Versete biblice populare din 2 Xa̱bo̱ Korínto̱ 9

Împărtășește

Jamí Ana̱ꞌlóꞌ gíꞌdoo̱ tsiakhe̱ rí ma̱ꞌnii̱ rí jámba̱ miꞌtsú ma̱nújngo-rámuu ma̱ri̱gá mbá xúgíí inii rí ndaꞌyálaꞌ. A̱ꞌkhue̱n rí ma̱xáꞌyálaꞌ nitháan rí ma̱juwamalaꞌ, jamí asndo ma̱pi̱ꞌdúun gúne̱laꞌ kajngó ma̱goo mu̱mbáñúúlaꞌ i̱ꞌwíin xa̱bo̱.

Mbámbáa gáxná xómá niꞌgí-mina̱ꞌ ná awúun a̱kui̱in rí maxná. Ma̱xáxnée̱ ga̱jma̱á sia̱nꞌ, ni máꞌ ga̱jma̱á tsiakhe̱, numuu rí Ana̱ꞌlóꞌ phú nandoo̱ jaꞌyoo̱ xa̱bo̱ tsí gagi a̱kui̱in naxná.

Ga̱rmáꞌáan a̱kia̱nꞌlaꞌ ríge̱ꞌ: Tsí na̱nguá máꞌ mba̱a̱ iꞌdu, na̱nguá máꞌ mba̱a̱ rí maguu̱ mangaa. Xómáꞌ tsí naꞌdu mba̱a̱, mba̱a̱ máꞌ rí maguu̱ mangaa.

Ana̱ꞌlóꞌ naxnúu tsíga xa̱bo̱ tsí naꞌdu, jamí naꞌnii̱ rí ma̱ri̱gá guma kajngó ma̱kuiꞌtsii̱. Ikhaa̱ máꞌ maxnálaꞌ mbá xúgíí tsíga rí ndaꞌyóo mu̱dulaꞌ mangáanꞌlaꞌ, xúꞌkhue̱n máꞌ ma̱ꞌnii̱ rí mba̱ꞌya ne̱, kajngó phú ma̱jma̱a̱ rí máján gúne̱laꞌ. Xkuaꞌnii kajngó ma̱guaꞌdáálaꞌ mbá xúgíí inii rí máján, kajngó ma̱goo mu̱xna̱laꞌ mba̱a̱ rí guáꞌdáálaꞌ. Ído̱ rí ikháanꞌxo̱ꞌ mu̱ꞌguá ju̱ya̱ꞌxo̱ꞌ mbúkha̱a̱ rí mu̱wa̱a gúne̱laꞌ, phú mbaꞌiin a̱ngia̱nꞌlóꞌ mu̱rígu̱u gamaku inuu Ana̱ꞌlóꞌ.

Núma̱aꞌ la Ana̱ꞌlóꞌ ga̱jma̱á numuu rí nixnálóꞌ, rí tsíꞌngo̱o̱ ajngálóꞌ mu̱ꞌthánlóꞌ xáne jaꞌnii.