Versete biblice populare din Márko̱s 16

Împărtășește

A̱ꞌkhue̱n niꞌthúu̱n: «Gaꞌgualaꞌ mbá xúgíí numbaa, jamí gu̱tha̱n-rúꞌúúnlaꞌ mbá xúgíin xa̱bo̱ ajngáa máján.

Jamí ikhaa rí phú wáá ríge̱ꞌ mune̱ tsí nanimbu̱únꞌ juyeꞌ: ga̱jma̱á mbiꞌyuꞌ mu̱xkawíi̱n gíñá ꞌguéen, muthee̱n i̱ꞌwá ajngáa rí nuthan xa̱bo̱, mu̱ra̱tuu̱n a̱bo̱ꞌ ga̱jma̱á ñawúu̱n, xí mu̱wa̱a̱n mbá thana xkawe̱ꞌ, nda̱a̱ rí gágíꞌníi̱ gáꞌne ne̱. Xúꞌkhue̱n máꞌ mu̱xkra̱mii̱ xa̱bo̱ tsí najáñúú, jamí ikhii̱n ma̱ꞌnii̱ a̱kuíi̱n».

Jamí tsí ma̱nimbo̱o̱ꞌ jaꞌyoo ajngáa máján, xúꞌkhue̱n máꞌ mi̱xúꞌdu-maꞌáa̱n ná awúun iya, tsúꞌkhue̱n ma̱jríya̱a̱ꞌ. Xómáꞌ tsí ma̱xánimbo̱o̱ꞌ rá, tsúꞌkhue̱n mamínu̱u̱ꞌ jámuu ga̱jma̱á numuu aꞌkhúun.

A̱ꞌkhue̱n ikhii̱n nigájnúu̱ nigóo̱ gúthan-raꞌee̱ a̱pha̱ mbá xúgíí inuu numbaa. Jamí Táta̱ Jesús nambáñúu̱ rí muni̱i̱ rí phú wáá, rí nasngájma rí gakon ajngáa máján rí nuthee̱n. Xkuaꞌnii gáꞌne.]

Xómáꞌ ikhaa̱ niꞌthúu̱n: «Ma̱xámíñalaꞌ. Ikháanꞌlaꞌ ndu̱ꞌyáalaꞌ Jesús tsí na̱ꞌkha̱ ná Nasarét, tsí waꞌdujmaa ná ixe̱ krúsi̱. Ndiyáa̱ mbiꞌyuu̱, ndawa̱a̱ ge̱jyoꞌ. Gu̱ya̱xe̱laꞌ ná nibóo xuyuu̱.

Ído̱ niguáꞌníi̱ ikhín, a̱ꞌkhue̱n ni̱ya̱xi̱i̱ jamí ndiyáa̱ rí itsí rí maphú mba̱a̱, ni̱gi̱xe̱ngaa máꞌ ne̱, ka̱ma ne̱ janíí. Ído̱ ni̱tu̱ꞌwúu̱n ná awúun iñá-wajen, a̱ꞌkhue̱n ndiyáa̱ mbáa dxáma júwuun mbá xtíin miꞌxá mbijwa̱ꞌ, ꞌgíi̱ ná ñawún mújúu̱n ikhii̱n. A̱ꞌkhue̱n maphú nimíñúú go̱ꞌo̱.