Versete biblice populare din โยฮัน 14

Împărtășește

ลาฆู ซือนัง ซือลามัจ_ กู ซรัฮ บรี กะ กาเญา. กู ซือนัง ซือลามัจ กะฮามี เตอ_ กู บรี กาเญา ซือนัง ซือลามัจ กะฆีเตอ เลอ. นู กู บรี กาเญา ซือนัง ซือลามัจ กะฆีนี_ ญา ฮอย เตด ซือรูปา บือกะ นู ดือนียา บรี. กาเญา ฌางัน ฆาโดฮ ฮาตี_ ฌางัน ตาโกจ เลอ.

เยซู ตีกัฮ กะ ญา จะ_ “กู นี เลอ_ ฌาดี ฌาลัด นู อีตู_ นู บาวา ปี กราลา ตูฮัด นู ซูโงฮ_ นู บาวา ปี กะ ลาฆู ฮีโดะ เลอ. ราตา ซือมียา นู นะ มาแรฮ รอจ กะ อาโปก เดะ อาตัซ_ ฆาโดฮ มาแรฮ ฌาลัด นะ กู เลอ.

เยซู มือเลา ปูลัก จะ_ “ฌางัน บรี กาเญา นะ ฆาโดฮ ฮาตี บาญะ เลอ_ กาเญา กือนา ปือจายา กะ ตูฮัด เดะ อาตัซ_ กือนา ปือจายา กะ กู ฌูฆา เลอ.

ตาปี ซือมียา มือนูโลก อีตู_ ญา เตอ_ ฌาดี ซือมืองัจ นะ ตูฮัด_ นู อาโปก เดะ อาตัซ นะ ซูโรฮ มาแรฮ_ เดะ ปือนามา นะ กู เตอ. ญา เลอ_ นะ อาฌัยํ กาเญา_ ลาฆู ซือมูฮา_ ญา นะ บรี กาเญา บรีงัจ รอจ กะ ลาฆู ซือมูฮา_ นู กู บือเลฮ มือเลา ฌางัน กาเญา ดัฮ.

“ซือมียา ดีฮา_ นู อาดา ปือมือซัด นะ กู_ บูวัจ ตูโรจ บือกะ ปือมือซัด อีตู_ ซือมียา อีตู เลอ_ ฌาดี ซือมียา นู ซายัก กะ กู. ซือมียา นู ซายัก กะ กู เตอ_ อาโปก เดะ กู_ นะ ซายัก กะ ญา. กู โปด นะ ซายัก กะ ญา ฌูฆา_ นะ ปลีฮัจ บรี กะ ญา ลีฮัจ บือฆารี ญาวา นะ กู.” เยซู ญา จะ.

กะฆีเตอ_ กู นะ มีตา เดะ อาโปก_ ญา นะ บรี ซือมียา มือนูโลก กะ กาเญา_ ซา ลาฆี_ บีดา ญา นะ ดูโดะ บือซามา ฌางัน กาเญา_ ซือลาลู เลอ. ญา เตอ_ ฌาดี ซือมืองัจ นะ ตูฮัด นู ปลีฮัจ ลาฆู นู ซูโงฮ. ซือมืองัจ อีตู เตอ_ โกะ ซือมียา เดะ ดือนียา นะ ซาโมจ เตด บือเลฮ_ กรานา จะ_ ลีฮัจ เตด บือฆารี_ เตด กราลา ญา. ตาปี กาเญา เลอ_ กราลา ซือมืองัจ อีตู_ ซาเบะ ญา อาดา ดูโดะ บือซามา ฌางัน กาเญา_ นะ ดูโดะ เดะ ดาลับ ฮาตี นะ กาเญา เลอ.

ลาฆู นามา นู กาเญา มีตา_ เดะ ปือนามา นะ กู_ กู นะ บูวัจ ลาฆู อีตู เลอ_ บีดา จะ_ นู อาโปก เดะ อาตัซ ญา บือซรี บือซายา เตอ_ นะ ปลีฮัจ ซัฮ เดะ นานะ นะ ญา เลอ. ลาฆู นามา นู กาเญา มีตา เดะ ปือนามา นะ กู_ กู นะ บูวัจ ลาฆู อีตู เลอ.”

“ดัฮ กาเญา ซายัก กะ กู_ กาเญา นะ บูวัจ ตูโรจ กะ ปือมือซัด นะ กู.

เดะ รูมัฮ นะ อาโปก เดะ กู_ อาดา ตือปัจ บราดู บาญะ ตือปัจ. ดัฮ ฮอย กะฆีเตอ_ กู โปด_ เตด บือเลฮ มือญาเระ กะ กาเญา ดัฮ จะ_ กู นะ ปี ซียะ ตือปัจ บีดา กาเญา เลอ.

ตานา กู ปี ซียะ ตือปัจ บีดา กาเญา ดัฮ_ กู นะ บาลิ ปาเระ มาแรฮ ปูลัก เตอ_ ซาโมจ กาเญา ปี ดูโดะ บือซามา ฌางัน กู_ บีดา จะ_ ดัฮ กู นะ อาดา ดูโดะ ปัจ ดีฮา_ กาเญา โปด_ นะ อาดา ดูโดะ ปัจ อีตู ฌูฆา เลอ.

โทมัด ญา มือเลา ฌางัน เยซู จะ_ “ตูฮัด เออ_ ลูมอฮ กามี เตด ตาฮู จะ_ เกา นะ ปี ตือปัจ ดีฮา. กะฆีเตอ กามี นะ ตาฮู ฌาลัด อีตู_ บือเลฮ กะฮามี เลอ?”