Mathiu 7
7
1Nekimiar tereshoan nar retat le nerapusen, mama neki nerapusen reshoan nar retat le kamiar.
2Mero in ka rolkoma nekimiar rakahmo nar retat le nerapusen, nekin ilar terakahmo mun nar retat le kamiar. An rolkoma tenakarofen kapofena kam kamiar.
3An retol nakamahm noanverin nar le nemrin piam, mero nekim reshoan iribor le taham nemram.
4Wa tenakatueni to piam, Pas iakosita noanverin nar le nemram, mero ahm ru, iribor le nemram.
5Ik iausit, paupan nakosita iribor le taham nemram, an nepahm hrakak nakosita iresuas le nemri piam.
6Tenesarofenan neri ausim kam kuri, an teneseihlaupaupauan nar ut temiar le nepukas, mero tepailiwak lan le nelikin ilar an meparhwin an markis kamiar.
7Eihrapkin an tapofena kam kamiar, aitkoigen an tenakaihm, atiti an kapetita to kamiar.
8Mero in ka ierem tererhapkin teros, an ierem teratkoigen terahm, an ierem teratiti kapatita ton.
9Wa pehe ieremim le kamiar nerin tererhapuk to bred rapofen kapiel kam in?
10Wa repehrapkin nam rapofen tagalua kam in?
11Mero in ka takama kamiar neremim tat nakarhinatin nar ut tenakarofen kam nererimiar min, an kuhu mun Remimiar le neai terepofen nar ut kam nerem kamehrapkin?
12Mero in ka naremnar nakarolkeikei mama nerapusen takarol kam kamiar, kamiar nakarol mun maka lan kam ilar. Mero in ka inuk nowa asul mene profeta min.
13Tenakaruan le nukulu asuas, mero in ka nukulu asul mene suatu asul ramir til to nemisan; an neremim ribor kamaruan iken.
14Mero in ka nukulu asuas mene suatu asuas ramir til to nemihwan; an neremim noanevin am kamaihm.
15Takamaihmena profeta aiwa nerem takarua to kamiar le nemami ship, mero le nekin ilar rolkoma iabakaru ramkin til.
16Tenakarhinatin ilar le nowa nik tenilar. Neremim takarhwafugen nowa krep le nulkasik, wa nowa nihm le nar rol nihlin?
17Rolmok lan nik ut min ramowa in nowa nik ut, mero nik tat min ramowa in nowa nik tat.
18Nik ut to resowean in nowa nik tat, an nik tat to resowean in nowa nik ut.
19Nik min resowean in nowa nik ut karatagatag an kafepen le nekam.
20Mero in ka le nowa nik tenilar tenakarhinatin ilar.
21Rosolan moma nerem takani tonio, Ieremera, Ieremera, takaruan petum le niko le neai; mero ierem terol nowa te Tata le neai.
22Neremim ribor tepani tonio le nepenian ka, Ieremera, Ieremera, iemesatikunan le netigam, an le netigam mahiliatou nanumun tat, an le netigam marol nar puk nevin?
23An tiapeni to ilar loanian ka, Iemeshinatinan kamiar, aruan isou tonio, kamiar nerem nakamarol tehwaga tat.
24Mero in ka ierem terero nakaran min uk tahak mamol rapol kama ialbakau ierem rametikhivin nimwa tahan letui kapiel.
25An nihin teratite an iapiwan teraih an nemetag neterail, an mamaikalulin nimwa ka, an ramesaman mero in ka kametikhivin le kapiel.
26An ierem terero nakaran min uk tahak mesolan terepol kama iapou ierem rametikhivin nimwa le nemaklakel.
27An nihin teratite an iapiwan teraih an nemetag neterail, mamaikalulin nimwa ka; an ramam, an naman tahan ramibor.
28An Iesu neterenita nakaran min uk, an nahuto min netakamaisak le netikunan tahan.
29Mero in ka rametikun ilar kama ierem ramesanen, an resolan kama nerem kamatikun tenilar.
Selectat acum:
Mathiu 7: LEN1902
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
Published by the British and Foreign Bible Society in 1902, reprinted in 1935.
