Luka 5
5
Yeso yǝ yar emfǝɗkaa ntiiri ɓa
1Kaaka ke Yeso yǝ kǝɗ a kira aulaara Ganasaret ra. Ɓeta ɓa hem ngwang ma sase me ɓa kura mara Kaa ra. 2Pa Yeso ya wǝr kurnyaamo raɓ kaasǝ a kira aulaara ra, ɓan ma nsenya ɓa, ɓǝ fiɗin a kira ɓǝn sob langtanga ma nsenya ɓoso. 3Yeso ya kana kurnyaamo fin wa, ndǝ u Siman Bitrus wa, ya kǝna ya nkee me a tǝng kurnyaamo a ham mbraa ɓa ngeek pa ya kaɗ ɗaan yǝn fǝɗkǝ ɓeta.
4Yǝ feɗsǝ fǝɗkǝra wa yǝ nkee Bitrus me “A tǝng kurnyaamo a ɗaaso han kututuɓ ɓa, sa yaɓ langtanga waso sa ma nsenya.” 5Bitrus ya kak ya nkee me, “Ya kwangya, tǝ nwee handa asi tǝ taa mbuka ra, ya ngǝ nkeesǝ maaso wa a lee na tom mbu ngǝ nkeesǝ ɓa.”
6Ɓǝ yaɓsǝ langtanga ma nsenya a mbraa wa ɓa ma nsenya ɓa fǝta me ɓǝka win langtanga ɓa yama, mbu ma nsenya sǝɓa ǝn yau me yǝkǝ nkaa. 7Ɓǝ wǝrsǝ maaso wa, ɓa yar ɓaata ɓosa ɓǝ nkee me sau ma kurnyaamo waso sǝta kwasi, ɓa wo ɓa haa nsenya sǝsa ɓa kung kurnyaama raɓ ma nsenya, awo nga kǝɓa naa me lǝklǝkto nsenya wa.
8Bitrus wǝrsǝ mbusa maaso wa ya koo ya kwirsǝ a wii Yeso wa, ya nkee me, “A ɓaa ma niina me nǝ yaa ma tenatenato ya!” 9Ma ɓet ɓǝsǝ ke kǝnso ɓa nsaad ɓǝ wǝr mbu nhiinyanhiinya ɓa a nsenya ɓǝ masǝsa. 10Ɓǝ ke ma Yakubu ma Yohanna em Zabadi ɓa, Yeso yǝ nkee Bitrus me kokto ngǝn mara, ngawa kǝ ngǝ yar ɓeta ngǝ ma nsenya ɗǝm ra. 11Pa ɓa win kurnyaama ɓosa ɓa wo a kira aulaara ra, ɓǝ lee mbusa nsaad ɓaa ɓǝɗǝ.
Yeso yǝ roɓ yen ma siyo tǝmo ya
12Kaaka ke Yeso yaa ɗaaso ura kasa wa, pa eɗ ke ya wo mabiri isi hersǝ ma tǝmo. Pa yǝ wǝrsǝ Yeso wa, yǝ siu a wii usu yaa kǝna, yǝ nkee me, “Yaa kwang ya, me ngǝ yawan, kǝ ngǝ nǝ ti nǝ tom ɗekɗek.” 13Yeso ya mal nem isi yaa ntee eɗ kaya yǝ nkee me “Nǝ yawan a tom ɗekɗek!” Noknok siwo tǝmo usu a roɓo.
14Pa Yeso yaa nkee me, “Ngǝ kong nkee yaa ke ra. Pa ngo, ko ngǝ weɗa ee nwaago a kuɓ nek mbusa wa ni, ngǝ ɗǝm na mbu Musa nkeesǝ me a na ɓa, me ǝɓǝ weɗa me ngǝ roɓon.” 15Ma nkee Yeso yǝ nkeesǝsǝ wa nsaad mara Yeso ra ǝn faɗ faɗ wiyo kwasa ɓeta ɗǝm ɓǝn wo me ɓa kura, ɓaa kǝr roɓo a siya ɓosa nsaad. 16Pa kaferka Yeso yǝn kǝr han ɓeta semra ɓa a sanglo me ya kǝna Kaa.
