo anggikherego,” iluk yagaisasikhe.

at Yesus nen he, mel yagaisasikhe: ”Allah endawimo anggikherek mene hiren hilingisugun andi ebe re yi. Hinendawinggen an Allah nen laknobagai wagaikhemo wagagi mene yi noba himbiret fogoin andi aro,” iluk yagaisasikhemo.

Menere, an pogoroba nen pi wagagi andi re, an nonggwarek nendawimo nen kagalogo hilingisigeluk pi wagagi fuk. We, At laknobagai wagaikhe mene endawimo anggikherek mene andiat higithogo hilingisigeluk pi wagagi andi nen he, afuni an Neisena nen wo'neterek mene inebe lombok noba wagunem he, an nen, hit an noba wesugun lek, iluk wenagisagain lego.

A'nogo yagaisikhi lagaikhemo, at Simon Petrus a'nogo nen he, mel yagatikhe: ”Eige! Noe. Ninebe nineluk mondok logogun mene faget he, wene haren yaganisikhi lagen hilingi'mo re, hat herakhobagaluk ap saba logoin anggegen.

Sumburu inelugerinaferek mene pogoroba nen pi wagarek andi re, an nebe aro. Sumburu an nen wogisagain mene andi, ap sa nen nunggu halok, at ebe eluk mondok logogin o. Afuni kweangma mene ineluk logouwageluk an nebe it faget wa'lasigin andi, an nebeat wogisagain,” iluk yagaisasikhe.

An Neisena laknobagai wagaikhe mene a'nogo nen, afuni lithigik an noba woginarek wagi'lek halok, noba wesugun elo'lego. We, aren it ekhe lit-lit woginarek wagunem noba wesugun halok o wurep oba an nen inelugerinabigin aro.

A'nogo yagatukwama, aren he, mel yagaisasikhe: ”An nen wene ekhe yagahisak. Sumburu pogoroba nen pelak hisa waga lagaikhe andi re, at Musa nen fuk. Lego. Athe, sumburu ebe mene andi re, an Neisena nen afuni kweangma mene inelugerinabuageluk an nebe pogoroba nen pi wagagi andiaro,” iluk yagaisasikhe.

Wene ekhe mel yagaisasikhe: ”Sumburu inelugerinafirek mene andi re, an nebe aro.

A'nogo hu'larik lagaukwama re, at Yesus nen sumburu roti mene aremnogo enggimo wanhikhesik he, ”Allah neisena,” iluk hai warogo afuni hokhorogo hu'lagaukwa mene omanogo sumburisasikhesik he, ikan aremnogo a'nogoat sumburisasikhe. Sumburisasikhemo it inendawimo nen, nelo anggasukwa hagat inalabut ninghogo nasukwa. Inalabut ninghogo nasukwama re, at agoromi ane wanhi lagaukwa mene omanogo yagaisikhi logolik he, mel yagaisasikhe: ”Sumburu nenggasik ando tindelogo herakfisaga mene aroma alomat lasinogo nen he, misi'mo andogorogo feni o,” iluk yagaisasikhemo re

I ha'labu hokhorogo hilingitu kwelek it a'nogo e so warik tulem heire'ma ilirengge fuaben he a, falfaligen he a, yatmaat asi wagaukwa hak he, at Yesus a'nogo eisok i agum ebene filik inoba higit horogat wagunem ineilenggen yet hasukwasik inailo hokhorogo agaukwa. Inailo hokhorogo agaukwama re, at Yesus nen he, mel yagaisasikhe. ”Nagoromi, An nebeat waga lagi. Hinailo agubo,” iluk yagaisasikhemo