Lukas 16
16
Tus Thawj Tubtxib Uas Muaj Tswvyim
1Yexus hais rau Nws cov thwjtim tias, “Muaj ib tug neeg npluanuj, nws muaj ib tug tubtxib uas saib nws lub vajtse. Muaj neeg los qhia rau tus npluanuj hais tias nws tus thawj tubtxib muab nws tej khoom vaj khoom tsev coj mus siv phuamlam ntsuav tas lawm. 2Yogli ntawd, tus npluanuj thiaj hu tus thawj tubtxib los thiab hais rau nws tias, ‘Zaj uas kuv hnov koj ua ntawd yog muaj licas tiag? Koj ciali muab tej ntaub ntawv uas teev txog koj kev siv kuv tej khoom vaj khoom tsev huvsi los rau kuv, rauqhov koj yuav ua tsis tau tus uas saib kuv lub vajtse mus ntxiv lawm.’
3“Tus thawj tubtxib ntawd txawm xav tias, ‘Kuv tus tswv twb yuav muab kuv rho tawm ntawm kuv tes haujlwm, es kuv yuav ua licas thiaj zoo? Kuv yuav mus khawb av los tsis muajzog, yuav mus thovkhawv noj los txajmuag. 4Zaumno, kuv paub tias kuv yuav ua licas lawm, kom thaum kuv poob haujlwm los thiaj tseem muaj neeg hu kuv mus hauv lawv tej tsev.’
5“Ces nws txawm hu txhua tus uas tshuav nws tus tswv nqi tuaj cuag nws. Nws nug thawjtug hais tias, ‘Koj tshuav kuv tus tswv nqi npaum licas?’ 6Tus ntawd teb tias, ‘Kuv tshuav nws 100 thoob roj.’ Tus thawj tubtxib hais rau tus ntawd tias, ‘No yog koj daim ntawv tshuav nqi, koj ciali zaum thiab sau kiag ua 50 thoob rau.’
7“Tus thawj tubtxib txawm nug dua ib tug hais tias, ‘Koj ne, koj tshuav npaum licas?’ Tus ntawd teb tias, ‘Kuv tshuav 100 seev nplej.’ Tus thawj tubtxib hais rau tus ntawd tias, ‘No yog koj daim ntawv tshuav nqi, koj ciali sau kiag ua 80 seev rau.’
8“Tus tswv qhuas tus thawj tubtxib uas tsis ncaj ntawd vim nws muaj tswvyim kawg li; rauqhov cov neeg uas nyob hauv ntiajteb no tseem muaj tswvyim ua haujlwm nrog rau lawv tiam neeg heev dua li cov neeg uas nyob hauv qhov kaj thiab.”
9Yexus hais ntxiv tias, “Kuv qhia rau nej hais tias, nej ciali muab tej nyiajtxiag hauv ntiajteb no coj mus zeem kev phooj kev ywg, kom thaum tej nyiaj ntawd tas lawm, lawv thiaj yuav tostxais nej mus rau hauv lub tsev uas yuav nyob mus ibtxhis. 10Tus uas ncajncees rau tej yam me-me, nws yeej yuav ncajncees rau tej yam uas loj; tus uas tsis ncajncees rau tej yam me-me, nws yeej yuav tsis ncajncees rau tej yam uas loj thiab. 11Yog tias nej twb tsis ncajncees rau tej khoom hauv ntiajteb no, leejtwg yuav kam muab tej uas tseem nyiaj rau nej saib? 12Thiab yog nej twb tsis ncajncees rau tej uas yog lwmtus li, leejtwg thiaj yuav kam muab tej uas yog nej li rau nej?
13“Tsis muaj ib tug tubtxib twg uas yuav ua tau haujlwm rau ob tug tswv. Nws yeej yuav ntxub ib tug thiab nyiam ib tug; nws yeej yuav hwm ib tug thiab saib tsis taus ib tug. Yog nej yuav muab Vajtswv thiab nyiajtxiag saib hlob ib yam nkaus yeej tsis tau hlo li.” #Math 6:24
Qeeyam Uas Yexus Qhia
(Mathais 11:12-13; 5:31-32; Malakaus 10:11-12)
14Thaum cov Falixais hnov txog tej ntawd, lawv txawm ua saib tsis taus Yexus, rauqhov lawv ntshaw nyiaj heev. 15Yexus hais rau lawv tias, “Nej yog ib co uas lam uatxuj coj zoo-zoo ntawm neeg lub qhovmuag xwb, tiamsis Vajtswv twb paub nej lub siab tas lawm. Rauqhov yam uas neeg suav hais tias muajnqis kawg li, yam ntawd yog yam uas ntxim ntxub tshajplaws nyob rau ntawm Vajtswv lub qhovmuag.
