Versete biblice populare din ลูกา 12

Împărtășește

กาเญา กือนา ซียะ ญาวา บรี ฆือนะ ซือลาลู ฌูฆา_ กรานา จะ_ กู นู นานะ นะ อูมัจ ซือมียา กู นะ มาแรฮ เดะ วะตู ดีฮา_ กาเญา ฮอย เตด ดัด บรีงัจ เลอ.” เยซู ญา จะ.

ตาปี กาเญา กือนา นะ บูวัจ บรี ตูฮัด ฌาดี ราฌา เดะ ฮาตี นะ กาเญา. กะฆีเตอ_ ตูฮัด โปด_ นะ บือตามัฮ บรี กะ กาเญา_ โกะ ซือบารัก อีตู ฌูฆา.”

กะฆีเตอ ญา มือเลา กะ โกะ ซือมียา ซือมูฮา จะ_ “กือนา ลีฮัจ เลอ_ ฌาฆา บรี บาฌิ_ ฌางัน บรี ฮาตี นะ กาเญา_ ฮาลูบา ซือบารัก มานามา. นู ซือมียา ดูโดะ ซือนัง เตอ_ บูกัด กรานา อาดา โกะ ซือบารัก บาญะ เลอ.”

กรานา จะ_ ซือบารัก บรือฆา นะ กาเญา_ อาดา ตือปัจ ดีฮา_ ฮาตี นะ กาเญา โปด_ อาดา ตือปัจ อีตู เลอ.”

เดะ ลูมอฮ กาเญา_ อาดา ซือมียา ดีฮา_ นู ญา ฆาโดฮ ฮาตี_ ฆามะ นะ ฮูโบก อูมอยํ นะ ญา_ บรี ปาญัก ซือฌับ ลาฆี บือเลฮ เฆอ? ฮอย เลอ.

กะฆีเตอ_ เยซู มือเลา กะ โกะ มูเระ นะ ญา จะ_ “ซาเบะ กะฆีเตอ_ กู มือญาเระ กะ กาเญา จะ_ ฌางัน ฆาโดฮ ฮาตี เดะ ลาฆู มียา มากัด จะ_ นะ อาเมด นามา มาแรฮ มากัด. ฌางัน ฆาโดฮ ฮาตี ปาซัน ญาวา นะ กาเญา จะ_ นะ อาเมด กาเยด นามา มาแรฮ ปากัย เตอ.

รอจ กะ โบะ นะ กาเญา โปด_ ตูฮัด ญา กีรา ตาฮู จะ_ อาดา บราปา อูรัจ. ฌางัน ตาโกจ เลอ_ กาเญา อาดา รือฆา_ ลือเบฮ เดะ บูโรก จียะ รายา_ บาญะ อีโกยํ เลอ.”

“โอ กาวัด กาเมก นู กิดีกิ เออ_ ฌางัน ตาโกจ เลอ_ กรานา จะ_ อาโปก นะ กาเญา ญา ซูกา ฮาตี นะ บรี กาเญา ปือบือลา บือซามา_ เดะ ดือนียา บารู นะ ญา เลอ.

กือนา บรีงัจ เลอ_ กะ โกะ บูโรก ดือนัก. กูญา เตด ตานัม นามา_ เตด กือตับ ปาดี เลอ_ ญา ฮอย ดาเงา_ ฮอย ตือปัจ นะ ปูงอจ ตาโรฮ โกะ ลูโงะ ปาดี โปด. ตาปี ตูฮัด เดะ อาตัซ_ ญา บูวัจ บรี กูญา อาดา ซือบารัก มากัด_ ฆือนะ ดัฮ. กาเญา อาดา รือฆา บาฌิ_ บาญะ ลือเบฮ เดะ บูโรก เลอ.

“กะฆีเตอ_ กาเญา ฌางัน ฆาโดฮ ฮาตี มียา ซือบารัก นะ มากัด_ ซือบารัก นะ โอะ เตอ. ฌางัน ฆาโดฮ ฮาตี บาญะ กะฆีเตอ เลอ.

โกะ รูโปจ อีตู เตอ_ อารี อีนี อาดา เดะ บือนัก_ มัฮปาฆี_ ญา กือนา ตูนู เดะ อาปี ฮาบิฮ ดัฮ. ตาปี รูโปจ อีตู โปด_ ตูฮัด เดะ อาตัซ นะ บูวัจ บรี ญา บือปากัย บาฌิ กะฆีเตอ เลอ. เออ กาเญา_ ซือมียา นู กูรัก ปือจายา เลอ_ กือนา อีงัจ จะ_ ซูโงฮ เลอ_ ตูฮัด เดะ อาตัซ นะ บูวัจ บรี กาเญา บือเลฮ บือปากัย บาฌิ_ ลือเบฮ เดะ บูงา อีตู ปูลัก เลอ.

ตาปี ลาฆู มานามา_ นู ตูโดก บรี ลีฮัจ เตด บือฆารี ดัฮ_ นะ กือนา ปลีฮัจ ซัฮ ซือมูฮา. ลาฆู มานามา นู บูนี ดัฮ_ นะ กือนา บูวัจ บรี ตาฮู ราตาๆ.