Versete biblice populare din Rí nene̱ 1

Împărtășește

I̱ndo̱ó máꞌ numuu rí ikháanꞌlaꞌ mu̱drígúlaꞌ tsiakhe̱, ído̱ gáꞌkha̱ Xu̱u̱ꞌ Ana̱ꞌlóꞌ ga̱jma̱á nindxa̱ꞌlaꞌ, a̱ꞌkhue̱n mu̱tha̱nlaꞌ rí gakon ga̱jma̱á numuꞌ ná Jerusalén, mbá xúgíí numbaa Judéa̱, ná numbaa Samária̱, jamí asndo ná ndámba̱-ri̱go̱o̱ rawuun numbaa.

Xómáꞌ ikhaa̱ niꞌthúu̱n: ―Ra̱jáꞌyalaꞌ ikháanꞌlaꞌ mbu̱ya̱á náá mbiꞌi gáꞌne o nguáná gáꞌne rí niꞌgí-mina̱ꞌ ikhaa Ana̱ꞌlóꞌ ma̱ꞌne.

Jamí nákhí rí mbóó xtáa̱ gajmíi̱, nixná-ñájúu̱n ríge̱ꞌ: «Ma̱xágájnalaꞌ ná Jerusalén, aguaꞌthi̱ínlaꞌ tsí nixuda-mina̱ꞌ Ana̱ꞌlóꞌ rí ma̱ꞌkha̱, ikhaa tsí ni̱tha̱nꞌlaꞌ máꞌ ga̱jma̱á numuu. Gakon máꞌ rí Juáán nixúꞌdu-maꞌíin xa̱bo̱ ná awúun iya, xómáꞌ Ana̱ꞌlóꞌ ma̱ꞌne rí ikháanꞌlaꞌ mu̱dríguíilaꞌ Xu̱u̱ꞌ awúun rí i̱mbá wátha̱ máwáa mbiꞌi rí na̱ꞌkha̱ ge̱jyoꞌ».

Ikhiin máꞌ tsúꞌkhue̱n nisngájma-mine̱e̱ꞌ ná inúú, ído̱ rí wámba̱ nimínu̱u̱ꞌ. Mbaꞌa rí niꞌnii̱ ná inúú kajngó mbuyáa̱ rí gakon rí xtáa̱ ndaꞌyee̱. A̱jma̱ skíñú (40) mbiꞌi ni̱ka̱-rasngájma-mine̱e̱ꞌ ná inúú, xúꞌkhue̱n máꞌ ni̱ka̱-raꞌthúu̱n ga̱jma̱á numuu rí Ana̱ꞌlóꞌ ñajuun tsí naꞌthán-ñájúún xa̱bo̱.

Ído̱ wámbo̱o̱ niꞌthée̱n ajngáa rúꞌkhue̱n, jamí awúun máꞌ rí ikhii̱n nu̱ya̱xíi̱, a̱ꞌkhue̱n ndiyáa̱ rí na̱ka̱ jiꞌyáa̱ mikhuíí, asndo rí mbá du̱u̱n nirkaꞌwii̱ ná inúu̱, jamí nánguá máꞌ ndiyáa̱.

Xómáꞌ ikhii̱n wéje̱ idúu̱n nu̱ya̱xi̱i̱ ná mikhu awúun máꞌ rí ikhaa̱ na̱ka̱-raꞌne-tsíngo̱o̱ꞌ. A̱ꞌkhue̱n ni̱xu̱ꞌma-mijná a̱jmi̱i xa̱bekha tsí miꞌxá xtíñúú ná nijñúu̱. Ikhiin tsúꞌkhue̱n nithan: «Xa̱bo̱ buanuu tsáanꞌ naguwalaꞌ ná numbaa Galiléa̱, náá numuu kajngó nu̱ya̱xe̱laꞌ ná mikhu róꞌ. Ikhaa máꞌ Jesús tsíge̱ꞌ, tsí watríya̱aꞌ ná majña̱ꞌlaꞌ, ni̱ka̱ jiꞌyáa̱ mikhuíí. Xómá ndi̱ya̱álaꞌ rí na̱kaa̱ mikhuíí xkuaꞌnii máꞌ ma̱ꞌkhaa̱».