Yeso roɓ puura
17Kakake kǝn Yeso yǝn fǝɗkǝ ɓeta, pa ɓet Farisiyawa ɓa ma malǝma masaka ɓa u ɓǝ piɗsǝ a ura ɓolɓol ɓa nga Galili, Yahudiya ma Urshalima, ɓǝ nsaad kǝnso, kwangto Kaa wa ke masaye me ya roɓ ɓaa ma siya ɓa. 18Pa ɓaataka wosǝsǝ ma yaake natsa sǝrsǝ ɓǝ toosǝsǝ a ɗikra, pa ɓǝ kwetǝ me ɓǝ kan a hito, me ɓaa ti a wii Yeso wa. 19Pa ɓǝ taa ɗǝɗa ra me ɓeta her kwang ɓǝ wǝrsǝ me ɗǝɗa semra wa, pa ɓǝ taa ɗuura hito ra ɓǝ npuu kii hito wa ɓǝ too eɗ kaya ma ɗikra ira kong ɓaa ham a ɗaaso ɓeta wa a wii Yeso wa.
20Pa Yeso yǝ wǝrsǝ na ɓongtǝrato ɓoso wa, yǝ nkee me, “Sikaane, ɓaa lee ngǝ tenatenato nwaagon.” 21Ɓaa Farisiyawa ɓa, ma malǝmaa Masakasa, ɓǝ ntii senta a kuti ɓose, ɓǝn nkee me, “Wan yamni yǝn kansǝ mbu kwalakwala ɓa a ɗuura Kaa rau? Ən yamni yǝsǝ ma kwangto kiyaa lee tenatenato, meen Kaa fin mbusa rau?” 22Pa Yeso yǝ maa mbu ɓǝn sensǝ a kuti ɓose ɓan, pa yǝ ɓǝ taa me, “Mbu kwa mbi sǝn sensǝ mbusǝsa a kuti yaaseu? 23Ən u na nwa faɗsǝ papato, a nkee me, ‘Ɓaa lee ngǝ tenatenato nwaagon,’ hana a nkee me, ‘A nii ngǝ sikiu?’ 24Pa kǝnǝsǝ weɗa me, Au Ete ya, yǝ ma kwangto kiya lee tentenato a put ntaandi wa ɓa,” Pa yǝ nkee yaa natsa sǝrsǝ siya me, “A nii, ngǝ too ɗikra nga ngǝ faɗ ɗuuru.” 25Nok kǝnso ye nii a wii ɓoso, yǝ too mbu yǝ tǝrsǝ a si ɓa, yǝ faɗ ɗuuru, yǝn nyoo Kaa. 26Hana yamni a tom weɗara ɗǝm ɓǝ nyoo Kaa. Pa kokto ɓǝ ma, ɓǝ nkee me, “Naso ndǝ wǝr mbu weɗara ɓan.”
Yeso yǝ yar Lawi
27Pa ndiira maaso wa, Yeso yǝ fiɗi, yǝ wǝr an kon samra ya, ǝn yarsǝsǝ me, Lawi, yǝ ɗa a ham kon samra ɓa. Yeso yaa nkee me, “Ənǝ ɓǝɗǝ.” 28Pa Lawi yǝ nii, yǝ lee mbusa nsaad kǝnso, yaa ɓǝɗǝ.
29Pa Lawi werkǝ nkoora se mbuseyaa ra Yeso a ɗuur usu, ma ɓan kon samra ɓa dem, ma ɓaata ɓǝn se mbuseyaa ke. 30Pa Farisiyawa ma malǝma Masaka wa u ɓǝsǝ Farisiyawa wa, ɓǝ nhuurǝ emfǝɗkaa ɓisa, ɓǝ nkee me, “Tomtomni sǝn se ɗǝm sǝ wee ma ɓan kon samra ɓa, ma ‘ɓan ma tentenato ɓau’?” #5:30 Ɓet Farisiyawa ɓa na ɓongtǝra me ɓǝɗaa masaka Musa wa ra ɓa 31Yeso yǝɓǝ kak yǝ nkee me, “Ɓaa ɓǝsǝ kwakwa ɓa ɓǝ taa siwi ra, pa ɓaa sem kwakwa ra ɓa ɓǝn taa ɓosa. 32Niina nǝ wo me nǝ yar ɓaa ɓǝn tomsǝ mbu keke a wiiyo a Kaa ni ɓa ra, pa nǝ wo me ɓaa ɓǝsǝ ma tentenato ɓa, me ɓǝ kon nfaata.”
