Lukas 10
10
Yexus Txib Xyacaum-Ob Leeg Mus Qhia Txoj Moo Zoo
1Tomqab ntawd tus Tswv xaiv dua xyacaum-ob#10:1: xyacaum-ob; tej phau ntawv qub uas xuas tes sau, muaj xyacaum. leeg, muab lawv faib ua ib pab twg ob leeg thiab txib lawv ua Nws ntej mus rau txhua lub nroog thiab txhua thaj chaw uas Nws yuav mus. 2Yexus hais rau lawv tias, “Cov nplej uas zoo hlais lawm muaj ntau, tiamsis cov tubzog uas hlais muaj tsawg. Nej ciali thov tus tswv teb kom nws txib dua ib co tubzog mus pab hlais nws cov nplej. #Math 9:37-38 3Ciali mus! Kuv txib nej mus zooli pab yaj uas mus nyob hauv plawv pab hma. #Math 10:16 4Nej tsis txhob nqa hnab nyiaj lossis hnab thoobpuab lossis khau; txawm nej ntsib leejtwg tom tej kev, los nej tsis txhob nrog tus ntawd thampem. #Math 10:7-14; Malak 6:8-11; Lukas 9:3-5
5“Thaum nej mus rau hauv leejtwg tsev, nej yuavtsum xub hais tias, ‘Thov Vajtswv pub kev nyabxeeb rau tsev neeg no.’ 6Yog tsev neeg ntawd muaj ib tug xav tau kev nyabxeeb, ces cia txoj kev nyabxeeb uas nej hais ntawd nrog nws nyob. Tiamsis yog tsis muaj, ces cia tej kev nyabxeeb ntawd rov los rau ntawm nej. 7Nej yuavtsum nyob hauv lub tsev ntawd xwb; lawv pub rau nej noj thiab haus licas, los nej ciali noj thiab haus li ntawd. Rauqhov tus tubzog yeej tsimnyog tau txais nws tej nqizog. Tsis txhob pheej tawm hauv ib lub tsev mus rau lwm lub tsev. #1Klt 9:14; 1Tim 5:18
8“Thaum nej mus txog lub nroog twg, yog cov neeg ntawd tostxais nej, ces nej ciali noj tej zaub-mov uas lawv ua rau nej noj, 9nej ciali kho tej neeg uas muaj mob hauv lub nroog ntawd, thiab qhia rau cov neeg ntawd paub tias ‘Vajtswv lub Tebchaws twb los ze nej lawm.’ 10Tiamsis thaum nej mus txog hauv lub nroog twg uas tsis muaj neeg tostxais nej, nej ciali tawm mus rau tom tej kev thiab hais tias, #Teshl 13:51 11‘Txawm yog tej nyuag hmoov av hauv nej lub nroog uas lo peb kotaw los peb yuav muab so cia poob mus ua kev tawmtsam nej. Tiamsis kom nej ncontsoov tias Vajtswv lub Tebchaws twb los ze nej lawm!’ 12Kuv qhia tseeb rau nej hais tias, thaum txog Hnub Txiavtxim, Vajtswv tseem yuav rautxim rau lub nroog ntawd hnyav dua li thaum Nws rautxim rau lub nroog Xaudoos! #Chiv 19:24-28; Math 11:24; Math 10:15
Tej Nroog Uas Tsis Ntseeg
(Mathais 11:20-24)
13“Lub nroog Khaulaxees, koj yuav raug kev puastsuaj lau! Lub nroog Npexaidas los tibyam nkaus thiab, koj yuav raug kev puastsuaj lau! Kheevlam tej txujci tseemceeb uas tau ua rau neb pom lawm, yog ua nyob rau hauv lub nroog Thailes thiab lub nroog Xidoos, ces ntshe cov neeg uas nyob hauv ob lub nroog ntawd twb xub muab hnabtsaj los npua zaum thiab tsuab tshauv nphoo lawv ibce, qhia hais tias lawv twb tso lawv tej kev txhaum tseg puag thaum ntxov los lawm! #Yaxaya 23:1-18; Exek 26:1—28:26; Yau 3:4-8; Amaus 1:9-10; Xekhali 9:2-4 14Thaum txog Hnub Txiavtxim, Vajtswv tseem yuav tabncuab lub nroog Thailes thiab lub nroog Xidoos tshaj li uas Nws tabncuab neb. 15Lub nroog Kapena-us, koj yuav tsav koj lub hwjchim kom siab mus txij ntuj no lov? Koj yuav raug muab pov mus rau hauv ntujtawg lau!” #Yaxaya 14:13-15
16Yexus hais rau Nws cov thwjtim hais tias, “Tus uas mloog nej lus, tus ntawd yeej mloog Kuv lus. Tus uas tsis lees paub nej, tus ntawd yeej tsis lees paub Kuv; thiab tus uas tsis lees paub Kuv, tus ntawd yeej tsis lees paub tus uas txib Kuv los.” #Math 10:40; Malak 9:37; Lukas 9:48; Yauh 13:20
Xyacaum-Ob Leeg Rovqab Los
17Thaum xyacaum-ob#10:17: xyacaum-ob; tej phau ntawv qub uas xuas tes sau, muaj xyacaum (saib nqe 1). leeg thwjtim rovqab los, lawv zoosiab kawg li. Lawv hais rau Yexus tias, “Tus Tswv, thaum peb tuav Koj lub npe, dab kuj mloog peb lus thiab!”
