Versete biblice populare din Uan 15

Partajează

“Au wan fun wat ubas, ay am at ngay sanga. Tagbanwan si angku, ay si kyangay anya, ngayu kanya nu grawvg. Wayam masugfun si angku, wam e fagmakatuun nusnge wain.

Banwani si angku ay gbanwan kyangay si ayu. Sik sanga nu dway masugfun sit bilugan wa grawvg. Katanya yangay, nu dway am gbanwan si angku wam grawvg.

Nu gbanwan tuam si angku, ay ku ngay longan gbanwan si ayu, eti nusnge wain ay fakaylatun, ay gfon kwa fia ayu.

Bunwam at nafili angku, nu bunway nafili au ayu laman glo am ay grawvg am, ay laman ay rawvg gbanwan kabavn. Ay ku Mama namon ayu nusnge wain ay fagetun sa ku ngayan.

We gtungud ya sik taw nu kesug, nu nafon wa at leleg sat ngay fagadgalangan.

Ay ku ngay sanga at yud grawvg, ku Mama ggatvng wan, ay tagrawvg fag ngay sanga, ku Mama galaga laman ngayu nu grawvg.

Katatuy ku suguan ayu, edkesugani tua kata nu kesug au ayu.

Gfafauseganan am ku Mama nu ngayu tua ay rawvg, ay nu katanya tua, gfatuyan am te, am wan ku ngay tagadal.

“Au wan at matuyan fag fun wat ubas, ay ku Mama tagalaga.

Nusnga sinu at yud gbanwan si angku, kanya kata sik ngay sanga at kin-gong ay fagukasun. Ay sanya ginan gfaful kafag ngay sanga ay nangukas sasad afuy laman nangirug.

“Ku fagnafoyungun ayu takatanya laman guseganan tuam kata angku, ay laman kaksvn nu guseganan am.

Nu gfaning tuam ku ngay suguan, gbanwan tuam sa ku fakesugun, kata nu gfaning au ku Mama at ngay suguan ay gbanwan sat fakesugun.

Ay gsugu au ayu te, edkesugani.

Nu gfaning way ro am ste swa daga fag ngay taw at ugali, kanya fagayu kesug ayu. Ay dewa katanya wam gfaning ya ste swa daga, nu bunway nafili kwa ayu sanya ginan fag ngay taw, nu katanya, kanya fag ngay taw kauri ayu.