Versete biblice populare din Матеј 5

Partajează

Ниту, пак, светило се пали и става под поклопец, туку на светилник, и им свети на сите во домот. Така нека свети пред луѓето и вашата светлина, за да ги видат вашите добри дела и да Го прослават вашиот Отец, Кој е на небесата!

Вие сте светлината на светот. Не може да се сокрие град што се наоѓа на врв планина.

Блажени се чистите по срце, зашто тие ќе Го видат Бога!

Блажени се гладните и жедните за правда, зашто тие ќе се наситат!

А јас ви велам: љубете ги своите непријатели, благословувајте ги оние што ве колнат, правете им добро на оние што ве мразат и молете се за оние што ве навредуваат и гонат

„Блажени се бедните по дух, зашто нивно е царството небесно!

Блажени се миротворците, зашто тие ќе се наречат синови Божји!

Блажени се оние што плачат, зашто тие ќе се утешат!

Блажени се гонетите заради правда, зашто нивно е царството небесно!

Блажени се милостивите, зашто тие ќе бидат помилувани!

Блажени сте кога ќе ве срамат и прогонуваат, и кога лажно ќе говорат против вас секакви лоши зборови – поради Мене! Радувајте се и веселете се, зашто голема е вашата награда на небесата! Така ги гонеа и пророците што беа пред вас.

Блажени се кротките, зашто тие ќе ја наследат земјата!

Вие сте солта на земјата. Но ако солта го изгуби вкусот, со што ќе се осоли? Таа веќе не е за ништо, освен за да се фрли надвор и да се изгази од луѓето.

И така, бидете совршени, како што е совршен вашиот Отец небесен.

Вашиот збор да биде: ’Да, да‘, или ’не, не‘, а сѐ што е повеќе од тоа, од злиот е.

Сте слушале дека е речено: ’Око за око и заб за заб.‘ А Јас ви велам: не противете му се на злиот. Ако некој те удри по дес­ниот образ, заврти му го и другиот.

Ако те соблазнува десното око, извади го и фрли го од себе; зашто подобро е за тебе да погине еден дел од твоето тело, отколку целото да биде фрлено во пеколот. И ако твојата десна рака те соблазнува, исечи ја и фрли ја од себе; зашто по­добро ти е да погине еден дел од твоето тело, от­колку целото твое тело да биде фрлено во пеколот.