Taa mbuka a ɗuura ɓisi mbuseya wa
33Ɓaataka ɓǝ wo, ɓaa nkee Yeso me, “Emfǝɗkaa Yohanna an tom baptisma ya, nfee ɓǝn kwal mbraa ɗǝm ɓǝn kǝna Kaa, maaso ɗǝm ma emfǝɗkaa Farisiyawa ɓa, pa nwaango ɓǝn se ɓǝ wee.” 34Yeso yǝ ɓǝ kak me, “Sǝn wǝr nga kǝsǝ nkaa sǝ tii sik kere ɓa ɓǝ kwal mbraa, si kere yǝ ke ma ɓosau? 35Pa fer usu kǝ wo ɓaa kǝ too kere ǝɓǝ lee wa. Pa a tǝro siso ɓǝkaa kwal mbraa wa.”
36Pa Yeso yǝ ɓǝ na mǝɗkǝra yǝ nkee me, “Yaake sem kǝn kiya nsaatǝ luktu usu nfiinfii wa pa yǝ too meera ya kak a si wa ra. Me yǝ tom maaso, kǝ tom yǝ tǝblǝ luktu usu nfiinfii nwan, pa yǝ kaɗ keke a meera luktu wa ra. 37Yaake sem kǝn kiya mbaɗ mbraa nfiinfii emngwate inabi ma a meeta mɓukta wa ra. Me yǝ tom maaso, mbraa nfiinfii emngwate inabi ma kǝ pam mɓukta sǝta, #5:37 Ɓet Isra'ila ɓa ɓǝn sǝk tinima ma mɓukta ɓaa ti mbraa emngwate inabi ma, mbraa emngwate inabi ma kǝ tuku, ɗǝm mɓukta sǝta kǝ tǝblǝ. 38Pa a tom maaso ra, mbraa nfiinfii emngwate inabi ma, kaɗan ɗaɗ a mbaɗ a mɓukta nfiinfii ta. 39Yaake sem kǝya se nepto wee nfii nfiira mbraa emngwate inabi ma, me yǝ wee meera mbraa emngwate inabi man kǝ ya nkee me, ‘Meera faɗ nepton.’ ”
Selectat acum:
Luka 5: LLA
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
©2023 Seed Company in collaboration with Language Developers and Bible Translators Association
Luka 5
5
Yeso yǝ yar emfǝɗkaa ntiiri ɓa
1Kaaka ke Yeso yǝ kǝɗ a kira aulaara Ganasaret ra. Ɓeta ɓa hem ngwang ma sase me ɓa kura mara Kaa ra. 2Pa Yeso ya wǝr kurnyaamo raɓ kaasǝ a kira aulaara ra, ɓan ma nsenya ɓa, ɓǝ fiɗin a kira ɓǝn sob langtanga ma nsenya ɓoso. 3Yeso ya kana kurnyaamo fin wa, ndǝ u Siman Bitrus wa, ya kǝna ya nkee me a tǝng kurnyaamo a ham mbraa ɓa ngeek pa ya kaɗ ɗaan yǝn fǝɗkǝ ɓeta.
4Yǝ feɗsǝ fǝɗkǝra wa yǝ nkee Bitrus me “A tǝng kurnyaamo a ɗaaso han kututuɓ ɓa, sa yaɓ langtanga waso sa ma nsenya.” 5Bitrus ya kak ya nkee me, “Ya kwangya, tǝ nwee handa asi tǝ taa mbuka ra, ya ngǝ nkeesǝ maaso wa a lee na tom mbu ngǝ nkeesǝ ɓa.”
6Ɓǝ yaɓsǝ langtanga ma nsenya a mbraa wa ɓa ma nsenya ɓa fǝta me ɓǝka win langtanga ɓa yama, mbu ma nsenya sǝɓa ǝn yau me yǝkǝ nkaa. 7Ɓǝ wǝrsǝ maaso wa, ɓa yar ɓaata ɓosa ɓǝ nkee me sau ma kurnyaamo waso sǝta kwasi, ɓa wo ɓa haa nsenya sǝsa ɓa kung kurnyaama raɓ ma nsenya, awo nga kǝɓa naa me lǝklǝkto nsenya wa.
