Акълова 2

2 къаьм

КӀетӀа̄ гьинода

1Йе дие оьжо, дие йаьжбо аьᵸдалаъ йеᵸйагьда,

гьула̄зу дие амро-насигьатлана ми дибола йакӀиъ йовахда,

2Аᵸкъиллъилахъа энекзи йахъал аьᵸгъана жухъна зогъда,

аᵸкъло михъаллакьа йакӀис кулна зогъда,

3Аᵸкъло-насигьатна ми дудой илӀеда,

аᵸкъло-лъайна дудой бокӀда,

4Окколас аьᵸгачой ми гьулина йиᵸзда,

мизаъ йиᵸхъолло хазиналгъацой, ми гьолълъогъой муьгъалӀна эᵸкьеда,

5БетӀергьаллихъа гьичӀейолъи сийо жо йахъцасна йикъеш дул,

Аллагьлила илмолакьана оᵸкъас ми.

6БетӀергьаллийа̄ъ аьᵸкъиллъи ницца,

Гьолцоъкьа̄йа̄ъ цӀодорлъина лъайна михъос.

7ЙакӀо йаᵸцова̄ аьдамла̄л ко̄ гуцӀолал нитоназу гьаьдураб гей Гьули,

гьаьлаллъилаъ мекье-гугьцалал къейо тил тухъинна эчеш Гьули.

8РитӀухълъилаъ эᵸкье-гогьцалас гьинодана цӀуми йовагьца Гьолцо,

гьинила муъмин-сукӀос гьинодана гьинкъи гаьчча̄ йовагьца.

9Дӣхъа энекзи ахълъо, йакӀо йаᵸцо̄лъина, битӀараблъина, гьаьлалаблъина – вагьли сийо йахъцана дул йикъеш,

гьула̄зу дибо къацӀцӀа̄ гьинодана кӀетӀа̄ йа̄хъца.

10Дул аᵸкъиллъи йиᵸхъолъ,

илмо-лъайна дибола руьгьлил ахо бахъца.

11Бета кӀетӀо-цаццо гьацокӀал йикъейа жойла ми цӀуми овас,

цӀодорлъила ми тиса уьᵸхолаш.

12Чикейа̄ аьдаьмла̄ла гьидсо ми аᵸкъиллъила цӀуми овас,

мекъаб-тӀекъаб нисоцала̄кьасна хъосар овас.

13КолӀлӀа̄ гьинода̄кьа̄ мекьал ба̄тӀна,

гьолло кӀетӀо гьино йечанне̄ш.

14Кешлъи йо̄вакьа рази ба̄хъца гьолло̄л,

чикейа пасадлъилакьана гьоллос йакӀода цӀийабалӀос.

15Гьоллос гьинодана чӀикӀ-чӀекӀдийа̄ гей,

гьоллокьалакьа̄ мекьейа̄сна гьино кьичӀеш.

16Аᵸкъиллъила цӀуми о̄с ми сукӀола ахъакьасна,

гьолълъола бихха мицакьасна.

17Оьлохъанлъилаъ зукъойо гьудул эчанне̄йо гьолълъо,

гьинила Аллагьли халкъилал нилӀийо йаьжена амрона шоъилло гьолълъо.

18Гьолълъола билӀо-къайлина ми хелликьа оᵸкъолца,

гьолълъос гьинона бувагъова̄дой эᵸкьецас гьино гей.

19Гьолълъодой гьицакийо гьоᵸсна сукӀо кьа̄ь оᵸкъаъас,

цӀиддаса оьмролаш гьинона гьоллол йиᵸхъаъас.

20Вагьалълъобза ми кӀетӀа гьидкьа̄ эᵸкье-гогь,

муъмилла̄с гьинона ми йоха.

21ЙакӀо йаᵸцова̄ аьдамла вагьалӀо Аллагьли нилӀийа мицакьа ба̄хъца,

мунагьла гаьчча̄на ракьликьа кьодо гьихбалъос.

22ЙакӀо чикейа̄ аьдамлана дунналикьас бовахна тӀувацца,

хийанатлъи йогьцас аьдамлана мицакьас хемухаъасзу боваъилца.

Selectat acum:

Акълова 2: KapPROLUK

Evidențiere

Partajează

Copiază

Dorești să ai evidențierile salvate pe toate dispozitivele? Înscrie-te sau conectează-te

Află mai multe despre Анкълова, Лука