Mathiu 7
7
1Nekimiar tereshoan nar retat le nerapusen, mama neki nerapusen reshoan nar retat le kamiar.
2Mero in ka rolkoma nekimiar rakahmo nar retat le nerapusen, nekin ilar terakahmo mun nar retat le kamiar. An rolkoma tenakarofen kapofena kam kamiar.
3An retol nakamahm noanverin nar le nemrin piam, mero nekim reshoan iribor le taham nemram.
4Wa tenakatueni to piam, Pas iakosita noanverin nar le nemram, mero ahm ru, iribor le nemram.
5Ik iausit, paupan nakosita iribor le taham nemram, an nepahm hrakak nakosita iresuas le nemri piam.
6Tenesarofenan neri ausim kam kuri, an teneseihlaupaupauan nar ut temiar le nepukas, mero tepailiwak lan le nelikin ilar an meparhwin an markis kamiar.
7Eihrapkin an tapofena kam kamiar, aitkoigen an tenakaihm, atiti an kapetita to kamiar.
8Mero in ka ierem tererhapkin teros, an ierem teratkoigen terahm, an ierem teratiti kapatita ton.
9Wa pehe ieremim le kamiar nerin tererhapuk to bred rapofen kapiel kam in?
10Wa repehrapkin nam rapofen tagalua kam in?
11Mero in ka takama kamiar neremim tat nakarhinatin nar ut tenakarofen kam nererimiar min, an kuhu mun Remimiar le neai terepofen nar ut kam nerem kamehrapkin?
12Mero in ka naremnar nakarolkeikei mama nerapusen takarol kam kamiar, kamiar nakarol mun maka lan kam ilar. Mero in ka inuk nowa asul mene profeta min.
13Tenakaruan le nukulu asuas, mero in ka nukulu asul mene suatu asul ramir til to nemisan; an neremim ribor kamaruan iken.
14Mero in ka nukulu asuas mene suatu asuas ramir til to nemihwan; an neremim noanevin am kamaihm.
15Takamaihmena profeta aiwa nerem takarua to kamiar le nemami ship, mero le nekin ilar rolkoma iabakaru ramkin til.
16Tenakarhinatin ilar le nowa nik tenilar. Neremim takarhwafugen nowa krep le nulkasik, wa nowa nihm le nar rol nihlin?
17Rolmok lan nik ut min ramowa in nowa nik ut, mero nik tat min ramowa in nowa nik tat.
18Nik ut to resowean in nowa nik tat, an nik tat to resowean in nowa nik ut.
19Nik min resowean in nowa nik ut karatagatag an kafepen le nekam.
20Mero in ka le nowa nik tenilar tenakarhinatin ilar.
21Rosolan moma nerem takani tonio, Ieremera, Ieremera, takaruan petum le niko le neai; mero ierem terol nowa te Tata le neai.
22Neremim ribor tepani tonio le nepenian ka, Ieremera, Ieremera, iemesatikunan le netigam, an le netigam mahiliatou nanumun tat, an le netigam marol nar puk nevin?
23An tiapeni to ilar loanian ka, Iemeshinatinan kamiar, aruan isou tonio, kamiar nerem nakamarol tehwaga tat.
24Mero in ka ierem terero nakaran min uk tahak mamol rapol kama ialbakau ierem rametikhivin nimwa tahan letui kapiel.
25An nihin teratite an iapiwan teraih an nemetag neterail, an mamaikalulin nimwa ka, an ramesaman mero in ka kametikhivin le kapiel.
26An ierem terero nakaran min uk tahak mesolan terepol kama iapou ierem rametikhivin nimwa le nemaklakel.
27An nihin teratite an iapiwan teraih an nemetag neterail, mamaikalulin nimwa ka; an ramam, an naman tahan ramibor.
28An Iesu neterenita nakaran min uk, an nahuto min netakamaisak le netikunan tahan.
29Mero in ka rametikun ilar kama ierem ramesanen, an resolan kama nerem kamatikun tenilar.
Selectat acum:
:
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
Published by the British and Foreign Bible Society in 1902, reprinted in 1935.