Versete biblice populare din GENESIS 21

Partajează

Ma tha Jihova ka thai sulia ni Sera, alafana si do ne sorea na ba, ma tha Jihova ka ilia fani Sera si ade la ne ṉata naa sulia.

Ma tha God ka roṉoa liṉana ṉata lana wela wane eri, ma angel tha God ka ’ai thatana ni Hega faisia i thalo lo, ka una eri isana, Hega ae, si ta ne uri oe? osi mamau; uria na tha God e roṉoa naa liṉana ṉata lana wela wane nei asi kula ne to mai iei. Tatae, tafoa fasi wela wane nei, oko olia i abamu; uria ni nau kwai alu nia ṉa maka totonao ana kulee toa inoto.

Uria ni Sera ka iana, ka tharea tee fa kaluwane ifatha Aberahamo asi maṉa ne arai naa, asi maṉa eri na kera gwalua naa, na tha God e faaroṉo nia mania.

Ma ni Sera ka una eri, Tha God e faawaela nau, ma toa eki sui bana na keki roṉoa, keki waela ofu bi nau.

Ma tha God ka soree isatha Aberahamo, Osi alamatai nia si ade la eri kai kulua i maamu sulia wela wane nei, ma sulia kini ni ra oe nei: asi do eki sui bana na ni Sera e ṉata sulia isamu, roṉoa fasi ṉata lana; sulaania tha Aesiki ana na keki alaṉia kwalafaa oe ana thatana.

Ma kaluwane kini ni ra eri lau boo, nau kwai alu nia ṉa maka totonao ata kulee toa, uria na kwalafamu na ni nia.