Versete biblice populare din यूहन्ना 2

Partajează

प्रभू यीशू ऐ गलील के काना नंगर दा ऐजा आगला ही चींह्न-चंम्त्तकार देखाऐयों आप्णी बड़ियाऐ पर्गट करी। अरह् तिनके चैले ऐ तिन गाशी बिश्वाष करा।

प्रभू यीशू ऐ जबाब दिता, “हे माँ, तुँऐं ऐजो मुँह कैई किन्देखे बुली लो? हेबी मेरा बख्त्त आऐ ने रंई।”

प्रभू यीशू ऐ तिनू टोह्लुवा खे बुलो, “ऐजे घह्ड़े, माँट, पाँणी लई भरी दियो।” टोह्लुवा ऐ सेजे घह्ड़े, बड़े-बड़े माँट शिऐ-शी पाँणी लई भरी दिते। तबे प्रभू यीशू ऐ टोह्लुवा खे बुलो, “ऐबे ऐथू पाँणी गाड़ियों ज़ागौ के सियाँणें कैई नींयों, अरह् तिन्ऐ तेष्णों ही कोरो।”

प्रभू यीशू ऐ तिनखे जबाब दिता, “ईयों देऊँठी ढाल़ी दियों, अरह् हाँव ईयों देऊँठी च़ीज़े के हजो पाछ़ू खह्ड़ी करियों देखाँऊबा।”

तबे प्रभू यीशू ऐ पागोई की डींडी बाँणीं, अरह् बादी भैड़ो अरह् बोल़ोह्दो संहमेंत्त सोभी देऊँठी शे बाँईडे गाड़ी दिते; अरह् रूपिऐ साटा-बाटा कर्णो वाल़े के सिक्कै खिदर-भिदर पाऐ दिते, अरह् तिनके बंईठंणों के पीड़े-पाट्डै ऊँटमुल़े पाड़ी दित्ते। अरह् कबूतर बिकणों वाल़े खे बुलो, “ऐजो सब-कुछ ईथै शो आगु नींहयों; मेरे पंरम-पिता को घहर बंईजार ने बणाँऐ।”