16“Txij thaum Mauxes txoj Kevcai thiab tej uas cov xibhwb cev Vajtswv lus tau sau tseg los txog rau Yauhas tus uas muab neeg ua kevcai rausdej, twb yeej muaj neeg qhia Txoj Moo Zoo uas hais txog Vajtswv lub Tebchaws lawm, thiab sawvdaws yeej sibtxeeb mus rau hauv lub tebchaws ntawd. #Math 11:12-13 17Qhov uas ua kom lub ntuj thiab lub ntiajteb ploj mus tseem yoojyim dua li muab ib tug nyuag tsiajntawv uas me dua ntais hauv txoj Kevcai tsotseg. #Math 5:18
18“Yog leejtwg muab nws tus pojniam nrauj thiab mus yuav dua ib tug pojniam, ces yog nws ua kev nkauj kev nraug; thiab yog tus txivneej twg mus yuav ib tug pojnrauj, ces yog nws ua kev nkauj kev nraug. #Math 5:32; 1Klt 7:10-11
Tus Npluanuj Thiab Laxalus
19“Muaj ib tug npluanuj uas hnav tej tsoostsho tsamxem uas zoo-zoo thiab kim-kim, thiab niajhnub muaj noj seem noj so. 20Nyob ntawm nws lub roojvag, muaj neeg coj ib tug txivneej thovkhawv hu ua Laxalus, uas ibce mob ua paug viag tuaj tso rau ntawd, 21vim ciasiab hais tias nws yuav tau noj tej mov uas poob saum tus npluanuj lub rooj los. Txawm li ntawd los dev tseem los yaim nws tej qhovtxhab thiab. 22Tus neeg uas thovkhawv ntawd txawm tuag, thiab cov timtswv ceebtsheej tau los coj nws mus nyob rau ntawm Anplahas ib sab. Tus npluanuj los kuj tuag ib yam nkaus, ces luag coj nws mus log lawm thiab.
23“Nyob hauv tubtuag teb,#16:23: Tubtuag teb: Yog qhov chaw uas cov neeg tuag mus nyob. nws txomnyem heev, nws tsa qhovmuag ntsia saud, nws txawm pom Anplahas nyob deb-deb, thiab pom Laxalus nyob ntawm Anplahas ib sab. 24Nws thiaj hu hais tias, ‘Txiv Anplahas 'e! Thov koj hlub kuv thiab lau; thov koj txib Laxalus muab nws tus ntsis ntivtes mus rausdej los tub rau kuv tus nplaig kom laj mentsis, rauqhov kuv nyob hauv cov nplaimtaws no mas txomnyem kawg li!’
25“Tiamsis Anplahas teb tias, ‘Metub 'e, koj puas nco hais tias thaum koj tseem ua neej nyob, koj tau txais txhua yam uas zoo, tiamsis Laxalus tau txais txhua yam uas phem. Tiamsis nimno nws tau zoo nyob ntawm qhov chaw no, koj ho raug kev txomnyem. 26Tsis tas li ntawd xwb, tseem muaj ib lub hav tob-tob uas quas peb thiab nej lawm, kom cov sab tim peb no thiaj yuav hla tsis tau tuaj rau sab tim nej, thiab cov sab tim nej los thiaj yuav hla tsis tau tuaj rau sab tim peb.’
27“Tus npluanuj hais tias, ‘Yogli ntawd, txiv Anplahas 'e, kuv thov koj txib Laxalus rov mus kom txog kuv txiv lub tsev, 28rauqhov kuv tseem tshuav tsib tug kwvtij. Kom Laxalus mus qhia rau lawv, kom lawv thiaj yuav tsis tau los nyob hauv qhov txomnyem no thiab.’ 29Anplahas teb tias, ‘Koj cov kwvtij twb muaj Mauxes thiab cov xibhwb cev Vajtswv lus tej lus qhia lawm, cia lawv mamli mloog tej lus qhia ntawd xwb.’ 30Tus npluanuj teb tias, ‘Txiv Anplahas 'e, tsis tau li lau! Yog muaj ib tug uas tuag lawm sawv kiag rov mus cuag lawv, mas ntshe lawv thiajli yuav tso lawv tej kev txhaum tseg xwb.’ 31Tiamsis Anplahas hais tias, ‘Yog lawv tsis mloog Mauxes thiab cov xibhwb cev Vajtswv lus, ces txawm yog ib tug uas tuag lawm sawv kiag rov mus qhia los lawv yeej yuav tsis ntseeg li.’ ”
Selectat acum:
Lukas 16: MWW2022
Evidențiere
Împărtășește
Copiază
Dorești să ai evidențierile salvate pe toate dispozitivele? Înscrie-te sau conectează-te
© 2022 United Bible Societies. All rights reserved.