18Yexus teb lawv hais tias, “Kuv pom Xatas poob saum ntuj los ib yam li xob laim. 19Nej ua tibzoo mloog! Kuv twb pub hwjchim rau nej kom nej tsuj tau nab thiab raubris teb, thiab nej muaj peevxwm kovyeej txhua yam hwjchim uas los ntawm tus Yeebncuab los; yuav tsis muaj ib yam dabtsi ua rau nej raug mob. #Nnkauj 91:13 20Txawm li ntawd los nej tsis txhob zoosiab vim tej ntsujplig phem ntawd mloog nej lus; tiamsis nej ciali zoosiab vim qhov uas Vajtswv twb sau nej lub npe cia rau saum ntuj ceebtsheej lawm.”
Yexus Zoosiab
(Mathais 11:25-27; 13:16-17)
21Thaum ntawd Vaj Ntsujplig tus Dawbhuv#10:21: Vaj Ntsujplig tus Dawbhuv; tej phau ntawv qub uas xuas tes sau, muaj Vaj Ntsujplig; lwm phau hais tias Nws tus ntsujplig ua rau Yexus puvnpo txoj kev zoosiab, Nws thiaj hais tias, “Txiv, tus Tswv uas kav lub ntuj thiab lub ntiajteb! Kuv ua Koj tsaug rauqhov Koj tau muab tej no zais cia tsis qhia rau cov neeg uas muaj tswvyim thiab txawjntse paub, tiamsis Koj ho muab qhia rau cov neeg uas tsis txawj tsis ntse paub. Yog lawm, Txiv, qhov no yog qhov uas Koj yeej pomzoo kom muaj li ntawd.
22“Kuv Txiv twb muab ibpuas tsavyam rau Kuv lawm. Tsis muaj leejtwg paub tias Leejtub yog leejtwg, tsuas yog Leejtxiv thiaj paub xwb, thiab tsis muaj leejtwg paub tias Leejtxiv yog leejtwg, tsuas yog Leejtub thiab cov uas Leejtub pomzoo qhia rau thiaj paub xwb.” #Yauh 3:35; Yauh 10:15
23Yexus txawm tig mus hais twjywm rau cov thwjtim hais tias, “Yog ib qho koobhmoov zoo kawg li, nej thiaj pom tej no! 24Kuv qhia rau nej hais tias cov xibhwb cev Vajtswv lus thiab cov vajntxwv ntau leej xav pom tej uas nej pom no los lawv twb tsis pom, thiab lawv xav hnov tej uas nej hnov no los lawv twb tsis tau hnov.”
Zaj Lus Pivtxwv Uas Hais Txog Tus Neeg Xamalis Siabzoo
25Muaj ib zaug, ib tug xibhwb qhia Kevcai txawm sawvtsees thom Yexus hais tias, “Xibhwb, kuv yuav ua licas es kuv thiaj tau txojsia ntev dhawv mus ibtxhis?”
26Yexus teb nws hais tias, “Nyob hauv txoj Kevcai tau sau tseg licas? Thaum koj nyeem ne koj totaub licas?”