8Bitrus wǝrsǝ mbusa maaso wa ya koo ya kwirsǝ a wii Yeso wa, ya nkee me, “A ɓaa ma niina me nǝ yaa ma tenatenato ya!” 9Ma ɓet ɓǝsǝ ke kǝnso ɓa nsaad ɓǝ wǝr mbu nhiinyanhiinya ɓa a nsenya ɓǝ masǝsa. 10Ɓǝ ke ma Yakubu ma Yohanna em Zabadi ɓa, Yeso yǝ nkee Bitrus me kokto ngǝn mara, ngawa kǝ ngǝ yar ɓeta ngǝ ma nsenya ɗǝm ra. 11Pa ɓa win kurnyaama ɓosa ɓa wo a kira aulaara ra, ɓǝ lee mbusa nsaad ɓaa ɓǝɗǝ.
Yeso yǝ roɓ yen ma siyo tǝmo ya
12Kaaka ke Yeso yaa ɗaaso ura kasa wa, pa eɗ ke ya wo mabiri isi hersǝ ma tǝmo. Pa yǝ wǝrsǝ Yeso wa, yǝ siu a wii usu yaa kǝna, yǝ nkee me, “Yaa kwang ya, me ngǝ yawan, kǝ ngǝ nǝ ti nǝ tom ɗekɗek.” 13Yeso ya mal nem isi yaa ntee eɗ kaya yǝ nkee me “Nǝ yawan a tom ɗekɗek!” Noknok siwo tǝmo usu a roɓo.
14Pa Yeso yaa nkee me, “Ngǝ kong nkee yaa ke ra. Pa ngo, ko ngǝ weɗa ee nwaago a kuɓ nek mbusa wa ni, ngǝ ɗǝm na mbu Musa nkeesǝ me a na ɓa, me ǝɓǝ weɗa me ngǝ roɓon.” 15Ma nkee Yeso yǝ nkeesǝsǝ wa nsaad mara Yeso ra ǝn faɗ faɗ wiyo kwasa ɓeta ɗǝm ɓǝn wo me ɓa kura, ɓaa kǝr roɓo a siya ɓosa nsaad. 16Pa kaferka Yeso yǝn kǝr han ɓeta semra ɓa a sanglo me ya kǝna Kaa.
Yeso roɓ puura
17Kakake kǝn Yeso yǝn fǝɗkǝ ɓeta, pa ɓet Farisiyawa ɓa ma malǝma masaka ɓa u ɓǝ piɗsǝ a ura ɓolɓol ɓa nga Galili, Yahudiya ma Urshalima, ɓǝ nsaad kǝnso, kwangto Kaa wa ke masaye me ya roɓ ɓaa ma siya ɓa. 18Pa ɓaataka wosǝsǝ ma yaake natsa sǝrsǝ ɓǝ toosǝsǝ a ɗikra, pa ɓǝ kwetǝ me ɓǝ kan a hito, me ɓaa ti a wii Yeso wa. 19Pa ɓǝ taa ɗǝɗa ra me ɓeta her kwang ɓǝ wǝrsǝ me ɗǝɗa semra wa, pa ɓǝ taa ɗuura hito ra ɓǝ npuu kii hito wa ɓǝ too eɗ kaya ma ɗikra ira kong ɓaa ham a ɗaaso ɓeta wa a wii Yeso wa.
20Pa Yeso yǝ wǝrsǝ na ɓongtǝrato ɓoso wa, yǝ nkee me, “Sikaane, ɓaa lee ngǝ tenatenato nwaagon.” 21Ɓaa Farisiyawa ɓa, ma malǝmaa Masakasa, ɓǝ ntii senta a kuti ɓose, ɓǝn nkee me, “Wan yamni yǝn kansǝ mbu kwalakwala ɓa a ɗuura Kaa rau? Ən yamni yǝsǝ ma kwangto kiyaa lee tenatenato, meen Kaa fin mbusa rau?” 22Pa Yeso yǝ maa mbu ɓǝn sensǝ a kuti ɓose ɓan, pa yǝ ɓǝ taa me, “Mbu kwa mbi sǝn sensǝ mbusǝsa a kuti yaaseu? 23Ən u na nwa faɗsǝ papato, a nkee me, ‘Ɓaa lee ngǝ tenatenato nwaagon,’ hana a nkee me, ‘A nii ngǝ sikiu?’ 24Pa kǝnǝsǝ weɗa me, Au Ete ya, yǝ ma kwangto kiya lee tentenato a put ntaandi wa ɓa,” Pa yǝ nkee yaa natsa sǝrsǝ siya me, “A nii, ngǝ too ɗikra nga ngǝ faɗ ɗuuru.” 25Nok kǝnso ye nii a wii ɓoso, yǝ too mbu yǝ tǝrsǝ a si ɓa, yǝ faɗ ɗuuru, yǝn nyoo Kaa. 26Hana yamni a tom weɗara ɗǝm ɓǝ nyoo Kaa. Pa kokto ɓǝ ma, ɓǝ nkee me, “Naso ndǝ wǝr mbu weɗara ɓan.”
