Versete biblice populare din Mata 7

Partajează

Ḛ kaɗe kaŋ ge ḛ ɓyare, àa mbo hon ḛ ne, ḛ yin̰a kaŋ ge ḛ ɓyare pe, ḛ mbo seɗ ne, ḛ dabe zok wa, àa mbo hage ḛ ne.

Ago ndu ge diige ge ele a̰me, àa hon ne ne hon, ndu ge ɓyare a̰me seɗ ne seɗ, ndu ge dabe zok wa, àa mbo hage ne ne.

Ago, fare mbe ge mbi hate ḛ num ya ma no, ndu ge diige ge ame num ya, ka kee tèmel ge num pagal, mbo kaɗ dinna ge ndu ge zwam ge sḭḭ na zok ge gon̰ pagal go.

Kaŋ ge ḛ ɓyare go nda ke ḛ num ma peɗ, ḛ sḛ ma waɗme, ḛ ke nda num mbe go me. Ago, a eeya ge Moyiz ne mage fare ge nda ge zwagre Dok wa ma njaŋe num ma ne, ndwa go nda mbo ge num pagal.

Ɗaŋɗe, zok wa ge gwarse gene nda mbo ndwa ge fareba zì, vin̰a ge gene nda mbo ne yà ɓermem. Nda ge hee vin̰a mbe ma hoɗege guwa.

Ḛ wuwa zok wa ge gwarse, ago zok wa ge a̰a̰l gene nda mbo banna, vin̰a ge gene nda mbo ne yà fiyal. Nda ge hee vin̰a mbe ma gḛḛ.

Go mbe no, ḛ ge sone ma zoo me, kaɗɗa ḛ kuwa kaŋ ge kwaɗa ma hon ḛ van ma kuwa, ḛ Ba ge no pḭḭ ma zì yà mbo hon num ge ele na kaŋ ge kwaɗa ma gyana ga de?

Ḛ kṵṵ sariya ge ndu a̰me pagal to, ndwa go Dok sḛ kṵṵ ḛ sariya to me. Ago Dok mbo kun sariya ge ḛ pagal ge mojo̰o̰ ḛ kun sariya no ge nda pagal go me. Àa mbo kee ḛ kaŋ ge ḛ kee nda gegene ma ne me.

Ɗaŋɗe, ndu ge diige ge za̰a̰ num za̰a̰ cuɗ, kee tèmel ge num pagal to, mbo kaɗ dinna ge ndu ge dàle ge sḭḭ na zok ge kafeɗem pul go go.

Kee pe gyana, mo wa ka kuwa sugu ge no mo na̰ van ndwa zì ɗag ɗoo, mo wa kuwa ɔwara murguli ge no mo ndwa zì to me de? Koo kee pe gyana mo wa jan mo na̰ van go: N̰a mbi hee sugu van ge lerbeŋ ge no mo ndwa zì gezi, zane no, mo ge ɔwara murguli ge mo ndwa zì me de?

Ḛ koy ta kwaɗa ge nda ge kee ta nda ge zwagre Dok wa ma ta. Àa mbo ya ge ḛ ta ge diir ge tame ma way, zane no, àa bagomso ge kacage ḛ ma ne. Ḛ mbo kuwa num ge num kaŋ keeya ma ta. Àa hel on̰or ndwa tolla ma ge ɔwara kore ma ta hel de? Koo fere ndwa tolla ma ge ɔwara kilbiŋ ma ta hel me de?

Ɔwara ge kwaɗa ge diige tol ndwa ge kwaɗa ma, ɗaŋɗe, ɔwara ge buusul ge diige tol ndwa ge buusul ma me.

Ɔwara ge kwaɗa mbyaɗ tol ndwa ge buusul ma to, koo ɔwara ge buusul tol ndwa ge kwaɗa ma to me.

Ɔwara ge diige ge tol ndwa ge kwaɗa to, àa chal ne, àa dol ne ol zì.