Versete biblice populare din Májiye 6

Partajează

Arijab ariŋes *Jáyi jite Atambatun ni b'ákandijene bu, abe n'aŋ'awunuun buroon bondu fe áriiwutiyen.

Náami atum'ariyinoor iŋ'ite hu kuwaatu. Kuwaatu enoŋk yeeyinoor iŋ'ite te yo. Hunak fe ni bakola bite te ho.

—Iŋ'ite ho h'eenuun fu: atum'ariyinoor uŋu buroŋ bu ni siniuun. Atum'ariyinoor uŋu doon d'ariware du buñoofo nu búhujo, nu wañ w'ariware wu bisiimo. Buroŋ bu biliikutee nu buñoofo bu, eni i yooŋ eliikutee nu wañ wu, bare me?

Bare awe af'á̱maŋi kalawu, a̱yooso t'eŋotu íiwe, a̱feŋk karuŋ ku, abe n'a̱law Faafi eeemo u toko t'ánuusee du. Abe Faafi aa ajuk bamb'á̱hin béenuusee bu n'aŋ'asiibani.

Iye a ariware fu kalawu: “Faaf uni eeemo u t'etiir, á̱hin ésuk i kéemeyi kaanuku awe a̱amo fu Atambatun eenabe u; á̱hin Jáyi júuwe jeebin; á̱hin b'á̱maŋie bu beebaj t'etaam ye naane bibaje i t'etiir.

A̱wun uni húnakonak fe buñoofo b'irisawulee bu.

A̱boŋket uni wuhoofoor w'írihine wu, naane ii iriboŋket yooŋ kiŋki kahoofoor uni.

Abe atum'a̱was uni iriiñakee ti kaahoofoor, bare a̱ram uni ti Setani.”

«Af'ariboŋket ésuk i kane kahoofooruun, Faafuun eeemo u t'etiir kaboŋketuun yooŋ.

Arijuk bilele bu: búyoosenaariit, búhotukanaariit, bínaŋaariit yooŋ ti ñíhindaa doon dite buhoofooro. Bare Faafuun eeemo u t'etiir aŋ'ákuuman bo! Ariliikeeliik ne bo?

—Atum'arikuukan ebaj t'etaam ye, t'aamo du busobit bu uŋu búbuj, n'esem, abe búkuw bu iŋi káfuw kiñaan ku kéekuwat. Ho húkoyie n'arikuukan ebaj t'etiir, t'aamo du busobit bu biyinaat kábuju, ésemaariit yooŋ, abe búkuw bu kayinaat káfuwu kiñaan ku kéekuwat. Ábuki t'ebaj íiwe eemo du, toko yooŋ t'ehel íiwe eja fu káyemi.

—Abajut an éeyinie kájeŋgin kunahaan bákasuba y'afeeneŋ. O kahaŋu kámaŋi ake, o yooŋ kahaŋu kájeŋgin ake. Ariyinaat kajoku t'Atambatun, abe n'arijok yooŋ ti sírirem.

Atambatun af'asiim ii úmiye mahos meeemo mu ti kitaaŋaat ku, abe kuwaatu mo kásufiee. Buŋ b'atuf'asiimuun ahaŋ diyu ariike, aruun kumuumuun? Háayee, káyilen koonuun kítetia teereŋ!

Bare awe af'á̱yemi ti kasarah keebajut ku, emoŋii yaamay i etum'émeyi doon d'emoŋii yaatos i eemo du ti káhinu, man kawunu kondu ni kíyemi kawunu kéenuusee. Abe Faafi aa ajuk bamb'á̱hin béenuusee bu n'aŋ'asiibani.

—Bamb'árihin bite ti bítim bite Atambatun, áriwasiyoor ti káhinu kite te bo tu buhooŋu ésuk i kaanuku keejukuun. Af'aŋ'árihin bo hágilaiin, at'aribaj hisiibanu ti Faafuun eeemo u t'etiir.

—*Af'ariwoor, atum'áritaañian ñuhooŋuuun naane ñatuuk ñu. Iŋi kákojian ñuhooŋiiin, kéewufoor ésuk i kaanuku bokondu ti baawoor. Iisokuun bifeeneŋ bu: kaheeka keebaj hisiibanu hooniin. Bare awe af'a̱woor, á̱buyino, abe n'a̱feñe hikawi, an atum'abin ámeyi kaanuku aw'ondu ti baawoor, kane arko taŋ Atambatun Faafi eeemo u toko t'ánuusee du. Abe Faafi aa ajuk bamb'á̱hin béenuusee bu n'aŋ'asiibani.