Lukas 16
16
Tus Thawj Tubtxib Uas Muaj Tswvyim
1Yexus hais rau Nws cov thwjtim tias, “Muaj ib tug neeg npluanuj, nws muaj ib tug tubtxib uas saib nws lub vajtse. Muaj neeg los qhia rau tus npluanuj hais tias nws tus thawj tubtxib muab nws tej khoom vaj khoom tsev coj mus siv phuamlam ntsuav tas lawm. 2Yogli ntawd, tus npluanuj thiaj hu tus thawj tubtxib los thiab hais rau nws tias, ‘Zaj uas kuv hnov koj ua ntawd yog muaj licas tiag? Koj ciali muab tej ntaub ntawv uas teev txog koj kev siv kuv tej khoom vaj khoom tsev huvsi los rau kuv, rauqhov koj yuav ua tsis tau tus uas saib kuv lub vajtse mus ntxiv lawm.’
3“Tus thawj tubtxib ntawd txawm xav tias, ‘Kuv tus tswv twb yuav muab kuv rho tawm ntawm kuv tes haujlwm, es kuv yuav ua licas thiaj zoo? Kuv yuav mus khawb av los tsis muajzog, yuav mus thovkhawv noj los txajmuag. 4Zaumno, kuv paub tias kuv yuav ua licas lawm, kom thaum kuv poob haujlwm los thiaj tseem muaj neeg hu kuv mus hauv lawv tej tsev.’
5“Ces nws txawm hu txhua tus uas tshuav nws tus tswv nqi tuaj cuag nws. Nws nug thawjtug hais tias, ‘Koj tshuav kuv tus tswv nqi npaum licas?’ 6Tus ntawd teb tias, ‘Kuv tshuav nws 100 thoob roj.’ Tus thawj tubtxib hais rau tus ntawd tias, ‘No yog koj daim ntawv tshuav nqi, koj ciali zaum thiab sau kiag ua 50 thoob rau.’
7“Tus thawj tubtxib txawm nug dua ib tug hais tias, ‘Koj ne, koj tshuav npaum licas?’ Tus ntawd teb tias, ‘Kuv tshuav 100 seev nplej.’ Tus thawj tubtxib hais rau tus ntawd tias, ‘No yog koj daim ntawv tshuav nqi, koj ciali sau kiag ua 80 seev rau.’
8“Tus tswv qhuas tus thawj tubtxib uas tsis ncaj ntawd vim nws muaj tswvyim kawg li; rauqhov cov neeg uas nyob hauv ntiajteb no tseem muaj tswvyim ua haujlwm nrog rau lawv tiam neeg heev dua li cov neeg uas nyob hauv qhov kaj thiab.”
9Yexus hais ntxiv tias, “Kuv qhia rau nej hais tias, nej ciali muab tej nyiajtxiag hauv ntiajteb no coj mus zeem kev phooj kev ywg, kom thaum tej nyiaj ntawd tas lawm, lawv thiaj yuav tostxais nej mus rau hauv lub tsev uas yuav nyob mus ibtxhis. 10Tus uas ncajncees rau tej yam me-me, nws yeej yuav ncajncees rau tej yam uas loj; tus uas tsis ncajncees rau tej yam me-me, nws yeej yuav tsis ncajncees rau tej yam uas loj thiab. 11Yog tias nej twb tsis ncajncees rau tej khoom hauv ntiajteb no, leejtwg yuav kam muab tej uas tseem nyiaj rau nej saib? 12Thiab yog nej twb tsis ncajncees rau tej uas yog lwmtus li, leejtwg thiaj yuav kam muab tej uas yog nej li rau nej?
13“Tsis muaj ib tug tubtxib twg uas yuav ua tau haujlwm rau ob tug tswv. Nws yeej yuav ntxub ib tug thiab nyiam ib tug; nws yeej yuav hwm ib tug thiab saib tsis taus ib tug. Yog nej yuav muab Vajtswv thiab nyiajtxiag saib hlob ib yam nkaus yeej tsis tau hlo li.” #Math 6:24
Qeeyam Uas Yexus Qhia
(Mathais 11:12-13; 5:31-32; Malakaus 10:11-12)
14Thaum cov Falixais hnov txog tej ntawd, lawv txawm ua saib tsis taus Yexus, rauqhov lawv ntshaw nyiaj heev. 15Yexus hais rau lawv tias, “Nej yog ib co uas lam uatxuj coj zoo-zoo ntawm neeg lub qhovmuag xwb, tiamsis Vajtswv twb paub nej lub siab tas lawm. Rauqhov yam uas neeg suav hais tias muajnqis kawg li, yam ntawd yog yam uas ntxim ntxub tshajplaws nyob rau ntawm Vajtswv lub qhovmuag.
