Nugana 2
2
‘UPWA 2.
1Ta garewa ta bare‘u si gumwara, ta ‘adi iau maibo‘ana. 2Ta asiata ‘e sebeni nina Eaubada ‘ina guinua ni‘atu ‘i bubuna ‘i loegumwarina; ta asiata ‘e sebeni nina ‘enega ‘ina guinua iauna ni‘atu ‘i bubuna ‘enega ‘i eiawai‘ata. 3Ta Eaubada asiata ‘e sebeni nina ‘i ona‐obobomena, ta ‘i etabuna: ‘ena ‘ina guinua iauna Eaubada ‘i mweruruina ta ‘i bubuna ‘enega ‘i eiawai‘ata ta ‘enega.
4Getedi garewa ta bare‘u ‘idi ‘ebetubua tuta ‘enega si apwesa, asiata nina ‘enega Ieoba Eaubada bare‘u ta garewa ‘i bubudi. 5Ta tanoa ‘ana kaiwe nigea ‘e bweu bare‘uia ‘i miami, ta tanoa ‘ana pwatura nigea ‘e bweu ‘i tabwa‐tabwa: Ieoba Eaubada nigea ‘usana ‘i giedaunama bare‘uia, ta nigea tai ‘e bweu be bwa‘a ‘i da gesoi; 6ta bare‘uiega gaguna ‘i tu‘ema, ta bwa‘a matana maibo‘ana ‘i giepwasena. 7Ta Ieoba Eaubada bwa‘a nedilina ‘enega tai ‘i bubuna, ta ubusuna iawasina ‘ena ‘i sa‘una; ta tai ni‘atu ‘i iaruiarua maiawasina. 8Ta Ieoba Eaubada bagura ‘i e asona Bomatu ‘ena, Edena ‘enaia; ta tai nina ni‘atu ‘i bubuna ‘ena ‘i sa‘una. 9Ta Ieoba Eaubada kaiwe iauna ‘adi ‘ita bobo‘adi, ta ‘e‘ai bobo‘ana bwa‘a ‘enega ‘i gietabwenama; wate iawasida ‘ana kaiwe bagura gamwanaia, ta bobo‘ana ta to‘umalina ‘adi ‘ebesinapu ‘ana kaiwe. 10Ta boasi ‘e bweu Edenega ‘i apwesa be bagura ‘i giepwasena; ta gote ‘enega i ‘etoweara ga narinao ‘e ata. 11‘E bweuna ‘ana esana Pisona: tauna ‘asa Abila maibo‘ana ‘i dausakowasiena, ‘asa nina gola ‘ena ‘i miami; 12ta ‘asa gote ‘ina gola bobo‘ana: ‘ena bedola ‘i miami ta gurewa berula. 13Ta ‘awa ‘e ruena ‘ana esana Giona: tauna ‘asa Kusa maibo‘ana ‘i dausakowasiena. 14Ta ‘awa ‘e tonina ‘ana esana Idekela: tauna Asiria matanaia ‘i daudau. Ta ‘awa ‘e atana Euperatesa. 15Ta Ieoba Eaubada tai i ‘au‘ewena, ta bagura Edena ‘ena ‘i sa‘una be ‘i da gesoi ta ‘i da ‘ita‘i‘isina. 16Ta Ieoba Eaubada tai ‘i eonena, ‘i gwae, Bagura ‘ina kaiwe iauna ‘enega ‘u da ‘e‘ai besobeso: 17ta bobo‘ana be to‘umalina ‘adi ‘ebesinapu ‘ana kaiwe ‘enega, gea‘abo ‘enega u ‘e‘a: asiata ‘enega u ‘enina ‘u da mwawasa ‘ai‘aila ta ‘enega.
18Ta Ieoba Eaubada ‘i ona, Nigea bobo‘ana tai ‘i da miami tebweuna: ‘ana ‘arau to‐lema ‘e bweu ia da bubuna. 19Ta bwa‘a ‘enega Ieoba Eaubada bomitawa iauna ‘i mweruruidi, mwatui manuidi iauna ta; ta tai ‘ena ‘i me‘edi be ‘i da ‘ita nai to‘ase ‘i da eesedi: ta to‘ase nai tai iage mwerumweruruina iauna ‘i eesedi, tauna ‘ana esana. 20Ta tai iobai iauna ‘i eesedi, mwatui manuidi ta, bomitawa iauna ta; ta tai manuna nigea ‘e bweu ‘ana ‘araumo to leme. 21Ta Ieoba Eaubada ‘eno‘eno sinabwana ‘enega tai ‘i ununa, ga i ‘enomwataia; ta asiana ‘e bweuna i ‘ewena, ta esionega ‘i sa‘u bodena ‘ana lopa‘eru; 22ta asiana nina, tauna Ieoba Eaubada tai ‘enega i ‘ewe‘ewena, waine ‘enega ‘i bubuna, ta tai ‘ena i ‘au‘ewenama. 23Ta tai ‘i ona, Gete tuga lulugu luluna, ta esiogu esiona: ‘ana esana Waine, tai ‘enega ‘i apwesama ta ‘enega. 24‘Enega tai tamana be sinana ‘i da pilisinedi, ta mwanena ‘ena ‘i da miaiaina: ta si da esio ‘e bweuna. 25Ta si bubugewa ruarua, tai ta mwanena, ta nigea si omaiamaia.
Selectat acum:
Nugana 2: DOBOT
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
Published by the British and Foreign Bible Society in 1919
Nugana 2
2
‘UPWA 2.