27Tus txivneej ntawd teb tias, “ ‘Koj yuavtsum hlub tus Tswv uas yog koj tus Vajtswv, kom kawg siab kawg ntsws, kawg plab kawg plawv, kawg dag kawg zog, thiab kawg lajlim tswvyim’; thiab ‘Koj yuavtsum hlub koj tus kwvtij zejzog ib yam li koj hlub koj tuskheej.’ ”
28Yexus teb tias, “Koj hais raug lawm; koj ua li ntawd ces koj yeej yuav tau txojsia xwb.”
29Tiamsis tus xibhwb ntawd xav qhuas hais tias nws yog tus ncajncees, ces nws txawm nug Yexus hais tias, “Tus twg thiaj yog kuv tus kwvtij zejzog?”
30Yexus teb tias, “Muaj ib tug txivneej uas taug kev ntawm lub nroog Yeluxalees mus rau nram lub nroog Yelikaus, tau raug tubsab ua phem rau nws; lawv muab nws tej ristsho lwg tas, thiab muab nws ntaus yuavluag tuag tso rau ntawm kev. 31Thaum ntawd kuj muaj ib tug povthawj hlob taug txojkev ntawd tuaj thiab, thaum nws pom tus txivneej ntawd, nws txawm lug kev mus lawm. 32Tibyam nkaus li ntawd, muaj ib tug neeg Levis taug kev tuaj txog ntawd thiab, nws mus xauj tus txivneej ntawd ib muag ces nws txawm lug kev mus lawm thiab.
33“Tiamsis muaj ib tug neeg Xamalis taug kev tuaj txog ntawm tus txivneej ntawd; thaum nws pom tus txivneej ntawd, nws hlub tus txivneej ntawd heev. #2Xwm 28:15 34Nws txav zog mus saib, nws txawm muab kiag roj thiab cawv txivhmab los hliv rau tus txivneej ntawd tej qhovtxhab thiab muab ntaub qhwv rau; ces nws txawm tsaws tus txivneej ntawd rau saum nws tus nees thiab coj tus txivneej ntawd mus pw tom ib lub tsevso thiab tu tus txivneej ntawd. 35Hnub tomqab, tus neeg Xamalis txawm muab tau ob npib#10:35: Lus Kilis yog ob denalis. nyiaj rau tus tswv ntawm lub tsevso thiab hais tias, ‘Thov koj pab tu tus txivneej no; yog koj ho siv tshaj lawm los thaum kuv rovqab los, kuv mamli ntxiv rov rau koj.’ ”
36Thaum xaus, Yexus thiaj nug nws hais tias, “Koj sim xav seb, peb tug no, tus twg thiaj yog tus neeg raug tubsab ntaus ntawd li kwvtij zejzog?”
37Tus xibhwb uas qhia Kevcai teb tias, “Yog tus uas muaj lub siab tabncuab tus uas raug ntaus ntawd.”
Yexus hais rau nws tias, “Yogli, ces koj ciali mus thiab ua nkaus li ntawd.”
Yexus Mus Saib Mathas Thiab Malis
38Thaum Yexus thiab Nws cov thwjtim taug kev mus, Yexus txawm mus txog hauv ib lub zos, muaj ib tug pojniam hu ua Mathas tau tostxais Yexus mus so hauv nws tsev. #Yauh 11:1 39Mathas muaj ib tug niamhluas hu ua Malis, nws txawm ciali los nyob ze ntawm Yexus kotaw thiab mloog Nws tej lus qhia. 40Mathas ntxhovsiab rau ntau yam haujlwm uas nws yuavtsum tau ua, nws thiaj los hais rau Yexus hais tias, “Tus Tswv, kuv tus niamhluas cia kuv tibleeg ua haujlwm xwb los Koj txawm kavliam li lov? Koj hais kom nws ciali los pab kuv!”
41Tus Tswv teb tias, “Mathas, Mathas 'e! Koj txhawj thiab ntxhovsiab rau ntau yam haujlwm kawg li, 42tiamsis tsuas muaj ib yam thiaj cheemtsum xwb. Malis twb xaiv tau yam uas zoo ntawd lawm, yeej tsis muaj leejtwg yuav txeeb tau yam ntawd tawm ntawm nws mus li.”
Selectat acum:
Lukas 10: MWW2022
Evidențiere
Împărtășește
Copiază
Dorești să ai evidențierile salvate pe toate dispozitivele? Înscrie-te sau conectează-te
© 2022 United Bible Societies. All rights reserved.