16“Txij thaum Mauxes txoj Kevcai thiab tej uas cov xibhwb cev Vajtswv lus tau sau tseg los txog rau Yauhas tus uas muab neeg ua kevcai rausdej, twb yeej muaj neeg qhia Txoj Moo Zoo uas hais txog Vajtswv lub Tebchaws lawm, thiab sawvdaws yeej sibtxeeb mus rau hauv lub tebchaws ntawd. #Math 11:12-13 17Qhov uas ua kom lub ntuj thiab lub ntiajteb ploj mus tseem yoojyim dua li muab ib tug nyuag tsiajntawv uas me dua ntais hauv txoj Kevcai tsotseg. #Math 5:18
18“Yog leejtwg muab nws tus pojniam nrauj thiab mus yuav dua ib tug pojniam, ces yog nws ua kev nkauj kev nraug; thiab yog tus txivneej twg mus yuav ib tug pojnrauj, ces yog nws ua kev nkauj kev nraug. #Math 5:32; 1Klt 7:10-11
Tus Npluanuj Thiab Laxalus
19“Muaj ib tug npluanuj uas hnav tej tsoostsho tsamxem uas zoo-zoo thiab kim-kim, thiab niajhnub muaj noj seem noj so. 20Nyob ntawm nws lub roojvag, muaj neeg coj ib tug txivneej thovkhawv hu ua Laxalus, uas ibce mob ua paug viag tuaj tso rau ntawd, 21vim ciasiab hais tias nws yuav tau noj tej mov uas poob saum tus npluanuj lub rooj los. Txawm li ntawd los dev tseem los yaim nws tej qhovtxhab thiab. 22Tus neeg uas thovkhawv ntawd txawm tuag, thiab cov timtswv ceebtsheej tau los coj nws mus nyob rau ntawm Anplahas ib sab. Tus npluanuj los kuj tuag ib yam nkaus, ces luag coj nws mus log lawm thiab.
23“Nyob hauv tubtuag teb,#16:23: Tubtuag teb: Yog qhov chaw uas cov neeg tuag mus nyob. nws txomnyem heev, nws tsa qhovmuag ntsia saud, nws txawm pom Anplahas nyob deb-deb, thiab pom Laxalus nyob ntawm Anplahas ib sab. 24Nws thiaj hu hais tias, ‘Txiv Anplahas 'e! Thov koj hlub kuv thiab lau; thov koj txib Laxalus muab nws tus ntsis ntivtes mus rausdej los tub rau kuv tus nplaig kom laj mentsis, rauqhov kuv nyob hauv cov nplaimtaws no mas txomnyem kawg li!’
25“Tiamsis Anplahas teb tias, ‘Metub 'e, koj puas nco hais tias thaum koj tseem ua neej nyob, koj tau txais txhua yam uas zoo, tiamsis Laxalus tau txais txhua yam uas phem. Tiamsis nimno nws tau zoo nyob ntawm qhov chaw no, koj ho raug kev txomnyem. 26Tsis tas li ntawd xwb, tseem muaj ib lub hav tob-tob uas quas peb thiab nej lawm, kom cov sab tim peb no thiaj yuav hla tsis tau tuaj rau sab tim nej, thiab cov sab tim nej los thiaj yuav hla tsis tau tuaj rau sab tim peb.’
27“Tus npluanuj hais tias, ‘Yogli ntawd, txiv Anplahas 'e, kuv thov koj txib Laxalus rov mus kom txog kuv txiv lub tsev, 28rauqhov kuv tseem tshuav tsib tug kwvtij. Kom Laxalus mus qhia rau lawv, kom lawv thiaj yuav tsis tau los nyob hauv qhov txomnyem no thiab.’ 29Anplahas teb tias, ‘Koj cov kwvtij twb muaj Mauxes thiab cov xibhwb cev Vajtswv lus tej lus qhia lawm, cia lawv mamli mloog tej lus qhia ntawd xwb.’ 30Tus npluanuj teb tias, ‘Txiv Anplahas 'e, tsis tau li lau! Yog muaj ib tug uas tuag lawm sawv kiag rov mus cuag lawv, mas ntshe lawv thiajli yuav tso lawv tej kev txhaum tseg xwb.’ 31Tiamsis Anplahas hais tias, ‘Yog lawv tsis mloog Mauxes thiab cov xibhwb cev Vajtswv lus, ces txawm yog ib tug uas tuag lawm sawv kiag rov mus qhia los lawv yeej yuav tsis ntseeg li.’ ”
Selectat acum:
:
Evidențiere
Împărtășește
Copiază
Dorești să ai evidențierile salvate pe toate dispozitivele? Înscrie-te sau conectează-te
© 2022 United Bible Societies. All rights reserved.