1Ta garewa ta bare‘u si gumwara, ta ‘adi iau maibo‘ana. 2Ta asiata ‘e sebeni nina Eaubada ‘ina guinua ni‘atu ‘i bubuna ‘i loegumwarina; ta asiata ‘e sebeni nina ‘enega ‘ina guinua iauna ni‘atu ‘i bubuna ‘enega ‘i eiawai‘ata. 3Ta Eaubada asiata ‘e sebeni nina ‘i ona‐obobomena, ta ‘i etabuna: ‘ena ‘ina guinua iauna Eaubada ‘i mweruruina ta ‘i bubuna ‘enega ‘i eiawai‘ata ta ‘enega.
4Getedi garewa ta bare‘u ‘idi ‘ebetubua tuta ‘enega si apwesa, asiata nina ‘enega Ieoba Eaubada bare‘u ta garewa ‘i bubudi. 5Ta tanoa ‘ana kaiwe nigea ‘e bweu bare‘uia ‘i miami, ta tanoa ‘ana pwatura nigea ‘e bweu ‘i tabwa‐tabwa: Ieoba Eaubada nigea ‘usana ‘i giedaunama bare‘uia, ta nigea tai ‘e bweu be bwa‘a ‘i da gesoi; 6ta bare‘uiega gaguna ‘i tu‘ema, ta bwa‘a matana maibo‘ana ‘i giepwasena. 7Ta Ieoba Eaubada bwa‘a nedilina ‘enega tai ‘i bubuna, ta ubusuna iawasina ‘ena ‘i sa‘una; ta tai ni‘atu ‘i iaruiarua maiawasina. 8Ta Ieoba Eaubada bagura ‘i e asona Bomatu ‘ena, Edena ‘enaia; ta tai nina ni‘atu ‘i bubuna ‘ena ‘i sa‘una. 9Ta Ieoba Eaubada kaiwe iauna ‘adi ‘ita bobo‘adi, ta ‘e‘ai bobo‘ana bwa‘a ‘enega ‘i gietabwenama; wate iawasida ‘ana kaiwe bagura gamwanaia, ta bobo‘ana ta to‘umalina ‘adi ‘ebesinapu ‘ana kaiwe. 10Ta boasi ‘e bweu Edenega ‘i apwesa be bagura ‘i giepwasena; ta gote ‘enega i ‘etoweara ga narinao ‘e ata. 11‘E bweuna ‘ana esana Pisona: tauna ‘asa Abila maibo‘ana ‘i dausakowasiena, ‘asa nina gola ‘ena ‘i miami; 12ta ‘asa gote ‘ina gola bobo‘ana: ‘ena bedola ‘i miami ta gurewa berula. 13Ta ‘awa ‘e ruena ‘ana esana Giona: tauna ‘asa Kusa maibo‘ana ‘i dausakowasiena. 14Ta ‘awa ‘e tonina ‘ana esana Idekela: tauna Asiria matanaia ‘i daudau. Ta ‘awa ‘e atana Euperatesa. 15Ta Ieoba Eaubada tai i ‘au‘ewena, ta bagura Edena ‘ena ‘i sa‘una be ‘i da gesoi ta ‘i da ‘ita‘i‘isina. 16Ta Ieoba Eaubada tai ‘i eonena, ‘i gwae, Bagura ‘ina kaiwe iauna ‘enega ‘u da ‘e‘ai besobeso: 17ta bobo‘ana be to‘umalina ‘adi ‘ebesinapu ‘ana kaiwe ‘enega, gea‘abo ‘enega u ‘e‘a: asiata ‘enega u ‘enina ‘u da mwawasa ‘ai‘aila ta ‘enega.
18Ta Ieoba Eaubada ‘i ona, Nigea bobo‘ana tai ‘i da miami tebweuna: ‘ana ‘arau to‐lema ‘e bweu ia da bubuna. 19Ta bwa‘a ‘enega Ieoba Eaubada bomitawa iauna ‘i mweruruidi, mwatui manuidi iauna ta; ta tai ‘ena ‘i me‘edi be ‘i da ‘ita nai to‘ase ‘i da eesedi: ta to‘ase nai tai iage mwerumweruruina iauna ‘i eesedi, tauna ‘ana esana. 20Ta tai iobai iauna ‘i eesedi, mwatui manuidi ta, bomitawa iauna ta; ta tai manuna nigea ‘e bweu ‘ana ‘araumo to leme. 21Ta Ieoba Eaubada ‘eno‘eno sinabwana ‘enega tai ‘i ununa, ga i ‘enomwataia; ta asiana ‘e bweuna i ‘ewena, ta esionega ‘i sa‘u bodena ‘ana lopa‘eru; 22ta asiana nina, tauna Ieoba Eaubada tai ‘enega i ‘ewe‘ewena, waine ‘enega ‘i bubuna, ta tai ‘ena i ‘au‘ewenama. 23Ta tai ‘i ona, Gete tuga lulugu luluna, ta esiogu esiona: ‘ana esana Waine, tai ‘enega ‘i apwesama ta ‘enega. 24‘Enega tai tamana be sinana ‘i da pilisinedi, ta mwanena ‘ena ‘i da miaiaina: ta si da esio ‘e bweuna. 25Ta si bubugewa ruarua, tai ta mwanena, ta nigea si omaiamaia.
Selectat acum:
:
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
Published by the British and Foreign Bible Society in 1919