Versete biblice populare din Iivan 1

Împărtășește

No kaikile, ket vastattih Händy, Häi andoi vallan tulla Jumalan lapsikse, kaikile, ket uskotah Hänen nimeh.

Allus oli Sana. Sana oli Jumalan luo, i Sana oli Jumal.

Valgei pastau pimies, pimei ei voittanuh sidä.

Sana rodih ristikanzakse, i eli meijän keskes. Myö kaččelimmo Hänen taivahallistu valgiedu, valgiedu, kudaman Tuatto andau aino Poijale. Häi oli täyzi hyvytty da toven tundemistu.

Kai on tulluh Sanaspäi. Ni mi, mi on roinnuhes, ei ole roinnuhes Hänettäh. Hänes oli elos, i elos oli rahvahan valgei.

Tossupiänny Iivan nägi Iisusan tulemas hänen luo. Iivan sanoi: «Kačokkua! Jumalan Vuonu, kudai ottau iččeh piäle muailman riähkän!

Muailmas Häi oli, i muailmu oli roinnuhes Hänen kauti, no se ei tunnustannuh Händy. Häi tuli omah muailmah, no se ei vastannuh Händy.

Tozi valgei, kudai ozuttau tuldu jogahizele ristikanzale, oli tulos muailmah.

Zakon annettih Moisein kauti, hyvys da tozi tuldih Iisusan Hristosan kauti.