Lukas 10
10
Yexus Txib Xyacaum-Ob Leeg Mus Qhia Txoj Moo Zoo
1Tomqab ntawd tus Tswv xaiv dua xyacaum-ob#10:1: xyacaum-ob; tej phau ntawv qub uas xuas tes sau, muaj xyacaum. leeg, muab lawv faib ua ib pab twg ob leeg thiab txib lawv ua Nws ntej mus rau txhua lub nroog thiab txhua thaj chaw uas Nws yuav mus. 2Yexus hais rau lawv tias, “Cov nplej uas zoo hlais lawm muaj ntau, tiamsis cov tubzog uas hlais muaj tsawg. Nej ciali thov tus tswv teb kom nws txib dua ib co tubzog mus pab hlais nws cov nplej. #Math 9:37-38 3Ciali mus! Kuv txib nej mus zooli pab yaj uas mus nyob hauv plawv pab hma. #Math 10:16 4Nej tsis txhob nqa hnab nyiaj lossis hnab thoobpuab lossis khau; txawm nej ntsib leejtwg tom tej kev, los nej tsis txhob nrog tus ntawd thampem. #Math 10:7-14; Malak 6:8-11; Lukas 9:3-5
5“Thaum nej mus rau hauv leejtwg tsev, nej yuavtsum xub hais tias, ‘Thov Vajtswv pub kev nyabxeeb rau tsev neeg no.’ 6Yog tsev neeg ntawd muaj ib tug xav tau kev nyabxeeb, ces cia txoj kev nyabxeeb uas nej hais ntawd nrog nws nyob. Tiamsis yog tsis muaj, ces cia tej kev nyabxeeb ntawd rov los rau ntawm nej. 7Nej yuavtsum nyob hauv lub tsev ntawd xwb; lawv pub rau nej noj thiab haus licas, los nej ciali noj thiab haus li ntawd. Rauqhov tus tubzog yeej tsimnyog tau txais nws tej nqizog. Tsis txhob pheej tawm hauv ib lub tsev mus rau lwm lub tsev. #1Klt 9:14; 1Tim 5:18
8“Thaum nej mus txog lub nroog twg, yog cov neeg ntawd tostxais nej, ces nej ciali noj tej zaub-mov uas lawv ua rau nej noj, 9nej ciali kho tej neeg uas muaj mob hauv lub nroog ntawd, thiab qhia rau cov neeg ntawd paub tias ‘Vajtswv lub Tebchaws twb los ze nej lawm.’ 10Tiamsis thaum nej mus txog hauv lub nroog twg uas tsis muaj neeg tostxais nej, nej ciali tawm mus rau tom tej kev thiab hais tias, #Teshl 13:51 11‘Txawm yog tej nyuag hmoov av hauv nej lub nroog uas lo peb kotaw los peb yuav muab so cia poob mus ua kev tawmtsam nej. Tiamsis kom nej ncontsoov tias Vajtswv lub Tebchaws twb los ze nej lawm!’ 12Kuv qhia tseeb rau nej hais tias, thaum txog Hnub Txiavtxim, Vajtswv tseem yuav rautxim rau lub nroog ntawd hnyav dua li thaum Nws rautxim rau lub nroog Xaudoos! #Chiv 19:24-28; Math 11:24; Math 10:15
Tej Nroog Uas Tsis Ntseeg
(Mathais 11:20-24)
13“Lub nroog Khaulaxees, koj yuav raug kev puastsuaj lau! Lub nroog Npexaidas los tibyam nkaus thiab, koj yuav raug kev puastsuaj lau! Kheevlam tej txujci tseemceeb uas tau ua rau neb pom lawm, yog ua nyob rau hauv lub nroog Thailes thiab lub nroog Xidoos, ces ntshe cov neeg uas nyob hauv ob lub nroog ntawd twb xub muab hnabtsaj los npua zaum thiab tsuab tshauv nphoo lawv ibce, qhia hais tias lawv twb tso lawv tej kev txhaum tseg puag thaum ntxov los lawm! #Yaxaya 23:1-18; Exek 26:1—28:26; Yau 3:4-8; Amaus 1:9-10; Xekhali 9:2-4 14Thaum txog Hnub Txiavtxim, Vajtswv tseem yuav tabncuab lub nroog Thailes thiab lub nroog Xidoos tshaj li uas Nws tabncuab neb. 15Lub nroog Kapena-us, koj yuav tsav koj lub hwjchim kom siab mus txij ntuj no lov? Koj yuav raug muab pov mus rau hauv ntujtawg lau!” #Yaxaya 14:13-15
16Yexus hais rau Nws cov thwjtim hais tias, “Tus uas mloog nej lus, tus ntawd yeej mloog Kuv lus. Tus uas tsis lees paub nej, tus ntawd yeej tsis lees paub Kuv; thiab tus uas tsis lees paub Kuv, tus ntawd yeej tsis lees paub tus uas txib Kuv los.” #Math 10:40; Malak 9:37; Lukas 9:48; Yauh 13:20
Xyacaum-Ob Leeg Rovqab Los
17Thaum xyacaum-ob#10:17: xyacaum-ob; tej phau ntawv qub uas xuas tes sau, muaj xyacaum (saib nqe 1). leeg thwjtim rovqab los, lawv zoosiab kawg li. Lawv hais rau Yexus tias, “Tus Tswv, thaum peb tuav Koj lub npe, dab kuj mloog peb lus thiab!”
