Versete biblice populare din ruumiya 5

Împărtășește

lakin eti Allah ruwezizi nyuŋwuzi ṯamɽa nana ṯuŋwun kaka enir gwu liki rugwori ta, nenyji ma Kwruztu eyzi.

na eṯinyji ṯurony ere ye mac ŋiɽaŋal ŋi ŋeḏi ṯəkiza ṯeri kizen, kaka balicenyji gwu Allah ṯamɽa ṯuŋwun ki rugwor-na reri, Ṯigɽim ṯi ṯirlinelu ter ṯimɔŋw inḏeḏa nyuŋwuzi.

na eṯir ere əkizi ṯinyiŋlana kizen ṯuɽuk mac, ṯinḏi eḏila kwaḏan; a kweḏir ŋuma kirem eḏureni ṯinyiŋlana ki ṯurfa-na ṯeri, ilŋiicar gwu eḏaruŋw, ṯurfa ṯeḏi ŋuma eḏi kikindezi ṯukwurmɔṯana, na ṯukwurmɔṯana eḏi ŋuma eḏi kikindezi ŋeḏre ŋizaw, na ŋeḏre ŋizaw eḏi ŋuma eḏi kikindezi ṯəkiza kizen

ŋwu ṯaŋwu, kaka mer nyji gwu ruzi luzuɽu-na ṯəmna ṯi, eṯir eḏi ṯamiḏina Allah yi Kweleny ŋgi kweri kweni Yecu Kwruztu. na ŋundu ŋgi tɔk eṯir eḏi ŋuma eḏi duŋgwaḏa ṯimeca nana ṯeḏi ŋimɽi, ṯeṯir gwu nani-na kirem; na eṯir nyeŋlena ki ṯəkiza-na ṯeri kizen eḏoɽmaṯi ki ŋiniṯ-na ŋeḏi Allah.

kaka mer gwu ajili nana nyiŋa cige-cigep, ma gwu lomur ṯimayini dap ta, na Kwruztu ay ŋiɽaŋal ŋi ŋeḏi lizi liki rugwori.

kaka ṯaŋwu, mer nyji ruzi luzuɽu-na ŋin ŋi ŋuŋun ta, er nyji ta kiledi ŋundu ŋgi tuc ki ŋirŋaza-na ŋeḏi Allah.

ṯaŋwu, kaka ruzer gwu lizigwunaŋi ndendeṯ liki rugwori, ŋiɽaŋal ŋi ŋeḏi ŋudurlaḏu ŋeḏi kwor kwete, er zi ṯa ruzi luru lofḏana, ŋiɽaŋal ŋi ŋeḏi ṯiniŋneḏu ṯeḏi kwor kwir ter.

ner ere orɔ ŋwu ṯuɽuk mac lakin eṯir nyeŋlena tɔk nani gwu Allah, Kweleny ŋgi kweri kweni Yecu Kwruztu.