Versete biblice populare din MATAYO 5

Partajează

Ŋutulu kilo ani mokakindra kima i mugo na lepe ku turu’be, ’bo ko i’delakindra lepe i lororo ki‚ ma tala ŋanina ku tikindra ŋutulu giri laga kadini kilo parara. Kuwade parara nasuna ti kobi kobu ku ŋutulu i konyeni, ma ko bongi konesi kasu na’bu kine‚ ma purani Monye lasu laga i ’diko yulo.

“Ta a parara na ina ka de. Kezi na ’duko i mere kina ani mugo mugu tro.

“Koŋo na’buna ina i ŋutulu laga ku teiliko a lokiye kilo‚ igbonaga ko imemedra Ŋun ina.

“Koŋo na’buna ina i ŋutulu laga ku kure koru ku kulia ti logbiye lo’bulo kine kilo‚ igbonaga ko iyiyimo ina.

’Bo na takindra ta‚ Nyareta nya mero kasu kilo‚ maketa Ŋun ku ŋutulu lo wowondru ta kilo.

“Koŋo na’buna ina i ŋutulu laga a lemerika i yukala kilo‚ igbonaga tumata na ’dikona a nasiko ina.

“Koŋo na’buna ina i ŋutulu laga lo ruruzu teiliko kilo‚ igbonaga ko iluluŋu a ŋazi ti Ŋun ina.

“Koŋo na’buna ina i ŋutulu lo gbigbiye kilo‚ igbonaga ko iririondru suka na teiliko ina.

“Koŋo na’buna ina i ŋutulu laga lo riozu wowonye ku kulia ti logbiye lo’bulo kine kilo‚ igbonaga tumata na ’dikona igbo’da a nasiko ina.

“Koŋo na’buna ina i ŋutulu laga ku ediyo kilo‚ igbonaga ko iririondru ediyona.

“Koŋo na’buna ina kasuni‚ kugbo ŋutu kilo ’dadru ta, kugbo wowondru ta‚ kugbo kulia ku kuliata naro giri kasu ’berini ku to’bure ku kulia kuwe kine. Nyolanita nyola‚ sakanita ku nyola koru, igbonaga ropeta kasu kilo a drumala i ’diko yu ina‚ ’bo ko kazu awowondru kakeyo laga kasu koŋo yu kilo de.

“Koŋo na’buna ina i ŋutulu laga a mukulia kilo‚ igbonaga ko i’de’deba ina ka de a luma kase ina.

“Ta a ’bala na ina ka de. ’Bo kelei ŋanilo kuwa alupodru‚ ma kelei lo lepelo ŋiyu ku inyo ya? Ani romoki yakiya ’do‚ lepe gbo’di i’bukozi kaŋo‚ iriorio ka ka mukuzi ti ŋutulu.

Kuwade gbo’dita a lo’bu beti naga ma Monye lasu lo ’dikolo gbo’dini a lo’bu ina.

’bo kulianita de‚ ‘Iye, iye,’ kugbo ‘ ’Bayi‚ ’bayi‚’ igbonaga kulia ku’de kine ŋiyu ku ŋutu lorolo ina.

“Ta ayinga atayi adi‚ ‘Koyitalo iropa ku koyita‚ keleilo iropa ku kelei.’ ’Bo na takindra ta‚ Ku momorota ku ŋutu loro‚ ’bo kugbo ŋutu laga anangu do i ŋebi lolu lo lutatelo‚ yoŋaki lepe le’delo itro.

Kugbo koyita lolu lo lutatelo tikindra do bayi‚ ku’dutu lepe‚ gupara lepe kaŋo‚ igbonaga troru teliki dridriŋi nonu na mugu ne’de gele alangu mugu nonuna giri i biriŋozi i kima naga a noketa nu. Kugbo keni lolu lo lutatelo tikindra do bayi‚ ’duŋoro lepe‚ gupara kaŋo‚ igbonaga troru teliki dridriŋi nonu na mugu ne’de gele alangu mugu nonuna giri i utu i kima naga a noketa nu.