18Yexus teb lawv hais tias, “Kuv pom Xatas poob saum ntuj los ib yam li xob laim. 19Nej ua tibzoo mloog! Kuv twb pub hwjchim rau nej kom nej tsuj tau nab thiab raubris teb, thiab nej muaj peevxwm kovyeej txhua yam hwjchim uas los ntawm tus Yeebncuab los; yuav tsis muaj ib yam dabtsi ua rau nej raug mob. #Nnkauj 91:13 20Txawm li ntawd los nej tsis txhob zoosiab vim tej ntsujplig phem ntawd mloog nej lus; tiamsis nej ciali zoosiab vim qhov uas Vajtswv twb sau nej lub npe cia rau saum ntuj ceebtsheej lawm.”
Yexus Zoosiab
(Mathais 11:25-27; 13:16-17)
21Thaum ntawd Vaj Ntsujplig tus Dawbhuv#10:21: Vaj Ntsujplig tus Dawbhuv; tej phau ntawv qub uas xuas tes sau, muaj Vaj Ntsujplig; lwm phau hais tias Nws tus ntsujplig ua rau Yexus puvnpo txoj kev zoosiab, Nws thiaj hais tias, “Txiv, tus Tswv uas kav lub ntuj thiab lub ntiajteb! Kuv ua Koj tsaug rauqhov Koj tau muab tej no zais cia tsis qhia rau cov neeg uas muaj tswvyim thiab txawjntse paub, tiamsis Koj ho muab qhia rau cov neeg uas tsis txawj tsis ntse paub. Yog lawm, Txiv, qhov no yog qhov uas Koj yeej pomzoo kom muaj li ntawd.
22“Kuv Txiv twb muab ibpuas tsavyam rau Kuv lawm. Tsis muaj leejtwg paub tias Leejtub yog leejtwg, tsuas yog Leejtxiv thiaj paub xwb, thiab tsis muaj leejtwg paub tias Leejtxiv yog leejtwg, tsuas yog Leejtub thiab cov uas Leejtub pomzoo qhia rau thiaj paub xwb.” #Yauh 3:35; Yauh 10:15
23Yexus txawm tig mus hais twjywm rau cov thwjtim hais tias, “Yog ib qho koobhmoov zoo kawg li, nej thiaj pom tej no! 24Kuv qhia rau nej hais tias cov xibhwb cev Vajtswv lus thiab cov vajntxwv ntau leej xav pom tej uas nej pom no los lawv twb tsis pom, thiab lawv xav hnov tej uas nej hnov no los lawv twb tsis tau hnov.”
Zaj Lus Pivtxwv Uas Hais Txog Tus Neeg Xamalis Siabzoo
25Muaj ib zaug, ib tug xibhwb qhia Kevcai txawm sawvtsees thom Yexus hais tias, “Xibhwb, kuv yuav ua licas es kuv thiaj tau txojsia ntev dhawv mus ibtxhis?”
26Yexus teb nws hais tias, “Nyob hauv txoj Kevcai tau sau tseg licas? Thaum koj nyeem ne koj totaub licas?”