Yeso yǝ yar Lawi
27Pa ndiira maaso wa, Yeso yǝ fiɗi, yǝ wǝr an kon samra ya, ǝn yarsǝsǝ me, Lawi, yǝ ɗa a ham kon samra ɓa. Yeso yaa nkee me, “Ənǝ ɓǝɗǝ.” 28Pa Lawi yǝ nii, yǝ lee mbusa nsaad kǝnso, yaa ɓǝɗǝ.
29Pa Lawi werkǝ nkoora se mbuseyaa ra Yeso a ɗuur usu, ma ɓan kon samra ɓa dem, ma ɓaata ɓǝn se mbuseyaa ke. 30Pa Farisiyawa ma malǝma Masaka wa u ɓǝsǝ Farisiyawa wa, ɓǝ nhuurǝ emfǝɗkaa ɓisa, ɓǝ nkee me, “Tomtomni sǝn se ɗǝm sǝ wee ma ɓan kon samra ɓa, ma ‘ɓan ma tentenato ɓau’?” #5:30 Ɓet Farisiyawa ɓa na ɓongtǝra me ɓǝɗaa masaka Musa wa ra ɓa 31Yeso yǝɓǝ kak yǝ nkee me, “Ɓaa ɓǝsǝ kwakwa ɓa ɓǝ taa siwi ra, pa ɓaa sem kwakwa ra ɓa ɓǝn taa ɓosa. 32Niina nǝ wo me nǝ yar ɓaa ɓǝn tomsǝ mbu keke a wiiyo a Kaa ni ɓa ra, pa nǝ wo me ɓaa ɓǝsǝ ma tentenato ɓa, me ɓǝ kon nfaata.”
Taa mbuka a ɗuura ɓisi mbuseya wa
33Ɓaataka ɓǝ wo, ɓaa nkee Yeso me, “Emfǝɗkaa Yohanna an tom baptisma ya, nfee ɓǝn kwal mbraa ɗǝm ɓǝn kǝna Kaa, maaso ɗǝm ma emfǝɗkaa Farisiyawa ɓa, pa nwaango ɓǝn se ɓǝ wee.” 34Yeso yǝ ɓǝ kak me, “Sǝn wǝr nga kǝsǝ nkaa sǝ tii sik kere ɓa ɓǝ kwal mbraa, si kere yǝ ke ma ɓosau? 35Pa fer usu kǝ wo ɓaa kǝ too kere ǝɓǝ lee wa. Pa a tǝro siso ɓǝkaa kwal mbraa wa.”
36Pa Yeso yǝ ɓǝ na mǝɗkǝra yǝ nkee me, “Yaake sem kǝn kiya nsaatǝ luktu usu nfiinfii wa pa yǝ too meera ya kak a si wa ra. Me yǝ tom maaso, kǝ tom yǝ tǝblǝ luktu usu nfiinfii nwan, pa yǝ kaɗ keke a meera luktu wa ra. 37Yaake sem kǝn kiya mbaɗ mbraa nfiinfii emngwate inabi ma a meeta mɓukta wa ra. Me yǝ tom maaso, mbraa nfiinfii emngwate inabi ma kǝ pam mɓukta sǝta, #5:37 Ɓet Isra'ila ɓa ɓǝn sǝk tinima ma mɓukta ɓaa ti mbraa emngwate inabi ma, mbraa emngwate inabi ma kǝ tuku, ɗǝm mɓukta sǝta kǝ tǝblǝ. 38Pa a tom maaso ra, mbraa nfiinfii emngwate inabi ma, kaɗan ɗaɗ a mbaɗ a mɓukta nfiinfii ta. 39Yaake sem kǝya se nepto wee nfii nfiira mbraa emngwate inabi ma, me yǝ wee meera mbraa emngwate inabi man kǝ ya nkee me, ‘Meera faɗ nepton.’ ”
Selectat acum:
:
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
©2023 Seed Company in collaboration with Language Developers and Bible Translators Association