Versete biblice populare din GENESIS 17

Partajează

Ma si maṉa na sikwa tafulu fa ṉali ma sikwa fa ṉali e sui atha Aberamo, tha Jihova ka fula fatai isatha Aberamo, ka soree isana, Ni nau ṉa God Rigita ka Tatha; oki lae inaofana maaku, ma abula lamu kai oolo teefau.

Me a’i kesi alaṉi oe lau ana thatamu na tha Aberamo, keki alaṉia thatamu atha Aberahamo; uria ni nau ku alu oe naa na maka totonao ana kulee toa oro ki.

Ma ni nau kwai kania alaofua nau kai ṉado imaalutaku ma ni oe, ma kwalafamu iburiamu sulia unii wane kera ki, alaofua neri na kai toto si sui, sorea ni nau ṉa God ifamu, ma ifana kwalafamu iburiamu.

Ma ni nau, rikia fasi, alaofua nau eri ku kania naa bi oe, ma ni oe ṉa maka totonao ana kulee toa oro ki.

Ma tha God ka una eri, Kwaimu na ni Sera kai tharea ta wela wane ifamu mamana boo; ma oki alaṉia thatana atha Aesiki: ma nau kwai kania alaofua nau eri kai nado ifana, na alaofua na kai toto si sui, bi nia ma bia kwalafana iburiana.

Ma ni nau kwai falea ifamu ma ifana kwalafaa oe ki iburiamu, fanua nei noko to ni laea iei, fanua i Kenana ni sui bana neri, ṉa fanua kamulua u boo toto si sui; ma God kera na ni nau.

Sui tha Aberahamo ka aru fafia maana, ka waela, ka soree i ruruuna, Wela wane kai futa mai ana wane na tee taleṉee fa ṉali e sui ani nia, mado? ma ni Sera, kini eri na sikwa tafulu fa ṉali e sui ania, kai thare‐wela, mado?

Ma tha God ka soree isatha Aberahamo, Ma kwaimu, na ni Serai, osi alaṉia thatana lau ani Serai; thatana na ni Sera.

Ma muki kwai kalia doṉana seemulua; ma si ade la eri na fafuilalaa ana alaofua eri imaalutaku ma ni kamulua.

Ma sui alaofua nau eri kwai kania kai ṉado bia tha Aesiki ṉa wane na ni Sera kai tharea ifamu asi maṉa eri na kera gwalua naa afa ṉali lo mai.

Ma si maṉa na kera bii thareda imaalutamulua ma kwalu fa boṉi e sui iada, keki kwai kalia wela wane eki sui bana ana unii wane kamulua ki, wela wane ne futa mai i maafera, mado keka usia mai faisia atona bana ta wane eeta na kwalafamu e a’i. Wane ne futa mai i maafera oe, ma wane no usia mai ana malefo oe, e a’i si e’i boo keki kwai kali nia: ma alaofua nau eri kai to bonaa i seemulua, na alaofua na kai toto si sui.