27Tus txivneej ntawd teb tias, “ ‘Koj yuavtsum hlub tus Tswv uas yog koj tus Vajtswv, kom kawg siab kawg ntsws, kawg plab kawg plawv, kawg dag kawg zog, thiab kawg lajlim tswvyim’; thiab ‘Koj yuavtsum hlub koj tus kwvtij zejzog ib yam li koj hlub koj tuskheej.’ ”
28Yexus teb tias, “Koj hais raug lawm; koj ua li ntawd ces koj yeej yuav tau txojsia xwb.”
29Tiamsis tus xibhwb ntawd xav qhuas hais tias nws yog tus ncajncees, ces nws txawm nug Yexus hais tias, “Tus twg thiaj yog kuv tus kwvtij zejzog?”
30Yexus teb tias, “Muaj ib tug txivneej uas taug kev ntawm lub nroog Yeluxalees mus rau nram lub nroog Yelikaus, tau raug tubsab ua phem rau nws; lawv muab nws tej ristsho lwg tas, thiab muab nws ntaus yuavluag tuag tso rau ntawm kev. 31Thaum ntawd kuj muaj ib tug povthawj hlob taug txojkev ntawd tuaj thiab, thaum nws pom tus txivneej ntawd, nws txawm lug kev mus lawm. 32Tibyam nkaus li ntawd, muaj ib tug neeg Levis taug kev tuaj txog ntawd thiab, nws mus xauj tus txivneej ntawd ib muag ces nws txawm lug kev mus lawm thiab.
33“Tiamsis muaj ib tug neeg Xamalis taug kev tuaj txog ntawm tus txivneej ntawd; thaum nws pom tus txivneej ntawd, nws hlub tus txivneej ntawd heev. #2Xwm 28:15 34Nws txav zog mus saib, nws txawm muab kiag roj thiab cawv txivhmab los hliv rau tus txivneej ntawd tej qhovtxhab thiab muab ntaub qhwv rau; ces nws txawm tsaws tus txivneej ntawd rau saum nws tus nees thiab coj tus txivneej ntawd mus pw tom ib lub tsevso thiab tu tus txivneej ntawd. 35Hnub tomqab, tus neeg Xamalis txawm muab tau ob npib#10:35: Lus Kilis yog ob denalis. nyiaj rau tus tswv ntawm lub tsevso thiab hais tias, ‘Thov koj pab tu tus txivneej no; yog koj ho siv tshaj lawm los thaum kuv rovqab los, kuv mamli ntxiv rov rau koj.’ ”
36Thaum xaus, Yexus thiaj nug nws hais tias, “Koj sim xav seb, peb tug no, tus twg thiaj yog tus neeg raug tubsab ntaus ntawd li kwvtij zejzog?”
37Tus xibhwb uas qhia Kevcai teb tias, “Yog tus uas muaj lub siab tabncuab tus uas raug ntaus ntawd.”
Yexus hais rau nws tias, “Yogli, ces koj ciali mus thiab ua nkaus li ntawd.”
Yexus Mus Saib Mathas Thiab Malis
38Thaum Yexus thiab Nws cov thwjtim taug kev mus, Yexus txawm mus txog hauv ib lub zos, muaj ib tug pojniam hu ua Mathas tau tostxais Yexus mus so hauv nws tsev. #Yauh 11:1 39Mathas muaj ib tug niamhluas hu ua Malis, nws txawm ciali los nyob ze ntawm Yexus kotaw thiab mloog Nws tej lus qhia. 40Mathas ntxhovsiab rau ntau yam haujlwm uas nws yuavtsum tau ua, nws thiaj los hais rau Yexus hais tias, “Tus Tswv, kuv tus niamhluas cia kuv tibleeg ua haujlwm xwb los Koj txawm kavliam li lov? Koj hais kom nws ciali los pab kuv!”
41Tus Tswv teb tias, “Mathas, Mathas 'e! Koj txhawj thiab ntxhovsiab rau ntau yam haujlwm kawg li, 42tiamsis tsuas muaj ib yam thiaj cheemtsum xwb. Malis twb xaiv tau yam uas zoo ntawd lawm, yeej tsis muaj leejtwg yuav txeeb tau yam ntawd tawm ntawm nws mus li.”
Selectat acum:
:
Evidențiere
Împărtășește
Copiază
Dorești să ai evidențierile salvate pe toate dispozitivele? Înscrie-te sau conectează-te
© 2022 United Bible Societies. All rights reserved.